രാജ്യത്ത് ഹൈഡ്രജന്‍ ഇന്ധനവാഹനങ്ങള്‍ വരുന്നു; പരീക്ഷണം ഡല്‍ഹിയിലും ലഡാക്കിലും


ആദ്യഘട്ടത്തില്‍ പത്തുവീതം ബസുകളും കാറുകളുമാണ് ഇറക്കുക.

രാജ്യത്ത് ആദ്യമായി ഹൈഡ്രജന്‍ ഇന്ധനമാക്കി ഓടുന്ന വൈദ്യുതി വാഹനങ്ങള്‍ കൊണ്ടുവരാന്‍ കേന്ദ്രസര്‍ക്കാര്‍ ഒരുങ്ങുന്നു. പരീക്ഷണാടിസ്ഥാനത്തില്‍ ഡല്‍ഹിയിലും ലഡാക്കിലെ ലേയിലുമാണ് വാഹനങ്ങള്‍ ആദ്യം അവതരിപ്പിക്കുക.

ഇതിനായി കേന്ദ്ര വൈദ്യുതമന്ത്രാലയത്തിന് കീഴിലെ പൊതുമേഖലാ സ്ഥാപനമായ നാഷണല്‍ തെര്‍മല്‍ പവര്‍ കോര്‍പ്പറേഷന്‍ (എന്‍.ടി.പി.സി.) ആഗോള താത്പര്യപത്രം ക്ഷണിച്ചു.

ആദ്യഘട്ടത്തില്‍ പത്തുവീതം ബസുകളും കാറുകളുമാണ് ഇറക്കുക. ഹൈഡ്രജന്‍ വാഹനങ്ങളെ പ്രോത്സാഹിപ്പിക്കുന്നതിന്റെ ഭാഗമായാണ് ഈ നീക്കം. അന്തരീക്ഷമലിനീകരണം കുറയ്ക്കാന്‍ ഇത്തരം വാഹനങ്ങള്‍ സഹായിക്കുമെന്നാണ് കേന്ദ്ര സര്‍ക്കാരിന്റെ പ്രതീക്ഷ.

ടൊയോട്ട, ഹ്യുണ്ടായി, ഹോണ്ട എന്നീ കമ്പനികള്‍ മൂന്നുവര്‍ഷംമുമ്പ് ഹൈഡ്രജന്‍ കാറുകള്‍ വിപണിയിലിറക്കിയിരുന്നു. ചൈനയില്‍ ഹൈഡ്രജന്‍ ബസുകളും ട്രാമുകളും സര്‍വീസ് തുടങ്ങിയിട്ടുണ്ട്. കേരളത്തില്‍ വെള്ളത്തില്‍നിന്ന് ഹൈഡ്രജന്‍ ഉത്പാദിപ്പിക്കാന്‍ സൗകര്യവും സാധ്യതയും കൂടുതലായതിനാല്‍ എല്‍.എന്‍.ജി.യെക്കാള്‍ ലാഭകരമായിരിക്കുമെന്നാണ് കണക്കാക്കുന്നത്.

സൗരോര്‍ജം ഉപയോഗിച്ച് വെള്ളത്തെ ഹൈഡ്രജനും ഓക്‌സിജനുമായി വിഘടിപ്പിക്കുകയും ഹൈഡ്രജന്‍ സൂക്ഷിക്കുകയുമാണ് ചെയ്യുക. കൊച്ചി റിഫൈനറിയില്‍ അമേരിക്കന്‍ കമ്പനിയുടെ സഹായത്തോടെ ഇപ്പോള്‍ത്തന്നെ ഈ സംവിധാനമുണ്ട്. പൈപ്പ്‌ലൈനിലൂടെ ഹൈഡ്രജന്‍ വിതരണ കേന്ദ്രങ്ങളിലേക്കെത്തിക്കുന്നതിനുള്ള സാങ്കേതികവിദ്യയും കമ്പനി വാഗ്ദാനം ചെയ്തിട്ടുണ്ട്.

Content Highlights: Central Government Planning To Bring Hydrogen Vehicles In India


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
cm pinarayi vijayan kodiyeri balakrishnan

5 min

'ഒരുമിച്ച് നടന്ന യഥാര്‍ത്ഥ സഹോദരര്‍ തന്നെയാണ് ഞങ്ങള്‍,സംഭവിക്കരുത് എന്ന് തീവ്രമായി ആഗ്രഹിച്ചു,പക്ഷേ'

Oct 1, 2022


KODIYERI VS

1 min

'അച്ഛന്റെ കണ്ണുകളില്‍ ഒരു നനവ് വ്യക്തമായി കാണാനായി; അനുശോചനം അറിയിക്കണം എന്നു മാത്രം പറഞ്ഞു'

Oct 1, 2022


06:03

16-ാം വയസ്സില്‍ പാര്‍ട്ടി അംഗത്വം; എതിരാളികള്‍ക്ക് പോലും സ്വീകാര്യന്‍... കോടിയേരി ഓർമയാകുമ്പോൾ

Oct 1, 2022

Most Commented