ഇലക്ട്രിക് വാഹനത്തില്‍ പുതിയ കുതിപ്പിന് ഇന്ത്യ; എ.സി.സി. ബാറ്ററി സ്റ്റോറേജിന് കോടികളുടെ പദ്ധതി


സൗരോര്‍ജ പാനലുകള്‍ ഉത്പാദിപ്പിക്കുന്ന വൈദ്യുതി രാത്രികാലങ്ങളിലും ഉപയോഗിക്കാന്‍ ഈ സ്റ്റോറേജ് സംവിധാനംവഴി സാധിക്കും.

പ്രതീകാത്മക ചിത്രം | Photo: Tata motors

പുതിയ തലമുറയില്‍പ്പെട്ട 'അഡ്വാന്‍സ്ഡ് കെമിസ്ട്രി സെല്‍ (എ.സി.സി.) ബാറ്ററി സ്റ്റോറേജ്' സംവിധാനം ശക്തിപ്പെടുത്താന്‍ 18,100 കോടി രൂപയുടെ പദ്ധതിക്ക് കേന്ദ്രമന്ത്രിസഭ അനുമതിനല്‍കി. എ.സി.സി.യുടെ ഉത്പാദനം കൂട്ടുകയും ഇറക്കുമതി കുറയ്ക്കുകയുമാണ് ലക്ഷ്യം. ഇതുവഴി ഇലക്ട്രിക് കാറുകളില്‍ ഉപയോഗിക്കുന്ന ബാറ്ററി പാക്കുകളുടെ വില കുറഞ്ഞേക്കും.

ഉത്പാദനവും വില്‍പ്പനയും അടിസ്ഥാനമാക്കി ഇതുമായി ബന്ധപ്പെട്ട കമ്പനികള്‍ക്ക് സാമ്പത്തികസഹായം നല്‍കും. വരുംവര്‍ഷങ്ങളില്‍ ഈ മേഖലയില്‍ 45,000 കോടിരൂപയുടെ നിക്ഷേപം പ്രതീക്ഷിക്കുന്നതായി മന്ത്രി പ്രകാശ് ജാവഡേക്കര്‍ പറഞ്ഞു. മെയ്ക്ക് ഇന്‍ ഇന്ത്യ ഉദ്യമം ശക്തിപ്പെടുത്തുന്നതിനൊപ്പം കുറഞ്ഞ വിലയില്‍ ഇലക്ട്രിക് വാഹനങ്ങളും സാധ്യമാകും.

50,000 മെഗാവാട്ട് വൈദ്യുതിക്കുള്ള എ.സി.സി. രാജ്യത്തുണ്ടാക്കുകയാണ് ലക്ഷ്യം. ഇലക്ട്രിക് എനര്‍ജി, ഇലക്ട്രോ കെമിക്കല്‍ എനര്‍ജിയായോ കെമിക്കല്‍ എനര്‍ജിയായോ സൂക്ഷിച്ചുവെക്കുകയും ആവശ്യം വരുമ്പോള്‍ തിരിച്ച് ഇലക്ട്രിക് എനര്‍ജിയായി മാറ്റുകയുംചെയ്യുന്ന പുതിയ സംവിധാനമാണ് എ.സി.സി.

ഇലക്ട്രിക് വാഹനങ്ങള്‍, വൈദ്യുതഗ്രിഡുകള്‍, കെട്ടിടങ്ങള്‍ക്ക് മുകളിലെ സൗരോര്‍ജ ഉത്പാദനം, റെയില്‍വേ, ഷിപ്പിങ്, ഡീസല്‍ ഉത്പാദനം, ഇലക്ട്രോണിക്, ഇലക്ട്രിക്കല്‍ ഉത്പാദനം തുടങ്ങി വിവിധ മേഖലകളില്‍ ഏറെ പ്രയോജനപ്പെടുന്നതാണ് ഈ സംവിധാനം.

സൗരോര്‍ജ പാനലുകള്‍ ഉത്പാദിപ്പിക്കുന്ന വൈദ്യുതി രാത്രികാലങ്ങളിലും ഉപയോഗിക്കാന്‍ ഈ സ്റ്റോറേജ് സംവിധാനംവഴി സാധിക്കും. ഇലക്ട്രിക് വാഹനമേഖലയില്‍ വലിയ കുതിച്ചുചാട്ടത്തിന് ഇത് വഴിയൊരുക്കും.

Content Highlights: Central Government ACC Battery Storage Project To Boost Electric Vehicle


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


v muraleedharan

1 min

കേരളം കത്തുമ്പോള്‍ പിണറായി ചെണ്ടകൊട്ടി രസിച്ചു, ഒരുമഹാന്‍ കണ്ടെയ്‌നറില്‍ കിടന്നുറങ്ങി- വി മുരളീധരന്‍

Sep 24, 2022

Most Commented