ടൊയോട്ട കാറുകള്‍ക്ക് ഇനി പുതിയ വില; ഗ്ലാന്‍സ മുതല്‍ വെല്‍ഫയര്‍ വരെയുള്ള മോഡലിന് വില ഉയരും


ഗ്ലാന്‍സ, യാരിസ്, അര്‍ബന്‍ ക്രൂയിസര്‍, ഇന്നോവ ക്രിസ്റ്റ, ഫോര്‍ച്യൂണര്‍, കാംറി, വെല്‍ഫയര്‍ എന്നീ വാഹനങ്ങളാണ് ടൊയോട്ട ഇന്ത്യയില്‍ എത്തിക്കുന്നത്.

ടൊയോട്ട ഫോർച്യൂണർ | Photo: Toyota Bharat

പുതിയ സാമ്പത്തിക വര്‍ഷം ആരംഭിക്കുന്നതിന്റെ ഭാഗമായി ഏപ്രില്‍ മാസങ്ങളില്‍ വാഹനങ്ങളുടെ വില വര്‍ധിക്കുന്നത് സാധാരണ സംഭവമാണ്. ഈ പതിവ് തെറ്റാതെ ഈ വര്‍ഷം വില വര്‍ധനവ് പ്രഖ്യാപിച്ചിരിക്കുകയാണ് ടൊയോട്ട കിര്‍ലോസ്‌കര്‍. ടൊയോട്ടയുടെ വാഹന നിരയിലെ എല്ലാ മോഡലിനും ഏപ്രില്‍ ഒന്ന് മുതല്‍ വില വര്‍ധിക്കുമെന്നാണ് നിര്‍മാതാക്കള്‍ അറിയിച്ചിരിക്കുന്നത്. വര്‍ധിക്കുന്ന നിരക്ക് പിന്നാലെ അറിയിക്കുമെന്നാണ് സൂചന.

വാഹനങ്ങളുടെ നിര്‍മാണ സാമഗ്രികളുടെ വില ഗണ്യമായി വര്‍ധിച്ചതിനെ തുടര്‍ന്നാണ് വില ഉയര്‍ത്താന്‍ കമ്പനി നിര്‍ബന്ധിതമായിരിക്കുന്നത്. എന്നാല്‍, നിര്‍മാണ സാമഗ്രികളുടെ വില വര്‍ധിച്ചതിന്റെ ചെറിയ ഒരു ശതമാനം മാത്രമാണ് വില വര്‍ധനവില്‍ പ്രതിഫലിക്കുന്നുള്ളൂവെന്ന് ടൊയോട്ട കിര്‍ലോസ്‌കര്‍ അറിയിച്ചു. വാഹനങ്ങളുമായി ബന്ധപ്പെട്ട മറ്റ് ചെലവുകള്‍ കുറയ്ക്കാന്‍ ടൊയോട്ട പ്രതിജ്ഞാബദ്ധമാണെന്നും നിര്‍മാതാക്കള്‍ അറിയിച്ചു.

ടൊയോട്ട ഗ്ലാന്‍സ, യാരിസ്, അര്‍ബന്‍ ക്രൂയിസര്‍, ഇന്നോവ ക്രിസ്റ്റ, ഫോര്‍ച്യൂണര്‍, കാംറി, വെല്‍ഫയര്‍ എന്നീ വാഹനങ്ങളാണ് ടൊയോട്ട ഇന്ത്യന്‍ വിപണിയില്‍ എത്തിക്കുന്നത്. ഈ വാഹനങ്ങളുടെ വിലയ്ക്ക് ആനുപാതികമായ നേരിയ ശതമാനം വര്‍ധനവായിരിക്കും പ്രഖ്യാപിക്കുകയെന്നാണ് റിപ്പോര്‍ട്ട്. കൂടുന്ന ശതമാനവും പുതിയ വിലയും ഏപ്രില്‍ ആദ്യത്തോടെ തന്നെ ടൊയോട്ട വെളിപ്പെടുത്തുമെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.

ടൊയോട്ടയ്ക്ക് പുറമെ, നിര്‍മാണ ചെലവ് ഉയര്‍ന്നത് ചൂണ്ടിക്കാട്ടി മറ്റ് വാഹന നിര്‍മാതാക്കളും വില വര്‍ധനവ് പ്രഖ്യാപിച്ചിട്ടുണ്ട്. മാരുതി സുസുക്കി, റെനോ, ഡാറ്റ്‌സണ്‍, നിസാന്‍ ഇസുസു തുടങ്ങിയ കാര്‍ നിര്‍മാതാക്കളാണ് പ്രധാനമായും വില വര്‍ധിക്കുമെന്ന് അറിയിച്ചിരിക്കുന്നത്. റോയല്‍ എന്‍ഫീല്‍ഡ്, ഹീറോ മോട്ടോകോര്‍പ്പ്, ഹോണ്ട ടൂവീലേഴ്‌സ് തുടങ്ങിയ ഇരുചക്ര വാഹന നിര്‍മാതാക്കളും വില വര്‍ധിപ്പിച്ചേക്കുമെന്നാണ് സൂചനകള്‍.

Content Highlights: Toyota Announce Price Hike Across Its Model

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
satheesan-riyas

2 min

'കുതിരകയറാന്‍ നോക്കരുത്, തിരിച്ച് കിട്ടുമ്പോള്‍ കിടന്ന് മോങ്ങുന്നു'; സതീശനെതിരെ ആഞ്ഞടിച്ച് റിയാസ്

Aug 16, 2022


04:45

റുഷ്ദിയിലേയ്ക്കു മാത്രമല്ല, പരിഭാഷകരിലേയ്ക്കും നീണ്ട പതിറ്റാണ്ടിന്റെ പക

Aug 16, 2022


shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022

Most Commented