പള്‍സറിന്റെ എന്‍ജിന്‍, ഒമ്‌നിയുടെ ഗിയര്‍ബോക്‌സ്, 20 കി.മീ മൈലേജ്; ഈ ജീപ്പ് വേറെ ലെവലാണ്


70,000 രൂപയോളമാണ് നിര്‍മാണച്ചെലവ്. അരുള്‍ സ്വന്തമായി നിര്‍മിച്ച അഞ്ചാമത്തെ വാഹനമാണിത്.

അരുൾ രവി സ്വന്തമായി നിർമിച്ച ജീപ്പിനൊപ്പം | ഫോട്ടോ: മാതൃഭൂമി

വില്ലീസിന്റെ രൂപത്തില്‍ 10 ഗിയറുള്ള ജീപ്പ് സ്വയം നിര്‍മിക്കുക. അതും ബജാജ് ബൈക്കിന്റെ എന്‍ജിന്‍ ഉപയോഗിച്ച്. കൊട്ടിയൂര്‍ വെങ്ങലോടിയിലെ ഇല്ലത്തില്‍ അരുള്‍ രവി എന്ന 22-കാരന്‍ സ്വന്തമായി നിര്‍മിച്ച ജീപ്പിന് കൗതുകങ്ങള്‍ ഏറെയാണ്. കുട്ടികള്‍ക്കടക്കം ഓടിക്കാവുന്നവിധത്തില്‍ നിര്‍മിച്ചിട്ടുള്ള ഈ വാഹനം ശ്രദ്ധനേടിക്കഴിഞ്ഞു.

വാഹനത്തോട് ഏറെ കമ്പമുള്ള അരുള്‍ രണ്ടുമാസംകൊണ്ടാണ് വില്ലീസ് മാതൃകയിലുള്ള മിനി ജീപ്പ് നിര്‍മിച്ചത്. പള്‍സര്‍ ബൈക്കിന്റെ 180 സി.സി. എന്‍ജിനും ഒമ്നിയുടെ ഗിയര്‍ ബോക്‌സും മാരുതി 800-ന്റെ ടയറുമാണുപയോഗിച്ചത്. നാനോയുടെ റിം പരിഷ്‌കരിച്ചതുംകൂടി ചേര്‍ന്നപ്പോള്‍ ജീപ്പിന്റെ രൂപമായി. വാഹനത്തിന്റെ മൃദുമേലാപ്പ് മടക്കിവെക്കാവുന്ന രീതിയിലാണ്. റിവേഴ്‌സ് സെന്‍സറുമുണ്ട്. 10 ഗിയറുമുള്ളതിനാല്‍ ഏത് കയറ്റവും അനായാസം കയറുമെന്ന് അരുള്‍ പറയുന്നു.

20 കിലോമീറ്ററിലേറെയാണ് വണ്ടിയുടെ ഇന്ധക്ഷമത. 70,000 രൂപയോളമാണ് നിര്‍മാണച്ചെലവ്. അരുള്‍ സ്വന്തമായി നിര്‍മിച്ച അഞ്ചാമത്തെ വാഹനമാണിത്. പബ്ജി ഗെയിം മോഡല്‍ വാഹനം, ഡ്രൈവറില്ലാതെ റിമോട്ട് കണ്‍ട്രോളറില്‍ പ്രവര്‍ത്തിക്കുന്ന വാഹനം, ജീപ്പ് തുടങ്ങിയവയാണവ. ഇലക്ട്രോണിക്‌സ് ഡിപ്ലോമ പൂര്‍ത്തിയാക്കിയ തനിക്ക് മെക്കാനിക്കല്‍ എന്‍ജിനീയറിങ്ങിനോടാണ് ഏറെ താത്പര്യമെന്ന് അരുള്‍ പറയുന്നു.

വാഹനത്തെക്കുറിച്ച് കേട്ടറിഞ്ഞ് നിരവധിയാളുകള്‍ ഇത് നിര്‍മിച്ച് നല്‍കണമെന്നാവശ്യപ്പെട്ട് സമീപിക്കുന്നുണ്ടെന്ന് അരുള്‍ പറഞ്ഞു. റിയാദില്‍നിന്ന് ആവശ്യപ്പെട്ട പ്രകാരം മലപ്പുറത്തെ റിസോര്‍ട്ടിലേക്ക് ഇതേ വാഹനം നിര്‍മിക്കുകയാണിപ്പോള്‍ അരുള്‍.

ഇരിട്ടിയില്‍നിന്ന് മറ്റൊരാള്‍ ഇതേ വാഹനം അഞ്ചെണ്ണം നിര്‍മിച്ചുനല്‍കാന്‍ ഓര്‍ഡര്‍ നല്‍കിയിട്ടുണ്ട്. മിനി ബുള്ളറ്റ് നിര്‍മിക്കുന്നതിന് തൃശ്ശൂര്‍, കോഴിക്കോട് എന്നിവിടങ്ങളില്‍നിന്ന് ഓര്‍ഡര്‍ ലഭിച്ചിട്ടുണ്ട്. സുഹൃത്തുക്കള്‍ക്കൊപ്പം അച്ഛന്‍ രവി, അമ്മ സില്‍വി എന്നിവരും അരുളിന് പിന്തുണയുമായി ഒപ്പമുണ്ട്.

Content Highlights: Kannur Native Arul Make Mini Jeep Using Pulsar Bike Engine And Omni Gearbox

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
swathi sekhar

1 min

ഭാര്യ കിടപ്പുരോഗി, കാമുകിക്കായി സ്വന്തംവീട്ടില്‍നിന്ന് 550 പവന്‍ മോഷ്ടിച്ചു; വ്യവസായി അറസ്റ്റില്‍

Aug 9, 2022


AKHIL

1 min

വിവാഹിതയായ വീട്ടമ്മ ഒപ്പം വരാത്തതില്‍ പ്രതികാരം, വെട്ടുകത്തിയുമായി വീട്ടിലെത്തി ആക്രമിച്ചു

Aug 10, 2022


higher secondary exam

1 min

ഗുജറാത്ത് കലാപം പാഠപുസ്തകത്തിൽ നിന്ന് ഒഴിവാക്കില്ല; കേന്ദ്രനിർദ്ദേശം കേരളത്തിൽ അതേപടി നടപ്പാക്കില്ല

Aug 10, 2022

Most Commented