പുതുവര്‍ഷത്തില്‍ നല്ല തുടക്കവുമായി ടൊയോട്ട; ജനുവരിയില്‍ നേടിയത്‌ സ്വപ്‌നതുല്യമായ വളര്‍ച്ച


കഴിഞ്ഞ അഞ്ച് മാസത്തിനുള്ളില്‍ മൂന്ന് പുതിയ മോഡലുകളാണ് ടൊയോട്ട ഇന്ത്യയില്‍ എത്തിച്ചിട്ടുള്ളത്.

ടൊയോട്ട ഫോർച്യൂണർ | Photo: Toyota Bharat

2020 ഏല്‍പ്പിച്ച ആഘാതത്തില്‍നിന്ന് തിരിച്ച് കയറുകയാണ് ഇന്ത്യയിലെ വാഹന മേഖല. 2021-ല്‍ ഇന്ത്യയില്‍ മികച്ച തുടക്കം റിപ്പോര്‍ട്ട് ചെയ്തിരിക്കുകയാണ് ജാപ്പനീസ് വാഹന നിര്‍മാതാക്കളായ ടൊയോട്ട. ജനുവരിയിലെ വില്‍പ്പനയില്‍ കഴിഞ്ഞ വര്‍ഷത്തെ അപേക്ഷിച്ച് 92 ശതമാനത്തിന്റെ കുതിപ്പാണ് ടൊയോട്ട റിപ്പോര്‍ട്ട് ചെയ്തിരിക്കുന്നത്. 2020 ജനുവരിയില്‍ 5804 വാഹനങ്ങള്‍ വിറ്റഴിച്ചപ്പോള്‍ ഈ ജനുവരിയില്‍ ഇത് 11,126 എണ്ണമായി ഉയര്‍ന്നു.

പ്രതിമാസ വില്‍പ്പനയില്‍ നേട്ടമുണ്ടായിട്ടുണ്ടെന്നാണ് ടൊയോട്ട അറിയിച്ചിരിക്കുന്നത്. ഇന്ത്യയിലെ പ്രധാന ഉത്സവ സീസണുകള്‍ ആയിരുന്ന നവംബര്‍, ഡിസംബര്‍ മാസങ്ങളില്‍ യഥാക്രമം 8508 യൂണിറ്റും 7487 യൂണിറ്റുമായിരുന്നു വില്‍പ്പന. ഇതോടെ പ്രതിമാസ വില്‍പ്പനയില്‍ 32 ശതമാനത്തിന്റെ ഉയര്‍ച്ച ഉണ്ടായിട്ടുണ്ടെന്നാണ് റിപ്പോര്‍ട്ട്.

കഴിഞ്ഞ അഞ്ച് മാസത്തിനുള്ളില്‍ മൂന്ന് പുതിയ മോഡലുകളാണ് ടൊയോട്ട ഇന്ത്യയില്‍ എത്തിച്ചിട്ടുള്ളത്. മാരുതി ബ്രെസയുടെ റീബാഡ്ജിങ്ങ് പതിപ്പായ ടൊയോട്ട അര്‍ബണ്‍ ക്രൂയിസര്‍, എം.പി.വി. മോഡലായ ഇന്നോവ ക്രിസ്റ്റയുടെ മുഖം മിനുക്കിയ മോഡല്‍, പ്രീമിയം എസ്.യു.വിയായ ഫോര്‍ച്യൂണറിന്റെ പുതിയ പതിപ്പ് എന്നിവയാണ് ടൊയോട്ട അടുത്തിടെ എത്തിച്ചിട്ടുള്ള വാഹനങ്ങള്‍. ഇവ വില്‍പ്പനയ്ക്ക് മുതല്‍ കൂട്ടായിട്ടുണ്ടെന്നാണ് വിലയിരുത്തലുകള്‍.

പുതുവര്‍ഷം നല്ല തുടക്കമാണ് ഞങ്ങള്‍ക്ക് ലഭിച്ചിട്ടുള്ളത്. ഇത് മുന്നോട്ടുള്ള കുതിപ്പിന് ആത്മവിശ്വാസം പകരുന്നതാണ്. പുതിയ മോഡലുകളുടെ അവതരണത്തോടെ ബുക്കിങ്ങിലും വില്‍പ്പനയിലും അനുകൂല പ്രതികരണമാണ് ലഭിച്ചിരിക്കുന്നത്. അതത് സെഗ്മെന്റുകളിലെ ടോപ്പ് സെല്ലിങ്ങ് മോഡലുകളായ ഇന്നോവ ക്രിസ്റ്റ, ഫോര്‍ച്യൂണര്‍ എന്നിവയുടെ പുതിയ മോഡല്‍ വരും മാസങ്ങളില്‍ മികച്ച പ്രകടനം നല്‍കുമെന്നും ടൊയോട്ട കിര്‍ലോസ്‌കര്‍ മേധാവി അഭിപ്രായപ്പെട്ടു.

ടോയോട്ട-സുസുക്കി കൂട്ടുക്കെട്ടില്‍ ഇന്ത്യയില്‍ എത്തിച്ചിട്ടുള്ള ഗ്ലാന്‍സ, അര്‍ബണ്‍ ക്രൂയിസര്‍ എന്നീ വാഹനങ്ങളുടെ വില്‍പ്പന 50,000 എന്ന നാഴികക്കല്ല് താണ്ടിയിട്ടുണ്ട്. ഗ്ലാന്‍സ 2019-ലും അര്‍ബണ്‍ ക്രൂയിസര്‍ 2020-ലുമാണ് ഇന്ത്യയില്‍ അവതരിപ്പിച്ചത്. അതത് സെഗ്മെന്റില്‍ കരുത്ത് തെളിയിച്ചിട്ടുള്ള ഈ വാഹനങ്ങള്‍ ടൊയോട്ടയ്ക്ക് പുതിയ ഉപയോക്താക്കളെ നേടി നല്‍കുന്നതില്‍ സുപ്രധാന പങ്കുവഹിച്ചിട്ടുണ്ടെന്നും ടൊയോട്ട അറിയിച്ചു.

Content Highlights: Toyota Kirloskar Motor registers 92% growth in domestic sales in January 2021

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
satheesan

രാഹുലിന്റെ ഓഫീസിലെ ഗാന്ധി ചിത്രത്തെക്കുറിച്ച്‌ ചോദ്യം; മര്യാദക്കിരുന്നോണം, ഇറക്കിവിടുമെന്ന് സതീശന്‍

Jun 25, 2022


supreme court

1 min

ഗുജറാത്ത് കലാപം: എ.സി. മുറിയിലിരിക്കുന്നവര്‍ക്ക് യാഥാര്‍ഥ്യമറിയില്ല - സുപ്രീംകോടതി

Jun 25, 2022


Gautam adani

1 min

60,000 കോടി രൂപ ജീവകാരുണ്യ പ്രവർത്തനങ്ങൾക്ക്; ഗൗതം അദാനിയുടെ അറുപതാം പിറന്നാള്‍ സമ്മാനം

Jun 24, 2022

Most Commented