KL-01-F-2988: വിശ്വസ്തനായ മഹീന്ദ്ര 540 ജീപ്പിന് 25-ാം പിറന്നാള്‍, കേക്ക് മുറിച്ച് ആഘോഷം ഉഷാറാക്കി


മഹീന്ദ്രയുടെ 540 മോഡല്‍ ജീപ്പ് 1995-ലാണ് കെ.എല്‍. ഒന്ന് എഫ്. 2988 നമ്പറില്‍ ആരോഗ്യവകുപ്പ് സ്വന്തമാക്കുന്നത്.

പിറന്നാളാഘോഷത്തിനായി ജീപ്പ് ഒരുക്കിയപ്പോൾ.

കോടിക്കുളം പ്രാഥമിക ആരോഗ്യകേന്ദ്രത്തിന്റെ മുറ്റത്ത് വ്യാഴാഴ്ച രാവിലെ ഒരു പിറന്നാളാഘോഷത്തിനായി ജീവനക്കാര്‍ ഒത്തൂകൂടി. ജന്മദിന ആശംസാ ഗാനത്തിനിടെ ഡോ.സാം വി. ജോണ്‍ ആശുപത്രിയിലെ ജീപ്പിന്റെ ബോണറ്റിന്റെ മുകളില്‍ തയ്യാറാക്കിയ കേക്ക് മുറിച്ചു. കണ്ടവരെല്ലാം ചോദിച്ചു;

ഇന്ന് ഡോക്ടറുടെ പിറന്നാളാണോ....? നല്ലൊരുചിരി സമ്മാനിച്ച്, മധുരം പങ്കുവെച്ചശേഷം ഡോക്ടര്‍ ആ സത്യം പറഞ്ഞു.

''ജന്മദിനം എന്റെയല്ല. ഈ ജീപ്പിന്റെയാണ്. ഇന്ന് അവന് 25 വയസ്സ് തികയുകയാണ്. ഇടുക്കിയുടെ ആരോഗ്യമേഖലയെ കയറിച്ചെല്ലാന്‍ ബുദ്ധിമുട്ടുള്ള കാട്ടിലും മലമുകളിലുമെല്ലാം എത്തിച്ച ഈ വാഹനം 25-ാം വയസ്സിലും തന്റെ പടയോട്ടം തുടരുകയാണ്''-

ഒരിക്കല്‍പോലും തങ്ങളെയും, സഹപ്രവര്‍ത്തകരെയും വഴിയില്‍ കിടത്താത്ത ഈ വാഹനത്തിന് ഇവിടുത്തെ ജീവനക്കാര്‍ നല്‍കിയ ആദരം കൂടിയായിരുന്നു ഈ ചടങ്ങ്. രാവിലെ കഴുകി വൃത്തിയാക്കി, ബലൂണുകളും തൂക്കി അലങ്കരിച്ച് ജീപ്പിന്റെ ആകൃതിയിലുള്ള കേക്ക് മുറിച്ചായിരുന്നു ആഘോഷം.

മഹീന്ദ്രയുടെ 540 മോഡല്‍ ജീപ്പ് 1995-ലാണ് കെ.എല്‍. ഒന്ന് എഫ്. 2988 നമ്പറില്‍ ആരോഗ്യവകുപ്പ് സ്വന്തമാക്കുന്നത്. ആദ്യത്തെ ഒരുവര്‍ഷം പത്തനംതിട്ടയിലായിരുന്ന ജീപ്പ് മുട്ടം പ്രാഥമികാരോഗ്യ കേന്ദ്രത്തിലേക്ക് കൊണ്ടുവന്നു. 11 വര്‍ഷത്തിനുശേഷം 2007-ലാണ് കോടിക്കുളത്തെത്തിയത്. അന്നത്തെ മലമ്പാതകളിലൂടെ ആദിവാസി മേഖലകളിലേക്കെല്ലാം ആരോഗ്യപ്രവര്‍ത്തകര്‍ പോയിരുന്നത് ഈ ജീപ്പിലായിരുന്നു.

മലമ്പനിയും, ചിക്കന്‍ഗുനിയയുമെല്ലാം ബാധിച്ചപ്പോള്‍ രോഗബാധിതരെ സുരക്ഷിതരായി മലയിറക്കി. കേടുപാടുകള്‍ വന്നാല്‍, മാറിമാറിവന്ന ഡോക്ടര്‍മാരെല്ലാം സര്‍ക്കാര്‍ സഹായത്തിന് കാത്തുനില്‍ക്കാതെ സ്വന്തം കൈയ്യില്‍നിന്ന് പണംമുടക്കി പരിഹാരം കാണുമായിരുന്നുവെന്ന് പഴയ ഡ്രൈവര്‍ മുഹമ്മദ് പറയുന്നു. വാഹനങ്ങളുടെ മോഡലുകള്‍ പലതും വന്നെങ്കിലും ഈ ജീപ്പ് മാറണമെന്ന് ആരും ആവശ്യപ്പെട്ടിട്ടില്ല. ഓടുന്നത്രയും കാലം ഇവനോടൊപ്പം സഞ്ചരിക്കാനാണ് ഇവര്‍ക്കെല്ലാമിഷ്ടം.

Content Highlights: Primary Health Center Staffs Celebrate 25th Birthday Of Department Jeep


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
popular front

1 min

'ഇന്ത്യയില്‍ ഇസ്‌ലാമിക ഭരണത്തിന് ഗൂഢാലോചന നടത്തി'; PFI നേതാക്കളുടെ റിമാന്‍ഡ് റിപ്പോര്‍ട്ടില്‍ NIA

Sep 23, 2022


05:03

'ഇയാള്‍ പുറത്തിറങ്ങി നടക്കുന്നത് കണ്ട് ആളുകള്‍ ഇനിയും കുട്ടികളെയൊക്കെ ആക്രമിക്കും'

Sep 21, 2022


amazon

3 min

74,999 രൂപയുടെ സാംസങ് ഗാലക്‌സി എസ്20 എഫ്ഇ 29,999 രൂപയ്ക്ക്; സ്മാര്‍ട്ട്‌ഫോണുകള്‍ക്ക് ഗംഭീര ഓഫറുകള്‍

Sep 24, 2022

Most Commented