പഴയ വണ്ടിയില്‍ കിടക്കയും അടുക്കളയുമായി നാടുചുറ്റല്‍ നടക്കില്ല; ;'വാഹന വീടു'കള്‍ക്കുമുണ്ട് കടമ്പകള്‍


ഊണും ഉറക്കവുമെല്ലാം വാഹനങ്ങളില്‍ തന്നെയാകുന്ന 'വാന്‍ ലൈഫ്' ആസ്വദിക്കണമെങ്കില്‍ അംഗീകൃത കാരവനുകള്‍ വേണ്ടിവരും.

ഴയവാഹനങ്ങളില്‍ കിടക്കയും അടുക്കളയുമൊരുക്കിയുള്ള നാടുചുറ്റല്‍ ഇനി നടക്കില്ല. ഊണും ഉറക്കവുമെല്ലാം വാഹനങ്ങളില്‍ തന്നെയാകുന്ന 'വാന്‍ ലൈഫ്' ആസ്വദിക്കണമെങ്കില്‍ അംഗീകൃത കാരവനുകള്‍ വേണ്ടിവരും. സുരക്ഷാക്രമീകരണങ്ങളെല്ലാം പാലിച്ചുകൊണ്ട് അംഗീകൃത ഫാക്ടറികളില്‍ നിര്‍മിക്കുന്ന വാഹനങ്ങള്‍ക്കുമാത്രമേ യാത്രാനുമതി ലഭിക്കൂ.

കാരവനുകള്‍, മൊബൈല്‍ കാന്റീനുകള്‍, കാഷ് വാനുകള്‍, എന്നിവയുടെ നിര്‍മാണത്തിന് നിലവില്‍ വ്യവസ്ഥകളില്ലായിരുന്നു. പഴയവാഹനങ്ങളില്‍ അവരവര്‍ക്ക് സൗകര്യപ്രദമായ വിധത്തില്‍ കിടപ്പുമുറിയും സൗകര്യങ്ങളും ഒരുക്കുകയായിരുന്നു. ഇത് പലപ്പോഴും തീപ്പിടിത്തം ഉള്‍പ്പെടെയുള്ള അത്യാഹിതങ്ങള്‍ക്ക് ഇടയാക്കിയിരുന്നു.

ചിലര്‍ ഓമ്നിപോലുള്ള ചെറിയവാഹനങ്ങള്‍ക്ക് മുകളില്‍പ്പോലും കിടപ്പറവരെ നിര്‍മിച്ചു. അപകടസാധ്യത കണ്ട് മോട്ടോര്‍ വാഹനവകുപ്പ് ഉദ്യോഗസ്ഥര്‍ ഇത് തടഞ്ഞിരുന്നു. ഇതിനൊക്കെ പരിഹാരമായിട്ടാണ് ബസ് ബോഡി കോഡിന്റെ മാതൃകയില്‍ കേന്ദ്രസര്‍ക്കാര്‍ നിയമനിര്‍മാണം നടത്തിയത്.

ഹെവി, മിനി വാഹനങ്ങളുടെ ഷാസിയില്‍ കാരവാനുകള്‍ നിര്‍മിക്കാം. കേന്ദ്രസര്‍ക്കാര്‍ നിഷ്‌കര്‍ഷിക്കുന്ന നാല് അളവുകളില്‍പ്പെട്ടവയ്ക്ക് മാത്രമാണ് അനുമതി. അഗ്‌നിശമന ഉപകരണങ്ങള്‍ ഉള്‍പ്പെടെയുള്ള സുരക്ഷാ സംവിധാനങ്ങളും നിര്‍ബന്ധമാണ്. ഇരിപ്പിടങ്ങള്‍, ടേബിളുകള്‍, കിടപ്പറ, അടുക്കള, ബാത്ത്റൂം, വാട്ടര്‍ ടാങ്കുകള്‍, സ്റ്റോറേജ് സൗകര്യങ്ങള്‍, വയറിങ്, വാതിലുകള്‍, എമര്‍ജന്‍സി എക്‌സിറ്റുകള്‍ എന്നിവയ്‌ക്കെല്ലാം നിയമാനുസൃതമായ സുരക്ഷാക്രമീകരണങ്ങള്‍ പാലിക്കണം.

അംഗീകൃത ഫാക്ടറികള്‍ക്ക് മാത്രമേ ഇവ നിര്‍മിക്കാന്‍ കഴിയുകയുള്ളൂ. പണം കൊണ്ടുപോകാന്‍ ഉപയോഗിക്കുന്ന കാഷ് വാനുകള്‍ക്ക് നിരീക്ഷണ ക്യാമറകള്‍, ജി.പി.എസ്. സംവിധാനം എന്നിവ നിര്‍ബന്ധമാക്കിക്കൊണ്ട് കേന്ദ്ര ഉപരിതലമന്ത്രാലയം ഭേദഗതിയുടെ കരട് പ്രസിദ്ധീകരിച്ചു. ആറുമാസത്തിനുള്ളില്‍ നടപ്പാക്കും.

Content Highlights: Central Government Introduce Safety Directions For Van House, Vehicle House

ബി. അജിത് രാജ്

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
supreme court

1 min

ഗുജറാത്ത് കലാപം: എ.സി. മുറിയിലിരിക്കുന്നവര്‍ക്ക് യാഥാര്‍ഥ്യമറിയില്ല - സുപ്രീംകോടതി

Jun 25, 2022


vijay babu

3 min

സമ്മതപ്രകാരമുള്ള ബന്ധത്തെ ബലാത്സംഗമായി മാറ്റുന്നതിനെതിരേ ജാഗ്രത വേണം -ഹൈക്കോടതി

Jun 23, 2022


Droupadi Murmu

5 min

ദ്രൗപദി മുർമുവിനെ സര്‍വ്വസമ്മതയായ സ്ഥാനാര്‍ഥിയായി നിര്‍ത്തണം; സിന്‍ഹയെ പിന്‍വലിക്കണം | പ്രതിഭാഷണം

Jun 23, 2022

Most Commented