കോവിഡ് രണ്ടാം തരംഗവും ലോക്ഡൗണും; ഏപ്രിലില്‍ വാഹന രജിസ്‌ട്രേഷനില്‍ 32 ശതമാനം ഇടിവ്


2020 ഏപ്രിലില്‍ സമ്പൂര്‍ണ ലോക്ഡൗണ്‍ ഏര്‍പ്പെടുത്തിയിരുന്നതിനാല്‍ വാഹന വില്‍പ്പന നടന്നിരുന്നില്ല.

പ്രതീകാത്മക ചിത്രം | ഫോട്ടോ: മാതൃഭൂമി

പ്രില്‍ മാസത്തില്‍ രാജ്യത്തെ വാഹന രജിസ്‌ട്രേഷനില്‍ 32 ശതമാനം ഇടിവുണ്ടായതായി ഫെഡറേഷന്‍ ഓഫ് ഓട്ടോമൊബൈല്‍ ഡീലേഴ്‌സ് അസോസിയേഷന്‍ (ഫാഡ) വ്യക്തമാക്കി. 2019 ഏപ്രിലിലെ കണക്കുമായി നോക്കുമ്പോഴാണ് ഇത്രയും ഇടിവ്. 2020 ഏപ്രിലില്‍ സമ്പൂര്‍ണ ലോക്ഡൗണ്‍ ഏര്‍പ്പെടുത്തിയിരുന്നതിനാല്‍ വാഹന വില്‍പ്പന നടന്നിരുന്നില്ല.

യാത്രാ വാഹന രജിസ്‌ട്രേഷനില്‍ ഇത്തവണ 11 ശതമാനമാണ് ഇടിവെന്നും സംഘടന പറയുന്നു. കോവിഡ് രണ്ടാം വ്യാപനത്തില്‍ രാജ്യത്തെ സുപ്രധാന വിപണികളെല്ലാം ലോക്ഡൗണിലേക്കു നീങ്ങിയതാണ് രജിസ്‌ട്രേഷന്‍ കുറയാന്‍ കാരണമായതെന്ന് ഫാഡ പ്രസിഡന്റ് വിങ്കേഷ് ഗുലാത്തി പറഞ്ഞു.

ഫാഡയുടെ കണക്കു പ്രകാരം ട്രാക്ടറുകളുടെ രജിസ്‌ട്രേഷനില്‍ മാത്രമാണ് നേരിയ വളര്‍ച്ച പ്രകടമായത്. 2019 ഏപ്രിലിലെ 36,984 എണ്ണത്തില്‍നിന്ന് 3.52 ശതമാനം ഉയര്‍ന്ന് 38,285 എണ്ണത്തിലെത്തി. മുച്ചക്ര വാഹന രജിസ്‌ട്രേഷന്‍ 55.59 ശതമാനം കുറഞ്ഞ് 21,636 എണ്ണമായി. 2019 ഏപ്രിലിലിത് 48,722 എണ്ണമായിരുന്നു.

ഇരുചക്ര വാഹനങ്ങളുടേത് 13.38 ലക്ഷത്തില്‍നിന്ന് 8.65 ലക്ഷമായി കുറഞ്ഞു. 35.35 ശതമാനം ഇടിവ്. വാണിജ്യ വാഹന രജിസ്‌ട്രേഷനില്‍ ഇടിവ് 34.58 ശതമാനമാണ്. 2019 ഏപ്രിലിലെ 78,630 എണ്ണത്തില്‍ നിന്ന് 51,436 എണ്ണമായി ചുരുങ്ങി. യാത്രാ വാഹന രജിസ്‌ട്രേഷന്‍ രണ്ടു വര്‍ഷം മുമ്പത്തെ 2.36 ലക്ഷത്തില്‍നിന്ന് 2.08 ലക്ഷമായി കുറഞ്ഞു. 11.56 ശതമാനം ഇടിവ്.

അതേസമയം, 2021 മാര്‍ച്ചിനെ അപേക്ഷിച്ച് ഇടിവ് 25.33 ശതമാനമാണ്. ഏപ്രിലിലെ മൊത്തം വാഹന രജിസ്‌ട്രേഷന്‍ 11.85 ലക്ഷമാണ്. 2019 ഏപ്രിലിത് 17.38 ലക്ഷവും. 31.83 ശതമാനമാണ് കുറവ്. രാജ്യത്തെ 15,000 വാഹന ഡീലര്‍മാരെ പ്രതിനിധീകരിക്കുന്ന സംഘടനയാണ് ഫാഡ. വാഹന വില്‍പ്പനയുടെ 90 ശതമാനം വിപണി വിഹിതവും ഫെഡറേഷനു കീഴിലുള്ള ഡീലര്‍മാരുടേതാണ്.

Content Highlights: Covid Second Wave and Lockdown Vehicle Registration Report Decline In April 2021

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Nupur Sharma

1 min

ഉത്തരവാദി നിങ്ങളാണ്, രാജ്യത്തോട് മാപ്പ് പറയണം: നൂപുര്‍ ശര്‍മയോട് സുപ്രീംകോടതി

Jul 1, 2022


veena vijayan

2 min

പിണറായിയുടെ മകളായിപ്പോയെന്ന ഒറ്റകാരണത്താല്‍ വേട്ടയാടപ്പെടുന്ന സ്ത്രീ; പിന്തുണച്ച് ആര്യ രാജേന്ദ്രന്‍

Jun 30, 2022


Rahul Dravid jumps with delight as Rishabh Pant scored hundred

1 min

ഋഷഭ് പന്തിന്റെ സെഞ്ചുറിയില്‍ സന്തോഷത്താല്‍ മതിമറന്ന് ദ്രാവിഡ്; ദൃശ്യങ്ങള്‍ വൈറല്‍

Jul 1, 2022

Most Commented