മാറ്റം നല്ലതാണ്, പക്ഷേ, വണ്ടിയിൽ വേണ്ട; 20,000 വരെ പിഴയിടാം


മുന്‍-പിന്‍ ഗ്ലാസുകളില്‍ 70 ശതമാനവും വശങ്ങളില്‍ 50 ശതമാനവും സുതാര്യത ഉറപ്പുവരുത്തുന്ന ടിന്റഡ് ഗ്ലാസുകള്‍ ആകാം.

പ്രതീകാത്മക ചിത്രം | ഫോട്ടോ: മാതൃഭൂമി

മ്പനി നിര്‍മിച്ചുവില്‍ക്കുന്ന രൂപത്തില്‍നിന്ന് വാഹനങ്ങളില്‍ മാറ്റംവരുത്തുന്നത് 'പണികിട്ടുന്ന' പണിയാണ്. നിറം മാറ്റാം. മറ്റുപലതിനും പിഴയുണ്ട്. നിറത്തില്‍ മാറ്റംവരുത്തിയാലുടന്‍ ആര്‍.ടി. ഓഫീസില്‍ അറിയിക്കുകയും പരിവാഹന്‍ സൈറ്റില്‍ ഫീസടയ്ക്കുകയും ആര്‍.സി. ബുക്കില്‍ നിറം രേഖപ്പെടുത്തുകയും വേണം. ബൈക്കിലാണെങ്കില്‍ ഹാന്‍ഡ് ഗ്രിപ്, സീറ്റ് കവര്‍ എന്നിവയില്‍ മാറ്റംവരുത്താം.

അലോയ് വീലുകള്‍

പുറത്തേക്കുതള്ളിനില്‍ക്കുന്ന അലോയ് വീലുകള്‍ നിയമവിരുദ്ധം.

നമ്പര്‍ പ്ലേറ്റ്

വായിക്കാന്‍ കഴിയുന്ന തരത്തിലുള്ളതാകണം നമ്പര്‍ പ്ലേറ്റുകള്‍. 2019 ഏപ്രില്‍ ഒന്നുമുതല്‍ പുറത്തിറങ്ങിയ വാഹനങ്ങള്‍ക്ക് ഹൈ സെക്യൂരിറ്റി നമ്പര്‍ പ്ലേറ്റാണ്. അത് മാറ്റാന്‍ പാടില്ല.

ക്രാഷ് ബാറുകള്‍

മുന്നിലും പിന്നിലും വാഹനത്തിന്റെ ബംപറില്‍ ബുള്‍ബാറുകള്‍, ക്രാഷ് ബാറുകള്‍ ഘടിപ്പിക്കുന്നത് നിയമവിരുദ്ധമാണ്.

കൂളിങ് പേപ്പര്‍

മുന്‍-പിന്‍ ഗ്ലാസുകളില്‍ 70 ശതമാനവും വശങ്ങളില്‍ 50 ശതമാനവും സുതാര്യത ഉറപ്പുവരുത്തുന്ന ടിന്റഡ് ഗ്ലാസുകള്‍ ആകാം. കാഴ്ചമറയ്ക്കുന്ന കൂളിങ് സ്റ്റിക്കര്‍ പാടില്ല.

സൈലന്‍സര്‍

കമ്പനികള്‍ ഘടിപ്പിച്ചുവിടുന്ന സൈലന്‍സര്‍മാത്രമേ പാടുള്ളൂ.

സ്റ്റിക്കര്‍

മാധ്യമപ്രവര്‍ത്തകര്‍, ഡോക്ടര്‍ തുടങ്ങി ജോലിസംബന്ധമായ സ്റ്റിക്കറുകള്‍ അനുവദനീയം. സര്‍ക്കാരിന്റെ ബോര്‍ഡ് അനുവാദമില്ലാതെ വെക്കാന്‍ പാടില്ല.

കര്‍ട്ടന്‍

സര്‍ക്കാര്‍ വാഹനം ഉള്‍പ്പെടെ ഒരു വാഹനത്തിലും കര്‍ട്ടന്‍ പാടില്ല. ഇസെഡ് ക്ലാസ് സുരക്ഷയുള്ള വി.ഐ.പി.കള്‍ക്ക് കര്‍ട്ടന്‍ ഉപയോഗിക്കാം.

ഹെഡ് ലൈറ്റുകള്‍

50-60 വാട്സ് വെളിച്ചത്തില്‍ കൂടാന്‍ പാടില്ല. എതിരേ വരുന്ന ഡ്രൈവര്‍മാരുടെ കാഴ്ചയെ ബാധിക്കുന്ന ഹെഡ് ലൈറ്റുകളും ലൈറ്റുകളും നിയമവിരുദ്ധം.

സീറ്റുമാറ്റം

ജീപ്പുപോലുള്ള വാഹനങ്ങള്‍ക്ക് ഹാര്‍ഡ് ടോപ്പ്, സോഫ്റ്റ് ടോപ്പുകള്‍ മാറ്റംവരുത്താം. ഓട്ടോറിക്ഷകളില്‍ സൈഡ് ഡോര്‍ സ്ഥാപിക്കാം.

പിഴ ഇങ്ങനെ

ഓരോ മാറ്റത്തിനും 5000 രൂപ. വാഹനത്തിന്റെ ബോഡിയില്‍നിന്ന് പുറത്തേക്കുതള്ളിനില്‍ക്കുന്ന എന്ത് ഘടിപ്പിച്ചാലും 20,000 രൂപ പിഴയടയ്ക്കണം. മാറ്റങ്ങളെല്ലാം നീക്കി, വാഹനം പഴയപടിയാക്കണം. നോട്ടീസ് നല്‍കിയിട്ടും നിശ്ചിതകാലാവധിക്കുശേഷം പിഴയടച്ചില്ലെങ്കില്‍ വാഹനം കസ്റ്റഡിയിലെടുക്കും. മറ്റുള്ളവരുടെ സുരക്ഷയെ ബാധിക്കുന്ന തരത്തില്‍ മാറ്റംവരുത്തിയാല്‍ പിഴയ്ക്കുപുറമേ വാഹനത്തിന്റെ രജിസ്ട്രേഷന്‍ റദ്ദാക്കാം.

Content Highlights: Vehicle modifications, illegal modification gives penalty up to 20,000 rupees, modified vehicles


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
State Car

1 min

പുതിയ 8 ഇന്നോവ ക്രിസ്റ്റ കാറുകള്‍ വാങ്ങി സര്‍ക്കാര്‍: മന്ത്രി റിയാസിന് പഴയ കാറിനൊപ്പം പുതിയ കാറും

Feb 1, 2023


Gautam adani

1 min

'നാല് പതിറ്റാണ്ടിലെ വിനീതമായ യാത്ര, വിജയത്തില്‍ കടപ്പാട് അവരോട്'; വിശദീകരണവുമായി അദാനി

Feb 2, 2023


Pinarayi Vijayan

3 min

എയിംസ് ഇല്ല, റെയില്‍വേ വികസനമില്ല; ബജറ്റ് കേരളത്തിന് നിരാശാജനകമെന്ന് മുഖ്യമന്ത്രി

Feb 1, 2023

Most Commented