പ്രാണവായുവല്ലേ പണിക്കൂലി വേണ്ട; ടാങ്കര്‍ നന്നാക്കിയ അഖിലിന്‌ കൈയടിച്ച് എം.വി.ടി


ദേശീയപാത നടത്തറയില്‍വെച്ച് വാഹനത്തിന് എയര്‍ ലീക്ക് ശ്രദ്ധയില്‍പ്പെട്ടു. എന്നാല്‍, വെളിച്ചക്കുറവ് തിരിച്ചടിയായി. തുടര്‍ന്ന് എമര്‍ജന്‍സി വിളക്ക് തെളിയിച്ച് പാലിയേക്കര വരെയെത്തി.

അഖിൽ ലോറി നന്നാക്കുന്നതിനിടയിൽ | ഫോട്ടോ; മാതൃഭൂമി

പാതിരാത്രി വീടിന്റെ വാതിലില്‍ മുട്ടിയത് കാക്കിയിട്ട ഉദ്യോഗസ്ഥരാണെന്നറിഞ്ഞപ്പോള്‍ അഖില്‍ ഒന്നു സംശയിച്ചു. ദേശീയപാതയില്‍ തകരാറിലായ, കോവിഡ് രോഗികള്‍ക്ക് ഓക്‌സിജനുമായി വന്ന ടാങ്കര്‍ലോറി നന്നാക്കാനാണ് തന്നെ തേടിയെത്തിയതെന്നറിഞ്ഞപ്പോള്‍ പിന്നെ രണ്ടാമതൊന്ന് ആലോചിച്ചില്ല. രാത്രി 12.30-ന്, സഹോദരനോടൊപ്പം ബൈക്കില്‍ പാലിയേക്കരയിലെത്തിയ അഖില്‍ അരമണിക്കൂറിനുള്ളില്‍ ലോറി നന്നാക്കി.

തലോര്‍ വാലത്ത് കുട്ടിരാമന്റെ മകന്‍ അഖില്‍, മണലിയില്‍ പയനീയര്‍ ഓട്ടോ ഗാരേജ് നടത്തുകയാണ്. ശനിയാഴ്ച രാത്രി പാലക്കാട്ടുനിന്ന് തെക്കന്‍ ജില്ലകളിലേക്ക് ഓക്‌സിജനുമായിവന്ന ലോറിയാണ് തകരാറിലായത്. ലോറിക്ക് പൈലറ്റ് വന്നിരുന്ന മോട്ടോര്‍വാഹനവകുപ്പ് ഉദ്യോഗസ്ഥര്‍ മെക്കാനിക്കിനെ തേടി പരക്കംപാഞ്ഞു.

ദേശീയപാത നടത്തറയില്‍വെച്ച് വാഹനത്തിന് എയര്‍ ലീക്ക് ശ്രദ്ധയില്‍പ്പെട്ടു. എന്നാല്‍, വെളിച്ചക്കുറവ് തിരിച്ചടിയായി. തുടര്‍ന്ന് എമര്‍ജന്‍സി വിളക്ക് തെളിയിച്ച് പാലിയേക്കര വരെയെത്തി. സ്ഥലപരിചയമില്ലാത്ത ലോറി ഡ്രൈവറും മോട്ടോര്‍ വാഹനവകുപ്പ് ജീവനക്കാരും ടി.വി.എസ്. സര്‍വീസ് സെന്ററിലും കെ.എസ്.ആര്‍.ടി.സി. റീജണല്‍ വര്‍ക്ഷോപ്പിലും ബന്ധപ്പെട്ടെങ്കിലും നിരാശയായിരുന്നു ഫലം.

അവസാനം തപ്പിത്തടഞ്ഞ് മണലിയിലെ വര്‍ക്ഷോപ്പിലെത്തി. തുടര്‍ന്ന് വര്‍ക്ഷോപ്പ് ഉടമയുടെ വീട്ടിലേക്ക്. ചിന്തിച്ചുനില്‍ക്കാതെ ലോറിക്കടിയിലിറങ്ങിയ അഖില്‍ ലീക്ക് കണ്ടെത്തി. പിറകിലെ മള്‍ട്ടി ആക്‌സില്‍ കോമ്പിനേഷനിലേക്കുള്ള പൈപ്പ് ബ്ലോക്ക് ചെയ്ത് തകരാര്‍ താത്കാലികമായി പരിഹരിച്ചു.

എന്‍ഫോഴ്‌സ്‌മെന്റ് എം.വി.ഐ.മാരായ പ്രവീണ്‍, സനീഷ്, ഡ്രൈവര്‍ അനീഷ് എന്നിവരായിരുന്നു ടാങ്കര്‍ലോറിക്ക് പൈലറ്റ് വന്നത്. പണി കഴിഞ്ഞ് കൂലി നല്‍കിയപ്പോഴും അഖില്‍ രണ്ടാമതൊന്ന് ആലോചിക്കാതെ പറഞ്ഞു. 'കോവിഡ് രോഗികള്‍ക്കുള്ള ഓക്‌സിജനുമായി പോകുന്ന വണ്ടിയല്ലേ... എനിക്ക് പണിക്കൂലി വേണ്ട..!'

Content Highlights; Automobile Mechanic Akhil Repair Oxygen Tanker 12.30 In Night For Free Of Cost

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Nupur Sharma

1 min

ഉത്തരവാദി നിങ്ങളാണ്, രാജ്യത്തോട് മാപ്പ് പറയണം: നൂപുര്‍ ശര്‍മയോട് സുപ്രീംകോടതി

Jul 1, 2022


veena vijayan

2 min

പിണറായിയുടെ മകളായിപ്പോയെന്ന ഒറ്റകാരണത്താല്‍ വേട്ടയാടപ്പെടുന്ന സ്ത്രീ; പിന്തുണച്ച് ആര്യ രാജേന്ദ്രന്‍

Jun 30, 2022


Rahul Dravid jumps with delight as Rishabh Pant scored hundred

1 min

ഋഷഭ് പന്തിന്റെ സെഞ്ചുറിയില്‍ സന്തോഷത്താല്‍ മതിമറന്ന് ദ്രാവിഡ്; ദൃശ്യങ്ങള്‍ വൈറല്‍

Jul 1, 2022

Most Commented