വാഹനം ഹൈടെക്ക് ആക്കാന്‍ ചിപ്പില്ല; നിര്‍മാണം കുറയ്ക്കാനൊരുങ്ങി ഫോക്‌സ്‌വാഗണും


ചിപ്പ് ക്ഷാമം രൂക്ഷമായതോടെ പല വാഹന നിര്‍മാതാക്കളും ഉത്പാദനം കുറയ്ക്കുമെന്നാണ് അറിയിച്ചിട്ടുണ്ട്.

പ്രതീകാത്മക ചിത്രം | Photo: AP

കോവിഡ് പ്രതിസന്ധിയുടെ പശ്ചാത്തലത്തില്‍ ആഗോളതലത്തില്‍ ഉണ്ടായിട്ടുള്ള സെമി കണ്ടക്ടര്‍ ചിപ്പുകളുടെ ക്ഷാമം ലോകത്തിലെ വാഹന വ്യവസായത്തേയും ഇലക്ട്രോണിക്‌സ് മേഖലയെയും പ്രതികൂലമായി ബാധിച്ചിരിക്കുകയാണ്. ചിപ്പ് ക്ഷാമം രൂക്ഷമായതോടെ പല വാഹന നിര്‍മാതാക്കളും ഉത്പാദനം കുറയ്ക്കുമെന്നാണ് അറിയിച്ചിട്ടുണ്ട്. ഏറ്റവുമൊടുവിലെ റിപ്പോര്‍ട്ട് അനുസരിച്ച് ജര്‍മന്‍ വാഹന നിര്‍മാതാക്കളായ ഫോക്‌സ്‌വാഗണും നിര്‍മാണം കുറയ്ക്കാനൊരുങ്ങുകയാണ്.

ഈ സാമ്പത്തിക വര്‍ഷത്തിന്റെ മൂന്നാം പാദത്തില്‍ ചിപ്പുകളുടെ ലഭ്യത കുറയുമെന്നാണ് വിലയിരുത്തല്‍. അതുകൊണ്ട് വാഹന ഉത്പാദനത്തില്‍ കുറവുണ്ടായേക്കുമെന്നുള്ള സൂചനകള്‍ തള്ളികളയാന്‍ സാധിക്കില്ലെന്നാണ് ഫോക്‌സ്‌വാഗണ്‍ അറിയിച്ചിരിക്കുന്നത്. കോവിഡ് വ്യാപനത്തിന്റെ സാഹചര്യത്തില്‍ വാഹനങ്ങളുടെ വില്‍പ്പന ഉയര്‍ന്നിട്ടുണ്ടെങ്കിലും ചിപ്പുക്ഷാമം മൂലം വാഹനങ്ങളുടെ നിര്‍മാണത്തിലും കോവിഡ് പ്രതിരോധ പ്രവര്‍ത്തനങ്ങളെ തുടര്‍ന്ന് വാഹനങ്ങള്‍ എത്തിക്കുന്നതിലും പ്രതിസന്ധി നേരിടുന്നുണ്ട്.

ഉത്പാദനം കുറയ്ക്കുന്നത് ഉള്‍പ്പെടെയുള്ള പ്രതിസന്ധികളെ ഈ വര്‍ഷം അവസാനത്തോടെ മറികടക്കാന്‍ കഴിയുമെന്ന് കരുതുന്നതായും ഫോക്‌സ്‌വാഗണ്‍ അറിയിച്ചു. സാങ്കേതികവിദ്യയില്‍ അധിഷ്ഠിതമായ പുതുതലമുറ വാഹനങ്ങളുടെ നിര്‍മാണത്തിന് സെമി കണ്ടക്ടര്‍ ചിപ്പുകള്‍ അനിവാര്യമാണ്. എന്നാല്‍, വൈറസ് വ്യാപനത്തെ തുടര്‍ന്ന് പല രാജ്യങ്ങളിലും ചിപ്പുകളുടെ നിര്‍മാണം തടസപ്പെട്ടിരുന്നതായി മുമ്പ് വിദേശ മാധ്യമങ്ങള്‍ റിപ്പോര്‍ട്ട് ചെയ്തിരുന്നു.

ചിപ്പ് ക്ഷാമം ചൂണ്ടിക്കാട്ടി ജാപ്പനീസ് വാഹന നിര്‍മാതാക്കളായ ടൊയോട്ട വാഹനങ്ങളുടെ ഉത്പാദനം കുറയ്ക്കുമെന്ന് കഴിഞ്ഞ ദിവസം അറിയിച്ചിരുന്നു. 40 ശതമാനം വരെ ഉത്പാദനം കുറയ്ക്കാനാണ് ടൊയോട്ട തീരുമാനിച്ചിട്ടുള്ളത്. സെപ്റ്റംബര്‍ മാസത്തോടെ കുറയ്ക്കുമെന്നാണ് പ്രാഥമിക വിവരം. പ്രധാനമായും എഷ്യന്‍ രാജ്യങ്ങളിലേയും യു.എസിലെ പ്ലാന്റുകളിലേയും വാഹനങ്ങളുടെ നിര്‍മാണത്തെ ആയിരിക്കും ചിപ്പ് ക്ഷാമം കാര്യമായി ബാധിക്കുകയെന്നാണ് ടൊയോട്ടയുടെ വിലയിരുത്തല്‍.

വൈറസ് ബാധ രൂക്ഷമായതിനെ തുടര്‍ന്ന് ജര്‍മന്‍ ചിപ്പ് നിര്‍മാണ കമ്പനിയായ ഇന്‍ഫിനിയന്റെ മലേഷ്യയിലെ പ്ലാന്റില്‍ ജൂണ്‍ മുതല്‍ നിര്‍മാണം നിര്‍ത്തിവെച്ചിരുന്നതായി വാര്‍ത്തകള്‍ വന്നിരുന്നു. ഇതിനുപിന്നാലെയാണ് ഫോക്‌സ്‌വാഗണും ചിപ്പ് ക്ഷാമത്തെ തുടര്‍ന്ന് ഉത്പാദനം കുറയ്ക്കുമെന്ന സൂചന നല്‍കിയിട്ടുള്ളത്. 2022-ന്റെ അവസാനത്തോടെ മാത്രമേ ചിപ്പ് ക്ഷാമത്തിന് ശാശ്വത പരിഹാരം കാണാന്‍ സാധിക്കൂവെന്നാണ് ലോകത്തിലെ തന്നെ മുന്‍നിര ചിപ്പ് നിര്‍മാതാക്കള്‍ അഭിപ്രായപ്പെടുന്നത്.

Source: Reuters

Content Highlights: Volkswagen might have to cut production due to chip shortage


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
anas

2 min

പോയത് നാലുകോടി രൂപ; ജീവിതം അവസാനിപ്പിക്കുമെന്ന് പറഞ്ഞ് മുഖ്യമന്ത്രിക്ക് കത്തയച്ച് സംരംഭകന്‍

Oct 7, 2022


'ഷർട്ട് വാങ്ങാൻ 1500 രൂപ കൊടുത്തു, ലോണടയ്ക്കാൻ 1000 തിരികെ തന്നു'

Oct 6, 2022


06:50

വിമാനലോകത്തിലെ ഭീമന്‍, എയര്‍ബസ് A 380 സീരീസിന്  മരണമണി മുഴങ്ങുന്നു

Oct 6, 2022

Most Commented