ജൈവ ഇന്ധന വാഹനം ഇറക്കിയേ പറ്റൂ; നിര്‍ദേശം നിയമമാകുന്നു


കെ.വി. രാജേഷ്

ഒരേ എന്‍ജിനില്‍ പല ഇന്ധനങ്ങള്‍ ഉപയോഗിക്കാവുന്ന സൗകര്യമാണ് വേണ്ടത്. ഇത്തരം എന്‍ജിനുകള്‍ അവതരിപ്പിക്കാന്‍ വാഹനക്കമ്പനികള്‍ സന്നദ്ധമാകണം.

പ്രതീകാത്മക ചിത്രം | ഫോട്ടോ: മാതൃഭൂമി

വാഹന നിര്‍മാതാക്കള്‍, പൂര്‍ണമായും ജൈവ ഇന്ധനം ഉപയോഗിച്ചോടുന്ന വാഹനങ്ങള്‍കൂടി പുറത്തിറക്കണമെന്ന് ആറു മാസത്തിനകം നിയമം കൊണ്ടുവരുമെന്ന് കേന്ദ്ര ഗതാഗത മന്ത്രി നിതിന്‍ ഗഡ്കരി. പെട്രോള്‍, ഡീസല്‍ വിലകള്‍ ഉയരുന്ന സാഹചര്യത്തില്‍ ഉപഭോക്താക്കള്‍ക്ക് ഇത് കൂടുതല്‍ ലാഭകരമായിരിക്കും.

പെട്രോളിന് 100 രൂപയ്ക്കു മുകളില്‍ ചെലവുവരുമ്പോള്‍ ജൈവ എഥനോളിന് 65 രൂപ മാത്രമാണ് വേണ്ടിവരുക. ജൈവ ഇന്ധനത്തിന് മലിനീകരണം താരതമ്യേന കുറവാണ്. മാത്രമല്ല, എണ്ണ ഇറക്കുമതിച്ചെലവ് കുറയ്ക്കാനും കഴിയുമെന്ന് അദ്ദേഹം അഭിപ്രായപ്പെട്ടു. ബ്രോക്കറേജ് കമ്പനിയായ ഇളാര കാപിറ്റല്‍ സംഘടിപ്പിച്ച ചടങ്ങില്‍ പങ്കെടുക്കുകയായിരുന്നു മന്ത്രി.

ഒരേ എന്‍ജിനില്‍ പല ഇന്ധനങ്ങള്‍ ഉപയോഗിക്കാവുന്ന സൗകര്യമാണ് വേണ്ടത്. ഇത്തരം എന്‍ജിനുകള്‍ അവതരിപ്പിക്കാന്‍ വാഹനക്കമ്പനികള്‍ സന്നദ്ധമാകണം. ഇതിന് ആറുമാസത്തിനകം നിയമം കൊണ്ടുവരാനാണ് ആലോചന. പെട്രോളും ഡീസലും വില്‍ക്കുന്ന അതേ രീതിയില്‍ ജൈവ ഇന്ധനം ലഭ്യമാക്കന്‍ എണ്ണ വിപണന കമ്പനികള്‍ക്ക് നിര്‍ദേശം നല്‍കിക്കഴിഞ്ഞു.

ഇതുവഴി ഉപഭോക്താക്കള്‍ക്ക് വാഹനങ്ങളില്‍ പെട്രോള്‍, ബയോ എഥനോള്‍ എന്നിവ ഇഷ്ടാനുസരണം തിരഞ്ഞെടുത്ത് ഉപയോഗിക്കാനാകും. പല വിളകള്‍ക്കും കര്‍ഷകര്‍ക്കു നല്‍കുന്ന താങ്ങുവില വിപണി വിലയെക്കാള്‍ കൂടുതലാണിപ്പോള്‍. അരി, ചോളം, പഞ്ചസാര തുടങ്ങിയവയുടെ നീക്കിയിരിപ്പ് എഥനോള്‍ ഉത്പാദിപ്പിക്കാന്‍ ഉപയോഗിക്കാം. ഇത് കര്‍ഷകര്‍ക്ക് കൂടുതല്‍ വില ലഭിക്കാനും രാജ്യപുരോഗതിക്കും പ്രയോജനപ്പെടും.

വൈദ്യുതവാഹന മേഖലയും മെച്ചപ്പെടുന്നുണ്ട്. ഒരു വര്‍ഷത്തിനകം രാജ്യത്ത് വൈദ്യുത വാഹനങ്ങളുടെ സാന്ദ്രത കൂടിവരും. അഞ്ചുവര്‍ഷംകൊണ്ട് വിവിധ ഇന്ധനങ്ങള്‍ ഉപയോഗിക്കുന്ന വാഹനങ്ങളുടെ നിര്‍മാണ ഹബ്ബായി രാജ്യത്തെ മാറ്റണമെന്നാണ് ആഗ്രഹമെന്നും ഗഡ്കരി പറഞ്ഞു. ഹൈഡ്രജന്‍ ഇന്ധനമായി ഉപയോഗിക്കുന്നതിനുള്ള ശ്രമങ്ങളും ശക്തമാക്കിയിട്ടുണ്ട്. കടല്‍ജലത്തില്‍നിന്നും മലിനജലത്തില്‍നിന്നും ഇതിനായുള്ള ഹൈഡ്രജന്‍ വേര്‍തിരിച്ചെടുക്കാനാകുമെന്നും മന്ത്രി പറഞ്ഞു.

Content Highlights: Vehicle Companies Should Make Bio Fuel Vehicles; Says Nitin Gadkari

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kt jaleel

1 min

പാക് അധീന കശ്മീരിനെ ആസാദ് കശ്മീർ എന്നു വിശേഷിപ്പിച്ച് ജലീൽ; പരാമർശം വൻവിവാദം

Aug 12, 2022


mv govindan

കേരളത്തിലെ കറിപൗഡറുകളെല്ലാം വ്യാജം, വിഷം - മന്ത്രി എം.വി. ഗോവിന്ദന്‍

Aug 11, 2022


Eknath Shinde

1 min

കോടിപതികള്‍, ശ്രീലങ്കയില്‍നിന്ന് ഡോക്ടറേറ്റ്; ഷിന്ദേ മന്ത്രിസഭയില്‍ 75%പേരും ക്രിമിനല്‍ കേസുള്ളവര്‍

Aug 11, 2022

Most Commented