അടിച്ച് ഫിറ്റായി ഓട്ടോപൈലറ്റ് മോഡില്‍ ഡ്രൈവിങ്ങ്, അപകടം; ടെസ്‌ലക്കെതിരേ കേസെടുത്ത് പോലീസ്


അമേരിക്കയിലെ ടെക്‌സസിലാണ് അഞ്ച് പോലീസ് ഉദ്യോഗസ്ഥര്‍ ടെസ്‌ലയ്‌ക്കെതിരേ നടപടി ആവശ്യപ്പെട്ടിരിക്കുന്നത്.

ടെസ്‌ല മോഡൽ X | Photo: Tesla

ലോകത്തിലെ ഏറ്റവും വലിയ ഇലക്ട്രിക് വാഹന നിര്‍മാതാക്കളായ ടെസ്‌ലയുടെ ഓട്ടോപൈലറ്റ് സാങ്കേതികവിദ്യക്കെതിരേ നിരവധി വിമര്‍ശനങ്ങളാണ് പലപ്പോഴായി ഉയര്‍ന്ന് വന്നിട്ടുള്ളത്. ഓട്ടോപൈലറ്റ് മോഡില്‍ സഞ്ചരിക്കുന്ന വാഹനങ്ങള്‍ പലപ്പോഴും അപകടമുണ്ടാക്കുന്നതാണ് വിമര്‍ശനങ്ങള്‍ക്ക് വഴിവയ്ക്കുന്നത്. ഓട്ടോപൈലറ്റ് സാങ്കേതികവിദ്യയിലെ പോരായ്മ ചൂണ്ടിക്കാട്ടി ഏറ്റവുമൊടുവില്‍ രംഗത്തെത്തിയിരിക്കുന്നത് അമേരിക്കയിലെ ഏതാനും പോലീസ് ഉദ്യോഗസ്ഥരാണ്.

അമിതമായി മദ്യപിച്ച് ടെസ്‌ലയുടെ മോഡല്‍ X എന്ന വാഹനം ഓട്ടോപൈലറ്റ് മോഡില്‍ ഓടിച്ചുണ്ടായ അപകടത്തിലാണ് പോലീസ് ഉദ്യോഗസ്ഥര്‍ നിര്‍മാതാക്കളായ ടെസ്‌ലയ്ക്ക് എതിരേ കേസെടുത്തിരിക്കുന്നത്. അമേരിക്കയിലെ ടെക്‌സസിലാണ് അഞ്ച് പോലീസ് ഉദ്യോഗസ്ഥര്‍ ടെസ്‌ലയ്‌ക്കെതിരേ നടപടി ആവശ്യപ്പെട്ടിരിക്കുന്നത്. ഇതിനുപുറമെ, കാറിന്റെ ഡ്രൈവറിന് അമിതമായി മദ്യം നല്‍കിയതിന് ഹോട്ടല്‍ ഉടമയ്‌ക്കെതിരേയും പോലീസ് കേസെടുത്തിട്ടുണ്ട്.

2021 ഫെബ്രുവരി 27-നാണ് സംഭവം. ടെക്‌സസിലെ ഈസ്റ്റെക്‌സ് ഫ്രീവേയില്‍ ട്രാഫിക് നിയന്ത്രണത്തിലുണ്ടായിരുന്ന അഞ്ച് പോലീസ് ഉദ്യോഗസ്ഥരെയാണ് ടെസ്‌ലയുടെ മോഡല്‍ X ഇടിച്ചിട്ടത്. അപകട സമയത്ത് വാഹനം ഓടിച്ചിരുന്നയാള്‍ അമിതമായി മദ്യപിച്ചിരുന്നെന്നും ഇതിനൊപ്പം വാഹനം ഓട്ടോപൈലറ്റ് മോഡില്‍ ആയിരുന്നെന്നുമാണ് പോലീസ് ആരോപിക്കുന്നത്. അപകടത്തില്‍ അഞ്ച് പോലീസ് ഉദ്യോഗസ്ഥര്‍ക്കും സാരമായി പരിക്കേറ്റിരുന്നു.

ടെസ്‌ല ഒരുക്കിയിട്ടുള്ള സുരക്ഷ സംവിധാനമായാണ് ഓട്ടോപൈലറ്റ് സംവിധാനത്തെ വിശേഷിപ്പിക്കുന്നത്. എന്നാല്‍, എമര്‍ജന്‍സി വാഹനങ്ങള്‍ തിരിച്ചറിയുന്നതില്‍ ഓട്ടോപൈലറ്റ് സംവിധാനം പരാജയമാണെന്നാണ് പോലീസിന്റെ വിമര്‍ശനം. എന്നാല്‍, ഓട്ടോപൈലറ്റ് മോഡിലും ഡ്രൈവറിന്റെ കൈ സ്റ്റിയറിങ്ങില്‍ വേണമെന്നാണ് ടെസ്‌ല നിര്‍ദേശിക്കുന്നത്. അതുകൊണ്ട് തന്നെ ഈ അപകടം ടെസ്‌ലയുടെ സംവിധാനത്തിന്റെ വീഴ്ചയായി കണക്കാക്കാന്‍ സാധിക്കില്ലെന്നും വിലയിരുത്തലുണ്ട്.

ഡ്രൈവറിന് അമിതമായി മദ്യം നല്‍കിയതിനാണ് ഹോട്ടലിനെതിരേ കേസെടുത്തിരിക്കുന്നത്. അപകടമുണ്ടായ സമയം ഡ്രൈവര്‍ മദ്യലഹരിയില്‍ ആയിരുന്നെന്നാണ് പോലീസ് ഭാഷ്യം. ഓട്ടോപൈലറ്റ് മോഡല്‍ ടെസ്‌ലയുടെ വാഹനങ്ങള്‍ക്ക് ഉണ്ടായിട്ടുള്ള എല്ലാ അപകടങ്ങളും അന്വേഷിക്കണമെന്നാണ് പോലീസ് ഉദ്യോഗസ്ഥരുടെ ആവശ്യം. ഹോട്ടല്‍ ഉടമയില്‍ നിന്നും ടെസ്‌ലയില്‍ നിന്നുമായി 20 മില്ല്യണ്‍ ഡോളറിന്റെ നഷ്ടപരിഹാരം ലഭിക്കണമെന്നാണ് പോലീസ് ആവശ്യപ്പെട്ടിരിക്കുന്നത്.

Source: Car and Bike

Content Highlights: Tesla Sued By Injured Cops After Model X On AutoPilot Crashed

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

11:39

ആണോ പെണ്ണോ എന്ന് തിരിച്ചറിയാന്‍ കഴിയാത്ത മൃതദേഹം; കേരളത്തിന് പുറത്തെ ഓപ്പറേഷന്‍ | ദേവസ്യ സ്പീക്കിങ്

Aug 4, 2022


dr mk muneer

1 min

ലിംഗസമത്വമെങ്കില്‍ ആണ്‍കുട്ടിയുമായി പുരുഷന്‍ ബന്ധപ്പെട്ടാല്‍ പോക്‌സോ എടുക്കുന്നതെന്തിന്- M.K. മുനീർ

Aug 18, 2022


06:18

നിവേദ്യം കള്ള്, നേര്‍ച്ചയായി കിട്ടിയത് 101 കുപ്പി ഓള്‍ഡ് മങ്ക് റം; കേരളത്തിലെ ഏക ദുര്യോധന ക്ഷേത്രം

Mar 26, 2022

Most Commented