വാഹനമോടിക്കുന്നവര്‍ അറിയണം ദേശീയപാതയിലെ 'കറുത്തയിടം'; കേരളത്തില്‍ മാത്രം 243 ബ്ലാക്ക് സ്‌പോട്ട്


സജീവ് പള്ളത്ത്‌

മൂന്നുവര്‍ഷത്തിനുള്ളില്‍ 500 മീറ്റര്‍ ദൂരപരിധിയില്‍ അഞ്ച് വലിയ വാഹനാപകടമോ പത്ത് മരണമോ നടന്നിട്ടുള്ള പ്രദേശങ്ങളാണ് ബ്ലാക്ക് സ്‌പോട്ടായി നിര്‍ണയിച്ചത്.

പ്രതീകാത്മക ചിത്രം | രേഖാചിത്രം: മാതൃഭൂമി

വാഹനയാത്രക്കാര്‍ക്ക് പേടിസ്വപ്നമായ 'കറുത്ത ഇടം' (ബ്ലാക്ക് സ്‌പോട്ട്) രാജ്യത്തെ ദേശീയപാതകളില്‍ 5803 എണ്ണം. നിരന്തരം അപകടം നടക്കുന്ന പ്രദേശങ്ങളെ നാഷണല്‍ ഹൈവേ അതോറിറ്റി ഓഫ് ഇന്ത്യയാണ് ഈ പട്ടികയിലുള്‍പ്പെടുത്തി നിര്‍ണയിച്ചത്. കേരളത്തിലെ ദേശീയപാതകളില്‍ ബ്ലാക്ക് സ്‌പോട്ട് 243 എണ്ണമുണ്ട്.

മൂന്നുവര്‍ഷത്തിനുള്ളില്‍ 500 മീറ്റര്‍ ദൂരപരിധിയില്‍ അഞ്ച് വലിയ വാഹനാപകടമോ പത്ത് മരണമോ നടന്നിട്ടുള്ള പ്രദേശങ്ങളാണ് ബ്ലാക്ക് സ്‌പോട്ടായി നിര്‍ണയിച്ചത്. 5,167 ബ്ലാക്ക് സ്‌പോട്ടുകളില്‍ അപകടം കുറയ്ക്കാന്‍ താത്കാലിക ക്രമീകരണങ്ങള്‍ അതത് സംസ്ഥാനത്തെ ദേശീയപാതാ വിഭാഗം ഏര്‍പ്പെടുത്തി. നിലവിലുള്ള ബ്ലാക്ക് സ്‌പോട്ടുകള്‍ ഒഴികെയുള്ള 2,923 ഇടത്തെ പ്രശ്‌നങ്ങള്‍ റോഡുകളില്‍ വ്യതിയാനംവരുത്തിയും മറ്റ് സുരക്ഷാക്രമീകരണങ്ങള്‍ ഏര്‍പ്പെടുത്തിയും പൂര്‍ണമായും അപകടങ്ങളൊഴിവാക്കി.

ബ്ലാക്ക് സ്‌പോട്ടുകള്‍ ഒഴിവാക്കാന്‍

റോഡ് അടയാളങ്ങളിലെ കൃത്യത പാലിക്കണമെന്ന് സംസ്ഥാനങ്ങള്‍ക്ക് നിര്‍ദേശം നല്‍കി. സോളാര്‍ ബ്ലിങ്കറുകള്‍, ആവശ്യമുള്ളിടത്ത് ഫ്‌ലൈഓവര്‍, ഭൂഗര്‍ഭപാത, അനുബന്ധറോഡ് എന്നിവ പരീക്ഷിക്കാം. അതത് സംസ്ഥാനത്തെ സാങ്കേതികവിഭാഗത്തിന്റെ ശുപാര്‍ശയനുസരിച്ചുമാത്രമേ ഇത്തരം നടപടികളുണ്ടാവൂ.

എ.ഐ.എസ്. 125 ആംബുലന്‍സുകളുടെ സേവനത്തിന് കരാര്‍

ടോള്‍ പ്ലാസകള്‍ക്കുസമീപം അടിയന്തരാവശ്യങ്ങള്‍ക്കായി ആംബുലന്‍സ് നിലവില്‍ ചില സംസ്ഥാനങ്ങളില്‍ ഏര്‍പ്പെടുത്തി. തൊട്ടടുത്ത പ്രദേശത്ത് അപകടങ്ങളുണ്ടായാല്‍ ജീവഹാനിയുണ്ടാകാതെ ഉടന്‍ അടിയന്തര വൈദ്യസഹായം ലഭ്യമാക്കാന്‍ ഉപയോഗിക്കുകയാണ് ലക്ഷ്യം. ഇതുകൂടാതെ നാഷണല്‍ ഹൈവേ അതോറിറ്റി ഓഫ് ഇന്ത്യ ദേശീയപാതകളിലുടനീളം സേവനത്തിനായി എ.ഐ.എസ്. 125 ആംബുലന്‍സുകളുടെ സേവനം ലഭ്യമാക്കാന്‍ കരാറൊപ്പിട്ടു.

ബ്ലാക്ക് സ്‌പോട്ടുകള്‍ കൂടുതലുള്ള സംസ്ഥാനങ്ങള്‍

തമിഴ്നാട്-748, പശ്ചിമബംഗാള്‍-701, കര്‍ണാടക-551, തെലങ്കാന-485, ആന്ധ്രാപ്രദേശ്-466, മധ്യപ്രദേശ്-303, രാജസ്ഥാന്‍-349, പഞ്ചാബ്-296, കേരളം-243.

രാജ്യത്താകെ ദേശീയപാതകളിലെ ബ്ലാക്ക് സ്‌പോട്ട് അപകടങ്ങള്‍

  • 2018-1,40,843.
  • 2019-1,37,191.
  • 2020-1,16,496.
കേരളത്തില്‍ ദേശീയപാതകളിലെ ബ്ലാക്ക് സ്‌പോട്ട് അപകടങ്ങള്‍

  • 2018-9,161.
  • 2019-9,459.
  • 2020-6,594.
Content Highlights: Black Spots In National Highways; 243 In Kerala Roads

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
mv govindan

കേരളത്തിലെ കറിപൗഡറുകളെല്ലാം വ്യാജം, വിഷം - മന്ത്രി എം.വി. ഗോവിന്ദന്‍

Aug 11, 2022


kt jaleel

1 min

പാക് അധീന കശ്മീരിനെ ആസാദ് കശ്മീർ എന്നു വിശേഷിപ്പിച്ച് ജലീൽ; പരാമർശം വൻവിവാദം

Aug 12, 2022


Eknath Shinde

1 min

കോടിപതികള്‍, ശ്രീലങ്കയില്‍നിന്ന് ഡോക്ടറേറ്റ്; ഷിന്ദേ മന്ത്രിസഭയില്‍ 75%പേരും ക്രിമിനല്‍ കേസുള്ളവര്‍

Aug 11, 2022

Most Commented