ഓര്‍മയായി, ആനവണ്ടിയുടെ ആനവരക്കാരന്‍; 3000 ബസുകളിലുണ്ട് തലയെടുപ്പോടെ ആ ചിത്രങ്ങള്‍


ചെറുപ്പംമുതലേ ആനകളെ വരയ്ക്കുന്നത് ഇഷ്ടമായിരുന്നതിനാല്‍ ജോലി അദ്ദേഹത്തിന് എന്നും ഹരമായിരുന്നു.

ആർട്ടിസ്റ്റ് മാധവൻകുട്ടി തന്റെ ആനശില്പങ്ങൾക്കൊപ്പം | ഫോട്ടോ: മാതൃഭൂമി

കെ.എസ്.ആര്‍.ടി.സി. ബസുകളില്‍ ഔദ്യോഗികമുദ്രയായ ആനച്ചിത്രങ്ങള്‍ വരച്ച ആര്‍ട്ടിസ്റ്റ് മാധവന്‍കുട്ടി ഇനി ഓര്‍മ. കെ.എസ്.ആര്‍.ടി.സി.യില്‍ 35 വര്‍ഷം ആര്‍ട്ടിസ്റ്റ് കം ഫോട്ടോഗ്രാഫറായി ജോലിചെയ്ത കണ്ടാണശ്ശേരി അഭിലാഷ് ഭവനില്‍ മാധവന്‍കുട്ടി (71) യാത്രയായപ്പോള്‍ ആനവണ്ടികളില്‍ അദ്ദേഹം വരച്ച ചിത്രങ്ങള്‍ 'തലയെടുപ്പോടെ'യുണ്ട്.

ആനകള്‍ മുഖാമുഖംനിന്ന് തുമ്പിയുയര്‍ത്തി നില്‍ക്കുന്ന ചിത്രം അദ്ദേഹം മൂവായിരത്തിലേറെ ബസുകളില്‍ വരച്ചിട്ടുണ്ട്. 1973-ല്‍ ഏറ്റുമാനൂര്‍ ഡിപ്പോയിലായിരുന്നു ആര്‍ട്ടിസ്റ്റായി നിയമനം. ചെറുപ്പംമുതലേ ആനകളെ വരയ്ക്കുന്നത് ഇഷ്ടമായിരുന്നതിനാല്‍ ജോലി അദ്ദേഹത്തിന് എന്നും ഹരമായിരുന്നു.

മാധവന്‍കുട്ടി ജോലിക്ക് കയറുന്നതിനു മുമ്പുണ്ടായിരുന്ന ആനച്ചിത്രത്തില്‍ ചെറിയൊരു മാറ്റം വരുത്തി. ആനകളുടെ തലയെടുപ്പും കൊമ്പിന്റെ നീളവും കൂട്ടി. അതോടെ മാധവന്‍കുട്ടി ശ്രദ്ധേയനായി. കോട്ടയം, കൊട്ടാരക്കര, മാവേലിക്കര, അടൂര്‍, കായംകുളം, കരുനാഗപ്പിള്ളി, കൊല്ലം സ്റ്റേഷനുകളിലും ജോലിചെയ്തു. ഏറ്റവും ഒടുവില്‍ ഗുരുവായൂര്‍ ഡിപ്പോയിലെത്തി. വിരമിച്ചശേഷം ഗുരുവായൂരിനടുത്ത് കണ്ടാണശ്ശേരിയില്‍ സ്ഥിരതാമസമാക്കി.

പിന്നീട് വന്ന ആര്‍ട്ടിസ്റ്റുകള്‍ മാധവന്‍കുട്ടിയുടെ ശൈലിയാണ് പിന്തുടര്‍ന്നത്. ബസുകളിലെ ആനച്ചിത്രങ്ങള്‍ക്ക് പുതുമ കൊണ്ടുവന്നതോടെ മാധവന്‍കുട്ടി കെ.എസ്.ആര്‍.ടി.സി.യില്‍ തലയെടുപ്പുള്ള ചിത്രകാരനായി അറിയപ്പെട്ടു. ഏറ്റവും ഒടുവിലാണ് ഗുരുവായൂര്‍ ഡിപ്പോയിലെത്തുന്നത്. ആനകള്‍ വളരുന്ന ഗുരുവായൂരില്‍നിന്നുതന്നെ ആനച്ചിത്രകാരനായി വിരമിച്ചതിന്റെ സന്തോഷവും അദ്ദേഹത്തിനുണ്ട്.

1965-ല്‍ ലളിതകലാ അക്കാദമിയുടേതടക്കം പുരസ്‌കാരങ്ങള്‍ ലഭിച്ചിട്ടുണ്ട്. അടുത്തിടെ കണ്ടാണശ്ശേരി മാക് കലാകൂട്ടായ്മ അദ്ദേഹത്തെ ആദരിച്ചു. അറിയപ്പെടുന്ന നാഗസ്വരവിദ്വാനായിരുന്ന കൊട്ടാരക്കര വെട്ടിക്കവല ഉമ്മിണിയുടെയും കാര്‍ത്ത്യായനിയുടെയും മകനാണ്. ഭാര്യ: സരള. മക്കള്‍: അഭിലാഷ് (ന്യൂഡല്‍ഹി), ആശ. മരുമക്കള്‍: സുമ (ന്യൂഡല്‍ഹി), സുധീരന്‍ (ദുബായ്). സംസ്‌കാരം വെള്ളിയാഴ്ച.

Content highlights: KSRTC logo artist passed away, KSRTC official logo designer, Madhavankutty


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
chintha jerome

2 min

വാഴക്കുലയില്‍ കുടുങ്ങിയ ചിന്ത; നന്ദി പിണറായിക്ക്, ഡോക്ടറേറ്റ് റദ്ദാക്കാന്‍ വകുപ്പുണ്ട്

Jan 30, 2023


kt jaleel, madani

3 min

മഅദനിയെക്കണ്ടു, കണ്ണുനിറഞ്ഞു; ഈ കൊല്ലാക്കൊല കൊടിയ അനീതിയെന്ന് കെ.ടി. ജലീല്‍ 

Jan 28, 2023


Premium

09:50

വീടിനെക്കാള്‍ വില മതിച്ച പൂവ്; ഞെട്ടിച്ച തകര്‍ച്ച, ടുലിപ് മാനിയ!

Jan 30, 2023

Most Commented