വാഹനാപകടങ്ങളിലെ നഷ്ടപരിഹാരത്തിന് കാലങ്ങള്‍ കാത്തിരിക്കേണ്ട; പുതിയ മനദണ്ഡവുമായി എം.വി.ഡി.


പ്രതീകാത്മക ചിത്രം | ഫോട്ടോ: മാതൃഭൂമി

വാഹനാപകടങ്ങളില്‍ മരിക്കുന്നവരുടെ അവകാശികള്‍ക്ക് നഷ്ടപരിഹാരം കൈമാറുന്നത് വേഗത്തിലാക്കാന്‍ കൃത്യമായ മാനദണ്ഡങ്ങള്‍ തയ്യാറാക്കാനൊരുങ്ങി മോട്ടോര്‍വാഹനവകുപ്പ്. പോളിസി കാലാവധി കഴിയുന്നതിനുമുമ്പ് മരിച്ചവരുടെ അനന്തരാവകാശികളില്‍ ഇന്‍ഷുറന്‍സ് തുക ലഭിക്കാത്തവരുണ്ടെന്ന് കണ്ടെത്തിയതിനെത്തുടര്‍ന്നാണ് നടപടി.

ഇതിനുള്ള ചട്ടങ്ങള്‍ എല്ലാ കമ്പനികള്‍ക്കും ഒരേരീതിയിലായിരിക്കണമെന്നതുള്‍പ്പെടെയുള്ള കാര്യങ്ങള്‍ക്കാണ് മുന്‍ഗണന നല്‍കുകയെന്ന് മോട്ടോര്‍ വാഹനവകുപ്പ് അധികൃതര്‍ പറഞ്ഞു. വാഹന ഇന്‍ഷുറന്‍സ് കാലാവധി കഴിഞ്ഞിട്ടില്ലെങ്കില്‍ നഷ്ടപരിഹാരം നിയമപരമായി അവകാശികള്‍ക്ക് കൈമാറ്റം ചെയ്യുന്നതിന് തടസ്സം കുറവാണ്.

വാഹനത്തിന്റെ ഇന്‍ഷുറന്‍സ് കൈമാറ്റം ചെയ്യുന്നതിന് ആര്‍.ടി.ഒ. ഓഫീസില്‍ ചില രേഖകള്‍ നല്‍കണമെന്നതാണ് പ്രധാനകാര്യം. പോളിസിയുടമയുടെ മരണവിവരം എത്രയുംപെട്ടെന്ന് മോട്ടോര്‍ ഇന്‍ഷുറന്‍സ് നല്‍കുന്ന ഓഫീസിലറിയിക്കണം. ആര്‍.ടി.ഒ. ഓഫീസില്‍നിന്ന് വാഹനത്തിന്റെ രജിസ്‌ട്രേഷന്‍ രേഖകള്‍ അവകാശികളുടെ പേരിലാക്കുന്നതാണ് പ്രാഥമികമായി ചെയ്യേണ്ടത്.

ഇതിനായി അവകാശികള്‍ ആര്‍.ടി.ഒ. ഓഫീസില്‍ കൃത്യമായി പൂരിപ്പിച്ച ഫോറം 31 നല്‍കണം. ഇതിനൊപ്പം വാഹനത്തിന്റെ ആര്‍.സി., പോളിസി ഉടമയുടെ മരണ സര്‍ട്ടിഫിക്കറ്റ്, ഷാസി നമ്പര്‍, പുക പരിശോധനാ സര്‍ട്ടിഫിക്കറ്റ്, വാഹനം വാങ്ങിയ രേഖകള്‍, വാഹനത്തിന്റെ ഇപ്പോഴുള്ള ഇന്‍ഷുറന്‍സ്, വാഹനത്തിന് വായ്പയുണ്ടെങ്കില്‍ ആ രേഖകള്‍ എന്‍.ഒ.സി.യോടുകൂടിയത്, അവകാശിയുടെ തിരിച്ചറിയല്‍ കാര്‍ഡ്, മേല്‍വിലാസം തെളിയിക്കുന്നതിനുള്ള രേഖ, പിന്തുടര്‍ച്ചാ സര്‍ട്ടിഫിക്കറ്റ്, ആധാറിന്റെയോ പാന്‍ കാര്‍ഡിന്റെയോ സാക്ഷ്യപ്പെടുത്തിയ കോപ്പി, കൈമാറ്റത്തിനുവേണ്ടിയുള്ള തുക, ആവശ്യപ്പെടുകയാണെങ്കില്‍ ആര്‍.ടി.ഒ.യുടെ 29, 30 ഫോറങ്ങള്‍ എന്നിവയാണ് ആദ്യം നല്‍കേണ്ടത്. ഈ നടപടിക്രമങ്ങള്‍ എളുപ്പത്തിലാക്കാനാണ് ശ്രമം.

Content Highlights: Compensation For Accident Death, MVD Kerala, Motor Vehicle Department


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

'ഷർട്ട് വാങ്ങാൻ 1500 രൂപ കൊടുത്തു, ലോണടയ്ക്കാൻ 1000 തിരികെ തന്നു'

Oct 6, 2022


anas

2 min

പോയത് നാലുകോടി രൂപ; ജീവിതം അവസാനിപ്പിക്കുമെന്ന് പറഞ്ഞ് മുഖ്യമന്ത്രിക്ക് കത്തയച്ച് സംരംഭകന്‍

Oct 7, 2022


06:50

വിമാനലോകത്തിലെ ഭീമന്‍, എയര്‍ബസ് A 380 സീരീസിന്  മരണമണി മുഴങ്ങുന്നു

Oct 6, 2022

Most Commented