മണിക്കൂറില്‍ 150 കിലോമീറ്റര്‍ വേഗത്തില്‍ സഞ്ചരിക്കാം; യാത്രക്കാരുമായി പറന്നുയരാന്‍ 'സ്‌കൈ പോഡ്'


റഷ്യന്‍ കമ്പനിയായ സ്‌കൈവേ ടെക്നോളജിയാണ് ഷാര്‍ജയുടെ ആകാശത്ത് കുഞ്ഞന്‍ വിമാനം പറക്കുന്നതിനുപിന്നില്‍ പ്രവര്‍ത്തിക്കുന്നത്.

ഷാർജയിൽ പരീക്ഷണയോട്ടം നടത്തുന്ന സ്‌കൈ പോഡ് | ഫോട്ടോ: മാതൃഭൂമി

ഡ്രൈവറില്ലാ വണ്ടി 'സ്‌കൈ പോഡ്' അധികം വൈകാതെ ഷാര്‍ജയുടെ ആകാശത്തിലൂടെ പായും. സാമ്പ്രദായിക രീതികളില്‍നിന്ന് വ്യത്യസ്തമായുള്ള ആകാശവാഹനത്തിന്റെ പരീക്ഷണയോട്ടം അവസാനിക്കാറായി. നൂതന സാങ്കേതിക രീതികള്‍ അനുനിമിഷവും വളര്‍ന്നുകൊണ്ടിരിക്കുന്ന യു.എ.ഇ.യില്‍ പൊതുഗതാഗതത്തിന് പുതുവഴി തുറക്കുകയാണ് സ്‌കൈ പോഡ് പദ്ധതിയിലൂടെ.

കേബിളില്‍ കൊളുത്തിയിട്ട പോഡുകളിലൂടെയുള്ള ഗതാഗതം യാത്രചെയ്യാന്‍ മാത്രമല്ല ചരക്കുനീക്കത്തിനും ഗുണകരമാവും. ഷാര്‍ജ റിസര്‍ച്ച് ടെക്നോളജി ആന്‍ഡ് ഇന്നൊവേഷന്‍ പാര്‍ക്കിലാണ് സ്‌കൈ പോഡുകളുടെ പരിശീലന പറക്കല്‍ നടക്കുന്നത്. ഭാവിയില്‍ യാത്രചെയ്യാനും ചരക്കുനീക്കത്തിനും കൂടുതല്‍ സൗകര്യം ജനങ്ങള്‍ക്ക് നല്‍കുകയാണ് സ്‌കൈവേ പദ്ധതിയിലൂടെ ഷാര്‍ജ സര്‍ക്കാര്‍ ലക്ഷ്യമിടുന്നത്.

വിവിധ രാജ്യങ്ങളിലെ സാങ്കേതിക വിദഗ്ധര്‍ പദ്ധതി വിലയിരുത്തുന്നുണ്ട്. പരീക്ഷണ പറക്കലില്‍ ഷാര്‍ജ ഭരണാധികാരി ഡോ. ശൈഖ് സുല്‍ത്താന്‍ ബിന്‍ മുഹമ്മദ് അല്‍ ഖാസിമിയും ഭാഗമായിരുന്നു. സ്‌കൈപോഡ് പദ്ധതിയുടെ സുരക്ഷാപരിശോധനയും പുരോഗമിക്കുകയാണ്. റഷ്യന്‍ കമ്പനിയായ സ്‌കൈവേ ടെക്നോളജിയാണ് ഷാര്‍ജയുടെ ആകാശത്ത് കുഞ്ഞന്‍ വിമാനം പറക്കുന്നതിനുപിന്നില്‍ പ്രവര്‍ത്തിക്കുന്നത്.

ഷാര്‍ജ സര്‍ക്കാരിന്റെ പിന്തുണയോടെയുള്ള സ്‌കൈപോഡ് പദ്ധതി മണിക്കൂറില്‍ 150 കിലോമീറ്റര്‍ വേഗതയില്‍ സര്‍വീസ് നടത്തും. നിലവില്‍ 2.4 കിലോമീറ്റര്‍ ലൈന്‍ സജ്ജീകരിച്ചാണ് പരീക്ഷണയോട്ടം നടത്തുന്നത്. ദൈര്‍ഘ്യമേറിയ പുതിയ ലൈനുകള്‍ ഭാവിയില്‍ ഒരുക്കാനും പദ്ധതിയായി. അന്തരീക്ഷത്തിലെ കനത്ത ചൂടും പൊടിക്കാറ്റും അതിജീവിക്കാനും ഈ കേബിള്‍ കാറിന് സാധിക്കും.

സ്‌കൈപോഡ് റെയിലില്‍ മണല്‍ക്കാറ്റില്‍ പൊടിപടലം തങ്ങി തടസ്സമാകാതിരിക്കാന്‍ കേബിള്‍ കാറിനുമുകളില്‍ പ്രൊപ്പല്ലര്‍ സ്ഥാപിക്കും. പ്രത്യേക കേന്ദ്രത്തില്‍നിന്ന് സ്‌കൈപോഡ് പദ്ധതിയുടെ നിയന്ത്രണം ഏറ്റെടുക്കും. ഷാര്‍ജ എയര്‍പോര്‍ട്ട് മുതല്‍ മുവൈല വരെയായിരിക്കും ആദ്യ സര്‍വീസ് നടത്തുക.

വ്യവസായ, വിദ്യാഭ്യാസ സ്ഥാപനങ്ങളും താമസയിടങ്ങളും ഈ ഭാഗത്ത് കൂടുതലുള്ളതിനാലാണ് ഇവിടം പ്രഥമ സര്‍വീസ് നടത്താനൊരുങ്ങുന്നത്. സ്വകാര്യവാഹനങ്ങളുടെ എണ്ണം കുറയ്ക്കുകയും റോഡില്‍ ഗതാഗതം കുറയ്ക്കാനും സ്‌കൈപോഡ് പദ്ധതിയിലൂടെ സാധിക്കും. ഷാര്‍ജയിലെ പുതിയ ഗതാഗത വിപ്ലവം ക്രമേണ യു.എ.ഇ. മുഴുവന്‍ വ്യാപിപ്പിക്കാനാണ് ലക്ഷ്യം.

Content Highlights: Skypod Driverless Vehicle Service To Start In Sharjah

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Nambi, Sasikumar

9 min

നമ്പി നാരായണൻ അപമാനിക്കുന്നത് ഐ.എസ്.ആർ.ഒയെ- ശശികുമാർ

Aug 10, 2022


swathi sekhar

1 min

ഭാര്യ കിടപ്പുരോഗി, കാമുകിക്കായി സ്വന്തംവീട്ടില്‍നിന്ന് 550 പവന്‍ മോഷ്ടിച്ചു; വ്യവസായി അറസ്റ്റില്‍

Aug 9, 2022


higher secondary exam

1 min

ഗുജറാത്ത് കലാപം പാഠപുസ്തകത്തിൽ നിന്ന് ഒഴിവാക്കില്ല; കേന്ദ്രനിർദ്ദേശം കേരളത്തിൽ അതേപടി നടപ്പാക്കില്ല

Aug 10, 2022

Most Commented