ടാറ്റയുടെ വണ്ടിയായത് കൊണ്ട് ജീവന്‍ രക്ഷപ്പെട്ടു; ഹെക്‌സയിലെ അപകടം വിവരിച്ച് പ്രശസ്ത ഗായിക


ഈ യാത്രയില്‍ മറ്റൊരു വാഹനം കിട്ടാതെയാണ് ഹെക്‌സയില്‍ യാത്ര ചെയ്തത്. ഈ വാണ്ടിയുമായി യാത്ര ചെയ്തത് ഒരു നിയോഗമാണ്.

ഇംതിയാസ് ബീഗം ഫെയ്‌സ്ബുക്കിൽ പങ്കുവെച്ച ചിത്രം | Photo: Facebook

സുരക്ഷയൊരുക്കുന്ന കാര്യത്തില്‍ യാതൊരു വിട്ടുവീഴ്ച്ചയ്ക്കും തയാറാകാതെയാണ് ടാറ്റയുടെ ന്യൂജെന്‍ വാഹനങ്ങള്‍ എല്ലാം എത്തിയിട്ടുള്ളത്. ക്രാഷ്‌ടെസ്റ്റില്‍ ആദ്യമായി അഞ്ച് സ്റ്റാര്‍ റേറ്റിങ്ങ് സ്വന്തമാക്കിയ ആദ്യ ഇന്ത്യന്‍ നിര്‍മിത വാഹനവും ടാറ്റയില്‍ നിന്നായിരുന്നു. ടാറ്റയുടെ വാഹനം ഒരുക്കുന്ന സുരക്ഷയുടെ നേര്‍സാക്ഷിയായ പ്രശസ്ത ഗസല്‍ ഗായികയായ ഇംതിയാസ് ബീഗത്തിന്റെ കുറിപ്പ് ശ്രദ്ധനേടുകയാണ്.

കഴിഞ്ഞ ദിവസം ടാറ്റ ഹെക്‌സയില്‍ നടത്തിയ യാത്രയും അപകടവും അതില്‍നിന്ന് അദ്ഭുതകരമായി രക്ഷപ്പെട്ടതിന്റെയും അനുഭവമാണ് ഗായിക ഫെയ്‌സ്ബുക്കില്‍ പങ്കുവെച്ചിരിക്കുന്നത്. കോഴിക്കോട് നടന്ന ഒരു പരിപാടി കഴിഞ്ഞുള്ള മടക്ക യാത്രയില്‍ ചേര്‍ത്തലയില്‍ വെച്ചാണ് ഈ അപകടം നടന്നതെന്നാണ് കുറിപ്പില്‍ പറയുന്നത്. ഇംതിയാസ് ബീഗവും മകളും മാത്രമാണ് യാത്ര ചെയ്തിരുന്നത്.

സ്വന്തം കാര്‍ സര്‍വീസിനായി കൊടുത്തിരുന്നതിനാല്‍ സുഹൃത്തിന്റെ ടാറ്റ ഹെക്‌സയിലാണ് മകള്‍ക്കൊപ്പം കോഴിക്കോടേക്ക് യാത്ര ചെയ്തത്. മടക്കയാത്രയില്‍ പുലര്‍ച്ചെ നാല് മണിക്കാണ് അപകടം. റോഡില്‍ തിരക്ക് കുറവായതിനാല്‍ ഒരു ലോറിയെ ഓവര്‍ടേക്ക് ചെയ്യാന്‍ ശ്രമിക്കുകയായിരുന്നു. എന്നാല്‍ അപ്പോള്‍ തന്നെ മുന്നിലുണ്ടായിരുന്ന ലോറി വേഗത കൂട്ടി ഇതോടെ വണ്ടി നിര്‍ത്താന്‍ ശ്രമിച്ചെങ്കിലും സാധിച്ചില്ല.

മഴയായിരുന്നത് കൊണ്ട് ബ്രേക്ക് ചെയ്ത് വാഹനം ഒതുക്കാനുള്ള ശ്രമത്തിനിടയില്‍ റോഡില്‍ നിന്ന് തെന്നി നീങ്ങുകയും ഒടുവില്‍ നിയന്ത്രണം നഷ്ടപ്പെട്ട് നിര്‍ത്തിയിട്ടിരുന്ന ലോറിയില്‍ ഇടിക്കുകയുമായിരുന്നു. ആ ഇടിയുടെ ആഘാതത്തില്‍ രണ്ട് മൂന്ന് തവണ കറങ്ങിയ വാഹനത്തിന്റെ പിന്‍ഭാഗം മറ്റൊരു ലോറിയിലും ഇടിച്ചാണ് അപകടമുണ്ടായതെന്നാണ് ഇംതിയാസ് ബീഗം ഫെയ്‌സ്ബുക്കില്‍ കുറിച്ചിരിക്കുന്നത്.

മുന്നിലെ ഗ്ലാസ് പൊട്ടിയതിനാല്‍ തന്റെ കൈയില്‍ ചെറിയ മുറിവുകള്‍ ഉണ്ടായത് മാത്രമാണ് ഈ അപകടത്തില്‍ സംഭവിച്ച പരിക്ക്. പിന്നില്‍ കിടന്ന് ഉറങ്ങുകയായിരുന്നു തന്റെ മകള്‍ പൂര്‍ണ സുരക്ഷിതയായിരുന്നു എന്നും അവര്‍ പറഞ്ഞു. അപകട സ്ഥലത്ത് എത്തിയ പോലീസുകാരന്‍ പറഞ്ഞത് ടാറ്റയുടെ വാഹനമായതിനാല്‍ മാത്രം രക്ഷപ്പെട്ടു, ഇല്ലെങ്കില്‍ നോക്കേണ്ടായിരുന്നു എന്നാണെന്നും അവര്‍ പറയുന്നു.

Content Highlights: Gazal Singer Imthiyas Beegum Writes About An Accident


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

'ഷർട്ട് വാങ്ങാൻ 1500 രൂപ കൊടുത്തു, ലോണടയ്ക്കാൻ 1000 തിരികെ തന്നു'

Oct 6, 2022


anas

2 min

പോയത് നാലുകോടി രൂപ; ജീവിതം അവസാനിപ്പിക്കുമെന്ന് പറഞ്ഞ് മുഖ്യമന്ത്രിക്ക് കത്തയച്ച് സംരംഭകന്‍

Oct 7, 2022


06:50

വിമാനലോകത്തിലെ ഭീമന്‍, എയര്‍ബസ് A 380 സീരീസിന്  മരണമണി മുഴങ്ങുന്നു

Oct 6, 2022

Most Commented