മാറാം ഇലക്ട്രിക്കിലേക്ക്; വൈദ്യുതവാഹനം വാങ്ങാന്‍ ടൊവിനോയും


ഉടന്‍തന്നെ വൈദ്യുതവാഹനം സ്വന്തമാക്കുമെന്നും ടൊവിനോ പറഞ്ഞു

ഊർജപക്ഷാചരണത്തിന്റെ ഭാഗമായി സ്റ്റേറ്റ് എനർജി മാനേജ്‌മെന്റ് സെന്റർ സംഘടിപ്പിക്കുന്ന 'ഹരിതയാത്ര' ഇലക്ട്രിക് വാഹന റാലി നടൻ ടൊവിനോ തോമസ് കേരള സർവകലാശാലാ ആസ്ഥാനത്ത് ഫ്‌ലാഗ് ഓഫ് ചെയ്യുന്നു. എം.എൽ.എ.മാരായ കടകംപള്ളി സുരേന്ദ്രൻ, വി.കെ.പ്രശാന്ത്, യുവജന കമ്മിഷൻ ചെയർപേഴ്‌സൺ ചിന്താ ജെറോം തുടങ്ങിയവർ സമീപം | ഫോട്ടോ: മാതൃഭൂമി

'മാറാം ഇലക്ട്രിക് വാഹനങ്ങളിലേക്ക്' എന്ന സന്ദേശവുമായി ഊര്‍ജപക്ഷാചരണത്തിന്റെ ഭാഗമായി എനര്‍ജി മാനേജ്മെന്റ് സെന്ററിന്റെ ആഭിമുഖ്യത്തില്‍ തിരുവനന്തപുരം നഗരത്തില്‍ ഹരിതയാത്ര സംഘടിപ്പിച്ചു. കേരള സര്‍വകലാശാല ആസ്ഥാനത്തുനിന്നും ആരംഭിച്ച വാഹന റാലി നടന്‍ ടൊവിനോ തോമസ് ഫ്‌ളാഗ് ഓഫ് ചെയ്തു.

'മനുഷ്യന്‍ പ്രകൃതിയുടെ ഭാഗമാണ്. അതുകൊണ്ടുതന്നെ പ്രകൃതിയെ സംരക്ഷിക്കുക എന്നത് മനുഷ്യന്റെ നിലനില്‍പ്പിന് അനിവാര്യമാണ്. ഇതിനായി കാര്‍ബണ്‍രഹിത വൈദ്യുത വാഹനങ്ങളിലേക്കു മാറേണ്ടതുണ്ട്'-ടൊവിനോ പറഞ്ഞു. ഉടന്‍തന്നെ വൈദ്യുതവാഹനം സ്വന്തമാക്കുമെന്നും ടൊവിനോ വ്യക്തമാക്കി.



എം.എല്‍.എ.മാരായ കടകംപള്ളി സുരേന്ദ്രന്‍, വി.കെ.പ്രശാന്ത്, യുവജന കമ്മിഷന്‍ അധ്യക്ഷ ചിന്താ ജെറോം, ഇ.എം.സി. ഡയറക്ടര്‍ ഡോ. ആര്‍.ഹരികുമാര്‍ തുടങ്ങിയവര്‍ പങ്കെടുത്തു.

സര്‍ക്കാര്‍ പൊതുമേഖലാസ്ഥാപനങ്ങള്‍, സ്വകാര്യകമ്പനികള്‍, വ്യക്തികള്‍ എന്നിവരെ പങ്കെടുപ്പിച്ചുകൊണ്ടാണ് റാലി സംഘടിപ്പിച്ചത്. വെള്ളയമ്പലം, കവടിയാര്‍, പട്ടം, പി.എം.ജി., ബേക്കറി, തമ്പാനൂര്‍, കിഴക്കേക്കോട്ട എന്നിവിടങ്ങളിലൂടെ പര്യടനം നടത്തി സെന്‍ട്രല്‍ സ്റ്റേഡിയത്തില്‍ സമാപിച്ചു.

കാര്‍ബണ്‍രഹിതമാണെന്നതും ശബ്ദമലിനീകരണം ഉണ്ടാക്കുന്നില്ല എന്നതും കുറഞ്ഞ ചെലവുമാണ് വൈദ്യുത വാഹനങ്ങളുടെ പ്രത്യേകത. ഈ സന്ദേശങ്ങള്‍ ജനങ്ങളില്‍ എത്തിക്കുക എന്നതാണ് രണ്ടാഴ്ച നീണ്ടുനില്‍ക്കുന്ന ഊര്‍ജപക്ഷാചരണ പരിപാടിയിലൂടെ എനര്‍ജി മാനേജ്മെന്റ് സെന്റര്‍ ലക്ഷ്യമിടുന്നത്.

Content Highlights: Actor Tovino Thomas Flag Off Electric Vehicle Awareness Journey , Electric vehicle, Tovino Thomas


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
nazer faizy koodathayi

2 min

'പോര്‍ച്ചുഗല്‍ അധിനിവേശം നടത്തിയ രാജ്യം, എതിര്‍പ്പ് വഴിവിട്ട ആരാധനയോട്'; വിശദീകരണവുമായി സമസ്ത

Nov 25, 2022


vote

5 min

അടുത്തവര്‍ഷം ലോക്‌സഭാ തിരഞ്ഞെടുപ്പ്; ഇത്തവണ ഒരു രാജ്യം ഒരു തിരഞ്ഞെടുപ്പോ?

Nov 25, 2022


arif muhammad khan

1 min

രാജ്ഭവനിലെ അതിഥിസത്കാരം: നാല് വര്‍ഷത്തിനിടെ 9 ലക്ഷത്തോളം ചെലവഴിച്ചെന്ന് കണക്കുകള്‍

Nov 25, 2022

Most Commented