നരസിംഹം ജീപ്പ് | ഫോട്ടോ: മാതൃഭൂമി ന്യൂസ്‌
മലയാള സിനിമ ചരിത്രത്തിലെ സൂപ്പര്‍ ഹിറ്റ് ചിത്രങ്ങളില്‍ ഒന്നാണ് മോഹലാല്‍ ചിത്രമായ നരസിംഹം. സിനിമയ്‌ക്കൊപ്പം ഹിറ്റായ മറ്റൊന്ന് കൂടിയുണ്ട്, ബോണറ്റില്‍ ഫയര്‍ എന്ന് എഴുതി, മുന്നില്‍ സ്റ്റെപ്പിനി ടയറും നല്‍കിയെത്തിയ ആ ചുവന്ന ജീപ്പ്. സിനിമ ഇറങ്ങി 21 വര്‍ഷം പിന്നിടുമ്പോഴും ഈ ജീപ്പിനെ പൊന്നുപോലെ കരുതുകയാണ് പെരുമ്പാവൂര്‍ സ്വദേശിയായ മധു എന്നയാള്‍.
സിനിമയില്‍ എത്തുന്നതിന് മുമ്പുതന്നെ ഈ ജീപ്പ് മധുവിന് പരിചയമുണ്ട്. സിനിമയുടെ ആവശ്യത്തിനായി ഈ ജീപ്പ് വാങ്ങി പണിത് എടുക്കുമ്പോള്‍ മുതല്‍ തനിക്ക് ഈ വാഹനത്തെ അറിയാമെന്നാണ് അദ്ദേഹം പറയുന്നത്. പിന്നീട് നരസിംഹത്തിന്റെ ഷൂട്ടിങ്ങ് ലൊക്കേഷനില്‍ വച്ചാണ്‌ ഈ വാഹനം കാണുന്നത്. ഏഴ് ദിവസത്തോളം ഷൂട്ടിങ്ങ് കാണാന്‍ സിനിമ സെറ്റില്‍ ഉണ്ടായിരുന്നതായും അദ്ദേഹം ഓര്‍ത്തെടുക്കുന്നു.
ഷൂട്ടിങ്ങ് കഴിഞ്ഞ് ഏതാനും ദിവസങ്ങള്‍ക്കുള്ളില്‍ നിര്‍മാതാവ് ആന്റണി പെരുമ്പാവൂര്‍ തന്നെ വിളിക്കുകയും വാഹനം വില്‍ക്കാന്‍ ഒരുങ്ങുന്നതായി അറിയിക്കുകയും ചെയ്തതോടെയാണ് ഇത് വാങ്ങാന്‍ തീരുമാനിച്ചത്. പിന്നീട് ഈ വാഹനം വാങ്ങുകയും മുന്നിലുണ്ടായിരുന്ന സ്റ്റെപ്പിനി പിന്നിലേക്ക് മാറ്റുന്നത് ഉള്‍പ്പെടെ ചെറിയ മാറ്റങ്ങള്‍ മാത്രം വരുത്തി ഇപ്പോഴും സൂക്ഷിക്കുകയും ചെയ്യുകയാണെന്ന് മധു പറഞ്ഞു.
ഈ വാഹനം ഒരിക്കലും വില്‍ക്കാന്‍ ഒരുക്കമല്ലെന്നാണ് മധു പറയുന്നത്. എന്നാല്‍, എന്തെങ്കിലും ആവശ്യത്തിന് ആന്റണി പെരുമ്പാവൂരോ മോഹന്‍ലാലോ ചോദിച്ചാല്‍ സന്തോഷത്തോടെ ഈ വാഹനം വിട്ടുനല്‍കും. മോഹന്‍ലാലിന്റെ മകന്‍ പ്രണവിന്റെ എന്തെങ്കിലും ആവശ്യത്തിനും ഇത് വിട്ടുനല്‍കാന്‍ ഒരുക്കമാണ്. അല്ലാത്ത പക്ഷം ഇത് ഒരിക്കലും വില്‍ക്കില്ലെന്നും മധു ഉറപ്പിച്ച് പറയുന്നു.
സിനിമയില്‍ മാത്രമല്ല, അങ്ങ് രാഷ്ട്രീയത്തിലും ഈ വാഹനത്തിന് നല്ല പിടിപാടാണെന്നാണ് വാഹനത്തിന്റെ ഉടമ അഭിപ്രായപ്പെടുന്നത്. 2016-ലെ നിയമസഭാ തിരഞ്ഞെടുപ്പില്‍ മുഖ്യമന്ത്രി പിണറായി വിജയന്‍ പെരുമ്പാവൂരില്‍ പ്രചരണത്തിന് എത്തിയപ്പോള്‍ സഞ്ചരിച്ച തുറന്ന ജീപ്പ് ഇതായിരുന്നു. ഈ വാഹനത്തില്‍ പോകുമ്പോള്‍ ആരാധനയോടെ ആളുകള്‍ നോക്കാറുണ്ടെന്നും അദ്ദേഹം പറയുന്നു.
Content Highlights: Jeep Used In Mohanlal Movie Narasimham
Also Watch
RELATED STORIES
.jpg?$p=fc20cf2&f=1x1&w=100&q=0.8)
IN CASE YOU MISSED IT
.jpg?$p=5a7353c&f=1x1&w=100&q=0.8)
.jpg?$p=83933ff&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..