ഡ്രൈവിങ്ങിനിടയില്‍ ഫോണ്‍വിളി മാത്രമല്ല, മെസേജും ഫോട്ടോയെടുപ്പും വേണ്ട; ഉപദേശവുമായി പോലീസ്


ഡ്രൈവിങ്ങിനിടയില്‍ ഫോണില്‍ സംസാരിക്കുന്നത് മാത്രമല്ല, മെസേജ് അയയ്ക്കുന്നതും ഫോണിലെ ക്യാമറയില്‍ ചിത്രീകരണം നടത്തുന്നതും നിയമലംഘനമാണ്.

പ്രതീകാത്മക ചിത്രം | Photo: Twitter|MORTHINDIA

രുചക്ര വാഹനം ഓടിക്കുന്നവര്‍ ഹെല്‍മെറ്റിനുള്ളില്‍ ഒളിപ്പിച്ചും, മറ്റ് വാഹനങ്ങള്‍ ഡ്രൈവ് ചെയ്യുന്നവര്‍ കഴുത്തിനും ചെവിക്കുമിടയില്‍ ഫോണ്‍ ഇറുക്കി വെച്ചും വാഹനമോടിക്കുന്നത് നിരത്തുകളിലെ സ്ഥിരം കാഴ്ച്ചയാണ്. പോലീസിന്റെ കണ്ണില്‍പെടുന്ന ഇത്തരം നിയമലംഘനങ്ങള്‍ക്ക് കനത്ത പിഴയും നല്‍കാറുണ്ട്. എന്നാല്‍, ഇത്തരം നിയമലംഘനങ്ങള്‍ ആവര്‍ത്തിക്കുന്ന സ്വന്തം ജീവനും വാഹനവുമായി നിരത്തുകളില്‍ ഇറങ്ങുന്ന മറ്റുള്ളവര്‍ക്കും ആപത്താണെന്നാണ് പോലീസ് അറിയിക്കുന്നത്.

ഡ്രൈവിങ്ങിനിടയില്‍ മൊബൈല്‍ ഫോണില്‍ സംസാരിക്കുന്നത് മാത്രമല്ല, ഫോണില്‍ മെസേജ് അയയ്ക്കുന്നതും ഫോണിലെ ക്യാമറയില്‍ ചിത്രീകരണം നടത്തുന്നതും നിയമലംഘനത്തിന്റെ പരിധിയില്‍ വരുന്നവയാണ്. ഇത്തരക്കാര്‍ക്ക് പിഴ നല്‍കുന്നതിനൊപ്പം ലൈസന്‍സ് റദ്ദാക്കുന്നത് ഉള്‍പ്പെടെയുള്ള നടപടികളാണ് പോലീസ് ഇപ്പോള്‍ സ്വീകരിക്കുന്നത്. എന്നാല്‍, സാമൂഹിക മാധ്യമങ്ങളിലൂടെ ഡ്രൈവിങ്ങിലെ ഫോണ്‍ ഉപയോഗം കുറയ്ക്കാനുള്ള ബോധവത്കരണം തുടരുകയാണ് പോലീസ്.

വാഹനം ഓടിക്കുന്നതിനിടയില്‍ ഫോണ്‍ ഉപയോഗിക്കുന്നത് ഒഴിവാക്കുന്നതിനായി പിന്‍സീറ്റിലോ ഡാഷ്‌ബോര്‍ഡിലോ പോലെ പെട്ടെന്ന് കൈയെത്താത്ത് സ്ഥലങ്ങളില്‍ ഫോണ്‍ സൂക്ഷിക്കുന്നത് ഉചിതമായിരിക്കുമെന്നാണ് പോലീസിന്റെ ഉപദേശം. അത്യാവശ്യ ഘട്ടങ്ങളില്‍ വിളിക്കുന്നതിനോ മെസേജ് അയയ്ക്കുന്നതിനോ വാഹനം സുരക്ഷിതമായി നിര്‍ത്തിയശേഷം മാത്രമേ ഫോണ്‍ ഉപയോഗിക്കാന്‍ പാടുള്ളൂവെന്നാണ് പോലീസ് നല്‍കുന്ന മറ്റൊരു നിര്‍ദേശം.

എത്ര ചെറിയ മെസേജ് ആണെങ്കില്‍ എത്ര ദൈര്‍ഘ്യം കുറഞ്ഞ കോള്‍ ആണെങ്കിലും ഡ്രൈവ് ചെയ്ത് കൊണ്ടുള്ളത് ഒഴിവാക്കുന്നതാണ് ഉത്തമം. വാഹനമോടിക്കുന്നതിനിടയില്‍ മൊബൈല്‍ഫോണില്‍ സംസാരിക്കുക, മെസ്സേജ് അയക്കുക, ഇന്റര്‍നെറ്റ് ഉപയോഗിക്കുക, ഫോട്ടോ എടുക്കുക തുടങ്ങിയവ ഗുരുതരമായ നിയമലംഘനങ്ങളായാണ് പരിഗണിക്കുന്നത്. സ്വന്തം സുരക്ഷയ്ക്ക് പുറമെ, പൊതുജനങ്ങളുടെ സുരക്ഷയ്ക്കുമായി ഇത്തരം പ്രവണത ഉപേക്ഷിക്കണമെന്നാണ് പോലീസ് നിര്‍ദേശം.

Content Highlights: Don't use mobile phone while drive, phone call and messaging while driving is punishable


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 28, 2022


22:40

ഐഎഎഎസ്സിനായി 25-ാം വയസ്സിലാണ് ഞാൻ കൈയ്യക്ഷരം നന്നാക്കാൻ പോയത്: കളക്ടർ കൃഷ്ണ തേജ | Interview Part 1

Sep 28, 2022


12:13

സിജുവിന് ഇനി കുടവയറുള്ള വേഷം കിട്ടട്ടെ- അജു വർഗീസ് | Saturday Night Team Talkies

Sep 29, 2022

Most Commented