കൊള്ളാം പൊളി കാര്‍, ബൈക്കിന്റെ എന്‍ജിനില്‍ ഹൈബ്രിഡ് കാര്‍ ഒരുക്കി ഷിബിന്‍; ചെലവ് 7500 രൂപ


ഹൈബ്രിഡ് സാങ്കേതികവിദ്യയും കൂട്ടിച്ചേര്‍ത്തതിനാല്‍ പെട്രോള്‍ തീര്‍ന്നാലും സ്വയം ചാര്‍ജ് ചെയ്യുന്ന ബാറ്ററിയില്‍ പ്രവര്‍ത്തിക്കുന്ന മോട്ടോറുള്ളതിനാല്‍ വാഹനം ലക്ഷ്യത്തിലെത്തും.

സ്വന്തമായി നിർമിച്ച വാഹനവുമായി മുഹമ്മദ് ഷിബിൻ | ഫോട്ടോ മാതൃഭൂമി

അങ്ങാടിപ്പുറം: സ്വയം നിര്‍മിച്ച നാലുചക്രവാഹനം ഓടിച്ചപ്പോള്‍ ഏറെക്കാലത്തെ സ്വപ്നം പൂവണിഞ്ഞ സന്തോഷത്തിലാണ് മുഹമ്മദ് ഷിബിന്‍. കോവിഡില്‍ വീണുകിട്ടിയ അവധിക്കാലം സ്വപ്നങ്ങളെ സഞ്ചരിപ്പിക്കാനുള്ള സമയങ്ങളാക്കി മാറ്റുകയായിരുന്നു ഈ 18 വയസ്സുകാരന്‍. കാറുകളുടെ സാങ്കേതികവിദ്യതന്നെയാണ് നിര്‍മാണത്തിലുപയോഗിച്ചത്. പത്തുദിവസത്തെ ആസൂത്രണവും നിര്‍മാണത്തിനായി 20-ദിവസത്തെ രാപകല്‍ അധ്വാനവും. നാലുചക്രവാഹനം റെഡി.

വീട്ടിലെ പഴയ ബൈക്കിന്റെ എന്‍ജിനെടുത്ത് ഇരുമ്പുകമ്പികളും തകിടും ഉപയോഗിച്ചുള്ള പ്ലാറ്റ്‌ഫോമില്‍ ഘടിപ്പിച്ചു. ബാക്കിഭാഗങ്ങള്‍ പഴയ വാഹനങ്ങളുടെ സാധനങ്ങള്‍ വില്‍ക്കുന്ന കടയില്‍നിന്നുവാങ്ങി. ബൈക്കില്‍ ഉപയോഗിച്ച വയറിങ് രൂപമാറ്റം വരുത്തി. വെല്‍ഡിങ്, ഡ്രില്ലിങ്, ഗ്രൈന്‍ഡിങ്, കട്ടിങ് ഉള്‍പ്പെടെ നിര്‍മാണപ്രവര്‍ത്തനങ്ങളെല്ലാം സ്വയം ചെയ്തു. നിര്‍മാണച്ചെലവ് 7500 രൂപ മാത്രം.

ഹൈബ്രിഡ് സാങ്കേതികവിദ്യയും കൂട്ടിച്ചേര്‍ത്തതിനാല്‍ പെട്രോള്‍ തീര്‍ന്നാലും സ്വയം ചാര്‍ജ് ചെയ്യുന്ന ബാറ്ററിയില്‍ പ്രവര്‍ത്തിക്കുന്ന മോട്ടോറുള്ളതിനാല്‍ വാഹനം ലക്ഷ്യത്തിലെത്തും. പെട്രോളില്‍ 40-കിലോമീറ്റര്‍വരെ മൈലേജ് ലഭിക്കും.

മോട്ടോറിലാണെങ്കില്‍ മണിക്കൂറില്‍ 15-20 വേഗതയില്‍ രണ്ടുമണിക്കൂര്‍ സഞ്ചരിക്കാം. ഹൈബ്രിഡ് ഇലക്ട്രിക് മോട്ടോര്‍ ഉള്ളതിനാല്‍ വാഹനം റിവേഴ്‌സ് എടുക്കാം. ഷോക്ക് അബ്‌സോര്‍ബറും മറ്റു പ്രവര്‍ത്തനങ്ങളുമെല്ലാം കാറുകളിലേതിനു സമം. നാലു ലിറ്ററാണ് പെട്രോള്‍ ടാങ്കിന്റെ സംഭരണശേഷി. കോമ്പി ബ്രേക്ക്, എ.ബി.എസ്, സെല്‍ഫ് സ്റ്റാര്‍ട്ടിങ് എന്നിവ ഉള്‍പ്പെടുത്തുകയാണ് ഇനിയുള്ള ലക്ഷ്യം.

കുഞ്ഞുനാള്‍ മുതല്‍ തുടങ്ങിയ വാഹനങ്ങളോടുള്ള ചങ്ങാത്തമാണ് ഷിബിനെ വാഹനനിര്‍മാണ 'എന്‍ജിനീയറാക്കിയത്'. ക്ലാസിലിരുന്ന് വാഹനത്തിന്റെ രേഖാചിത്രമൊരുക്കിയതിന്റെ പേരില്‍ പലതവണ വഴക്കുകേള്‍ക്കേണ്ടിവന്നിട്ടുണ്ട്.

ഹൈസ്‌കൂള്‍ പഠനകാലത്തുതന്നെ ഹൈഡ്രോളിക് എസ്‌കവേറ്റര്‍, ഇലക്ട്രിക് എന്‍ജിന്‍, ഹവര്‍ ബോര്‍ഡ്, ഇലക്ട്രിക് സൈക്കിള്‍ എന്നിവ നിര്‍മിച്ച് കൈയടിനേടിയ ഷിബിന്റെ ഈ കഴിവില്‍ അദ്ഭുതപ്പെടാനൊന്നുമില്ലെന്നാണ് കൂട്ടുകാര്‍ക്കും വീട്ടുകാര്‍ക്കും പറയാനുള്ളത്. സഹോദരനും ഡിഗ്രി വിദ്യാര്‍ഥിയുമായ മുഹമ്മദ് സിജിലാണു സഹായി.

പരിയാപുരം സെന്റ് മേരീസ് ഹയര്‍സെക്കന്‍ഡറി സ്‌കൂളില്‍നിന്നും 99 ശതമാനം മാര്‍ക്കോടെ പ്ലസ്ടു സയന്‍സ് വിജയിച്ച ഷിബിന്‍ കുസാറ്റില്‍ മെക്കാനിക്കല്‍ എന്‍ജിനീയറിങ്ങിന് ചേരാനുള്ള തയ്യാറെടുപ്പിലാണ്. തൂത ഡി.യു.എച്ച്.എസ്.എസിലെ അധ്യാപക ദമ്പതിമാരായ പരിയാപുരം കൊടശേരി സെയ്തലവിയുടെയും റജീനയുടെയും മകനാണ്.

Content Highlights: 18 Year Old Boy Build His Own Sports Car By Spending Rs 7500 Rupees

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
IN DEPTH

11:43

ഷെയര്‍ മാര്‍ക്കറ്റിലെ വിജയമന്ത്രം; ഓഹരി രാജാവ് വിടപറയുമ്പോള്‍ | Rakesh Jhunjunwala

Aug 14, 2022


Yuan Wang-5

1 min

ഇന്ത്യയുടെ ആശങ്കകള്‍ തള്ളി ശ്രീലങ്ക; ചൈനീസ് ചാരക്കപ്പലിന് നങ്കൂരമിടാന്‍ അനുമതി നല്‍കി

Aug 13, 2022


bjp

1 min

നെഹ്‌റുവിനെ ലക്ഷ്യമിട്ട് വിഭജനത്തേക്കുറിച്ചുള്ള വീഡിയോയുമായി ബിജെപി; തിരിച്ചടിച്ച് കോണ്‍ഗ്രസ്

Aug 14, 2022

Most Commented