സിനിമ കാണാന്‍ പ്രൊജക്ടര്‍, 400 കി.മീ. റേഞ്ച്; ഫോക്‌സ്‌വാഗണ്‍ ഐ.ഡി. ലൈഫ് ഇലക്ട്രിക് വരുന്നു


57 കിലോവാട്ട് അവര്‍ ശേഷിയുള്ള ഹൈ വോള്‍ട്ടേജ് ബാറ്ററിയായിരിക്കും ഐ.ഡി. ലൈഫില്‍ നല്‍കുക.

ഫോക്‌സ്‌വാഗൺ ഐ.ഡി. ലൈഫ് | Photo: Volkswagen AG

ലക്ട്രിക് കാറുകള്‍ നിരത്തുകളില്‍ സജീവമാക്കുക എന്ന വലിയ ലക്ഷ്യവുമായി ജര്‍മന്‍ വാഹന നിര്‍മാതാക്കളായ ഫോക്‌സ്‌വാഗണും രംഗത്തെത്തിയിരിക്കുകയാണ്. ന്യായമായ വിലയില്‍ ലഭ്യമാകുന്ന ഇലക്ട്രിക് വാഹനം എന്ന പ്രഖ്യാപനവുമായി ഫോക്‌സ്‌വാഗണിന്റെ ഐ.ഡി. ലൈഫ് എന്ന ഇലക്ട്രിക് കാര്‍ കണ്‍സെപ്റ്റ് മോഡല്‍ മ്യൂണിച്ച് ഐ.എ.എ. മൊബിലിറ്റി ഷോയില്‍ പ്രദര്‍ശിപ്പിച്ചു. നാല് വര്‍ഷത്തിനുള്ളില്‍ ഇലക്ട്രിക് വാഹനങ്ങള്‍ കൂടുതല്‍ വിപണിയില്‍ എത്തിക്കുകയാണ് കമ്പനിയുടെ ലക്ഷ്യം.

ചെറു കാറുകളുടെ ശ്രേണിയിലായിരിക്കും ഐ.ഡി. ലൈഫ് ഇലക്ട്രിക് വാഹനം എത്തുകയെന്നാണ് റിപ്പോര്‍ട്ട്. 20,000 യൂറോ (17.43 ലക്ഷം രൂപ) ആയിരിക്കും ഈ വാഹനത്തിന്റെ ഏകദേശ വിലയെന്നും സൂചനയുണ്ട്. 2030 ആകുന്നതോടെ ഫോക്‌സ്‌വാഗണിന്റെ യൂറോപ്പിലെ വാഹന വില്‍പ്പനയുടെ 70 ശതമാനവും നോര്‍ത്ത് അമേരിക്ക, ചൈന എന്നിവിടങ്ങളിലെ വില്‍പ്പനയുടെ 50 ശതമാനത്തോളവും ഇലക്ട്രിക് വാഹനങ്ങളാക്കി മാറ്റുകയാണ് ലക്ഷ്യമെന്നാണ് റിപ്പോര്‍ട്ട്.

ഫോക്‌സ്‌വാഗണിന്റെ എം.ഇ.ബി. എന്‍ട്രി ലെവല്‍ പ്ലാറ്റ്‌ഫോമിലാണ് ഇലക്ട്രിക് മോഡലായ ഐ.ഡി. ലൈഫും ഒരുങ്ങിയിട്ടുള്ളത്. ബോക്‌സി ഡിസൈനില്‍ ക്രോസ് ഓവര്‍ മാതൃകയിലാണ് രൂപകല്‍പ്പന ചെയ്തിട്ടുള്ളത്. റീസൈക്കിള്‍ ചെയ്യാന്‍ സാധിക്കുന്ന പ്ലാസ്റ്റിക് ഉള്‍പ്പെടെയുള്ള ഉപകരണങ്ങള്‍ കൊണ്ടാണ് ഈ വാഹനത്തിന്റെ എക്സ്റ്റീരിയര്‍ ഒരുക്കിയിട്ടുള്ളത്. ഇത് ഈ വാഹനത്തെ കൂടുതല്‍ പ്രകൃത സൗഹാര്‍ദമാക്കുന്നതിനൊപ്പം ഭാരം കുറയ്ക്കുന്നതിനും സഹായിക്കുന്നുണ്ട്.

Volkswagen ID Life
ഫോക്‌സ്‌വാഗണ്‍ ഐ.ഡി. ലൈഫ് | Photo: Volkswagen AG

നിരവധി ആഡംബര സംവിധാനങ്ങളോടെയാണ് ഈ വാഹനത്തിന്റെ ഇന്റീരിയര്‍ ഒരുങ്ങുന്നത്. വീഡിയോ ഗെയിം കണ്‍സോള്‍, സിനിമ ഉള്‍പ്പെടെയുള്ളവ പ്രദര്‍ശിപ്പിക്കാന്‍ സാധിക്കുന്ന പ്രൊജക്ടര്‍ സ്‌ക്രീന്‍ തുടങ്ങിയ സംവിധാനങ്ങള്‍ അകത്തളത്തിലെ ആഡംബരം വര്‍ധിപ്പിക്കും. പുതുമയുള്ള സ്റ്റിയറിങ്ങ് വീലും ഇതിന്റെ മധ്യത്തില്‍ സ്‌ക്രീനും നല്‍കുന്നത് സാങ്കേതിക തികവ് തെളിയിക്കുന്നതാണ്. സീറ്റുകളും മറ്റും ഏറെ പുതുമയുള്ളതായിരിക്കുമെന്നാണ് സൂചന.

57 കിലോവാട്ട് അവര്‍ ശേഷിയുള്ള ഹൈ വോള്‍ട്ടേജ് ബാറ്ററിയായിരിക്കും ഐ.ഡി. ലൈഫില്‍ നല്‍കുക. 231 ബി.എച്ച്.പി. പവറായിരിക്കും ഈ വാഹനം ഉത്പാദിപ്പിക്കുന്നത്. ഒറ്റത്തവണ ചാര്‍ജില്‍ 400 കിലോമീറ്റര്‍ വരെ സഞ്ചരിക്കാനുള്ള റേഞ്ച് ഈ വാഹനത്തില്‍ നല്‍കും. കേവലം ഏഴ് സെക്കന്റില്‍ പൂജ്യത്തില്‍ നിന്ന് 100 കിലോമീറ്റര്‍ വേഗത കൈവരിക്കാനും ഈ വാഹനത്തിന് സാധിക്കും. ഫ്രണ്ട് വീല്‍ ഡ്രൈവ്, റിയര്‍ വീല്‍ ഡ്രൈവ് പതിപ്പുകളില്‍ ഐ.ഡി. ലൈഫ് എത്തുമെന്നും വിവരമുണ്ട്.

Content Highlights: Volkswagen ID.LIFE concept car Unveiled

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022


satheesan-riyas

2 min

'കുതിരകയറാന്‍ നോക്കരുത്, തിരിച്ച് കിട്ടുമ്പോള്‍ കിടന്ന് മോങ്ങുന്നു'; സതീശനെതിരെ ആഞ്ഞടിച്ച് റിയാസ്

Aug 16, 2022

Most Commented