കാടും മേടും ചുറ്റിയടിച്ച് കാഴ്ചകള്‍ കാണാം 'മ്മടെ കെ.എസ്.ആര്‍.ടി.സി.യില്‍'


സഞ്ചാരികളുടെ തിരക്ക് കൂടിത്തുടങ്ങിയതോടെയാണ് പ്രത്യേക സര്‍വീസ് നടത്താന്‍ കെ.എസ്.ആര്‍.ടി.സി. തീരുമാനിച്ചത്.

ആദ്യ മലക്കപ്പാറ സ്‌പെഷ്യൽ സർവീസിനെത്തിയ സഞ്ചാരികൾ | ഫോട്ടോ: മാതൃഭൂമി

കാട് കണ്ടുള്ള കാനനപാതയിലെ യാത്രയ്ക്ക് സൗകര്യമൊരുക്കി ചാലക്കുടിയില്‍നിന്ന് മലക്കപ്പാറ കെ.എസ്.ആര്‍.ടി.സി. പ്രത്യേക സര്‍വീസ്. നിത്യഹരിത മഴക്കാടുകളിലൂടെയുള്ള യാത്രയും മലക്കപ്പാറയിലെ തേയിലത്തോട്ടങ്ങളുടെ കാഴ്ചഭംഗിയും തണുത്ത കാലാവസ്ഥയും ആസ്വദിക്കാം. ഭാഗ്യമുണ്ടെങ്കില്‍ കാട്ടാനക്കൂട്ടത്തെയും കാട്ടുപോത്തുകളെയും പുലിയെയും മലമുഴക്കി വേഴാമ്പലടക്കമുള്ള പക്ഷികളെയും കാണാം. മലക്കപ്പാറയിലേക്കുള്ള യാത്രാനിരക്കായി 102 രൂപയാണ് ഈടാക്കുന്നത്.

അതിരപ്പിള്ളി - വാഴച്ചാല്‍ വെള്ളച്ചാട്ടം, പെരിങ്ങല്‍ക്കുത്ത്, ഷോളയാര്‍ അണക്കെട്ടുകളുടെ റിസര്‍വോയറുകള്‍, മലക്കപ്പാറയിലെ തേയിലത്തോട്ടങ്ങള്‍, തമിഴ്നാട് സംസ്ഥാനാതിര്‍ത്തി തുടങ്ങി നിരവധി കാഴ്ചകള്‍ സഞ്ചാരികളെ കാത്തിരിക്കുന്നു. മനോഹരമായ ഹില്‍സ്റ്റേഷനായ മലക്കപ്പാറയിലേക്കുള്ള യാത്രയ്ക്ക് നിരവധി സഞ്ചാരികളാണ് ചാലക്കുടിയില്‍ ഇപ്പോള്‍ എത്തുന്നത്.

സഞ്ചാരികളുടെ തിരക്ക് കൂടിത്തുടങ്ങിയതോടെയാണ് പ്രത്യേക സര്‍വീസ് നടത്താന്‍ കെ.എസ്.ആര്‍.ടി.സി. തീരുമാനിച്ചത്. ഞായറാഴ്ചകളില്‍ രാവിലെ 8.20-ന് ചാലക്കുടിയില്‍ നിന്ന് പുറപ്പെടുന്ന സര്‍വീസ് ഉച്ചയ്ക്ക് ഒരുമണിയോടെ അതിര്‍ത്തിഗ്രാമത്തിലെത്തും. വിവിധ വ്യൂ പോയിന്റുകള്‍ കാണുന്നതിനായി ബസ് നിര്‍ത്തും.

രണ്ട് മണിക്കൂറോളം മലക്കപ്പാറയില്‍ നിര്‍ത്തിയിടുന്ന ബസ് വൈകീട്ട് മൂന്നുമണിക്ക് മലക്കപ്പാറയില്‍നിന്ന് തിരികെ ചാലക്കുടിയിലേക്ക് പുറപ്പെടും. വൈകീട്ട് ആറേമുക്കാലോടെ ചാലക്കുടിയിലെത്തും. നേരത്തെ തന്നെ സീറ്റുകള്‍ ബുക്ക് ചെയ്യാനാകും. വൈകാതെ ഓണ്‍ലൈന്‍ ബുക്കിങ് തുടങ്ങും.

കഴിഞ്ഞ ശനിയാഴ്ചയായിരുന്നു ആദ്യ മലക്കപ്പാറ സ്പെഷ്യല്‍ സര്‍വീസ്. സഞ്ചാരികള്‍ ആവശ്യപ്പെട്ടാല്‍ പൊതു അവധിദിവസങ്ങളില്‍ സര്‍വീസ് നടത്താനും ആലോചനയുണ്ട്. ഗാന്ധിജയന്തി ദിനത്തില്‍ സര്‍വീസ് ഉണ്ടാകും. ഫോണ്‍: 0480 2701638, 9747557737, 9846655449.

Content Highlights: KSRTC Special Service From Chalakudy To Malakkappara

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


supreme court

1 min

ക്രിസ്ത്യന്‍ വേട്ടയാടല്‍ ഇല്ല; ആരോപണം വിദേശസഹായം നേടാനാകാമെന്ന് കേന്ദ്രം സുപ്രീംകോടതിയില്‍

Aug 16, 2022


Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022

Most Commented