കുട്ടികള്‍ വാഹനമോടിച്ചാല്‍ പണികിട്ടും; വാഹന ഉടമയ്ക്കും കുട്ടിക്കും കടുത്ത ശിക്ഷകള്‍


1 min read
Read later
Print
Share

ഇരുചക്ര വാഹനത്തില്‍ യാത്ര ചെയ്യുന്ന രണ്ടുപേരും ഹെല്‍മറ്റ് ധരിച്ചില്ലെങ്കില്‍ രണ്ടുപേരില്‍ നിന്നും 500 രൂപ വീതം പിഴ ഈടാക്കും.

-

ലൈസന്‍സ് ഇല്ലാത്ത കുട്ടികള്‍ക്ക് വാഹനമോടിക്കാന്‍ നല്‍കുന്നത് കൂടുതല്‍ ഗൗരവമുള്ള നിയമ ലംഘനമാകുന്നു. കുട്ടികളെക്കൊണ്ട് വാഹനമോടിപ്പിച്ചാല്‍ ഓടിക്കുന്ന വാഹനത്തിന്റെ ആര്‍സി റദ്ദാക്കുകയും കുട്ടിക്ക് 25 വയസിനുശേഷം മാത്രം ലൈസന്‍സ് നല്‍കിയാല്‍ മതിയെന്നുമാണ് നിര്‍ദേശം. ഇതിനൊപ്പം 25000 രൂപ പിഴയും തടവ് ശിക്ഷയും ലഭിച്ചേക്കും.

മോട്ടോര്‍ വാഹനം നിയമങ്ങള്‍ ലംഘിക്കുന്നവരെ പിഴ തുകകള്‍ ഓര്‍മിപ്പിച്ച് കൊണ്ടുള്ള കേരളാ പോലീസിന്റെ ഫെയ്‌സ്ബുക്ക് പോസ്റ്റിലാണ് ഇക്കാര്യം അറിയിച്ചിട്ടുള്ളത്. പുതുക്കിയ മോട്ടോര്‍ വാഹന ചട്ടം ഭേദഗതി പ്രകാരമുള്ള ട്രാഫിക് നിയമ ലംഘനത്തിനുള്ള പിഴ എന്ന തലക്കെട്ടോടെയാണ് നിയമലംഘനങ്ങളുംപിഴയും അറിയിച്ചിരിക്കുന്നത്.

ഇരുചക്ര വാഹനത്തില്‍ യാത്ര ചെയ്യുന്ന രണ്ടുപേരും ഹെല്‍മറ്റ് ധരിച്ചില്ലെങ്കില്‍ രണ്ടുപേരില്‍ നിന്നും 500 രൂപ വീതം പിഴ ഈടാക്കും. കാറിനുള്ളില്‍ യാത്ര ചെയ്യുന്ന എല്ലാവരും സീറ്റ് ബെല്‍റ്റ് ധരിച്ചില്ലെങ്കില്‍ 500 രൂപയാണ് പിഴ. മദ്യപിച്ച് വാഹനമോടിച്ചാല്‍ 10,000 രൂപയും തടവുമായിരിക്കും ശിക്ഷയെന്ന് പോസ്റ്റില്‍ പറയുന്നു.

ഡ്രൈവിങ്ങ് ലൈസന്‍സ് ഇല്ലാതെ വാഹനമോടിക്കല്‍ 10,000 രൂപ, ഇന്‍ഷുറന്‍സ് ഇല്ലാതെ വാഹനോപയോഗം 2000 രൂപ, ടൂ വീലറില്‍ രണ്ടുപേരില്‍ കൂടുതല്‍ യാത്ര ചെയ്താല്‍ 1000 രൂപ, റെഡ് സിഗ്നല്‍ ലംഘനം 5000 രൂപ, അപകടകരമായ ഡ്രൈവിങ്ങ് 2000 രൂപ, മൊബൈല്‍ ഫോണ്‍ ഉപയോഗിച്ചുള്ള ഡ്രൈവിങ്ങ്-ലൈസന്‍സ് റദ്ദാക്കല്‍+2000 രൂപ പിഴ.

അമിതവേഗത്തിന് ലൈറ്റ് മോട്ടോര്‍ വാഹനങ്ങളില്‍ നിന്ന് 1500 രൂപയും മറ്റുള്ള വാഹനങ്ങളില്‍ നിന്ന് 3000 രൂപയും പിഴ ഈടാക്കും. ഇടതുവശത്തുകൂടി ഓവര്‍ടേക്ക്, തെറ്റായ ദിശയിലെ സഞ്ചാരം എന്നിവയ്ക്ക് 5000 രൂപ, സൈലന്‍സര്‍, ടയര്‍, ലൈറ്റ് എന്നിവയിലെ രൂപമാറ്റം 5000 വീതം, ടാക്‌സ് ഇല്ലാതെ നിരത്തിലിറങ്ങിയാല്‍ 3000 മുതല്‍ 10,000 വരെ, ഓവര്‍ ലോഡ് 10000, ആംബുലന്‍സിന് മാര്‍ഗത്തടസം സൃഷ്ടിച്ചാല്‍ 5000 രൂപ എന്നിങ്ങനെയാണ് പിഴ ഈടാക്കുക.

Content Highlights: Kerala Police Facebook Post On Traffic Rule Violations And Penalties

 


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
driving

4 min

വേണം ഗതാഗത സംസ്കാരം; സ്വീഡന്‍ നമുക്കൊരു പാഠമാകേണ്ടതുണ്ട്

Oct 17, 2022


Maruti Jimny

5 min

കാടും മലയും പുഴയുമൊന്നും സീനല്ല;' ഫുൾ പവറാണ്' ജിമ്നി| ടെസ്റ്റ് ഡ്രൈവ് അനുഭവം

May 27, 2023


Toyota Innova Hycross

5 min

ഫുള്‍ടാങ്ക് അടിച്ചാല്‍ 1092 കിലോമീറ്റര്‍ ഓടും; ഹൈക്രോസ് ഹൈടെക് ആണ് ഹൈടെക്

Nov 26, 2022

Most Commented