ടെസ്‌ലയുടെ ഇലക്ട്രിക് വിപ്ലവം ഇന്ത്യയിലേക്ക്; ബുക്കിങ്ങ് ഉടന്‍, ജൂണ്‍ മുതല്‍ നിരത്തുകളിലെത്തും


'മോഡല്‍ 3' ആയിരിക്കും കമ്പനി ഇന്ത്യന്‍ വിപണിയില്‍ അവതരിപ്പിക്കുന്ന ആദ്യ ഇലക്ട്രിക് കാര്‍.

പ്രതീകാത്മക ചിത്രം | Photo: Tesla Inc

വൈദ്യുത വാഹന രംഗത്ത് ചുരുങ്ങിയ കാലം കൊണ്ട് വിപ്ലവം സൃഷ്ടിച്ച അമേരിക്കന്‍ കമ്പനി ടെസ്ല 2021-ല്‍ ഇന്ത്യയില്‍ പ്രവര്‍ത്തനം ആരംഭിക്കും. കേന്ദ്രമന്ത്രി നിതിന്‍ ഗഡ്കരി ഇക്കാര്യം സ്ഥിരീകരിച്ചിട്ടുണ്ട്. 2021 ആദ്യം ഇന്ത്യയില്‍ ടെസ്ല കാറുകളുടെ ബുക്കിങ് തുടങ്ങുകയും ജൂണോടെ ഡെലിവറി ആരംഭിക്കുകയും ചെയ്യുമെന്നാണ് റിപ്പോര്‍ട്ടുകള്‍ വ്യക്തമാക്കുന്നത്.

'മോഡല്‍ 3' ആയിരിക്കും കമ്പനി ഇന്ത്യന്‍ വിപണിയില്‍ അവതരിപ്പിക്കുന്ന ആദ്യ ഇലക്ട്രിക് കാര്‍. തുടക്കത്തില്‍ ഇറക്കുമതി ചെയ്തായിരിക്കും ഇത് ഇന്ത്യന്‍ വിപണിയില്‍ വില്‍ക്കുക. ഏതാണ്ട് 55 ലക്ഷം രൂപയ്ക്കടുത്തായിരിക്കും വില. മറ്റു വിപണികളിലേതിനു സമാനമായി കമ്പനി നേരിട്ടുതന്നെയായിരിക്കും ഇന്ത്യയിലും വില്പന നിര്‍വഹിക്കുക.

2021-ല്‍ ഇന്ത്യന്‍ വിപണിയില്‍ പ്രവേശിക്കുമെന്ന് ടെസ്ല ചീഫ് എക്‌സിക്യുട്ടീവ് ഓഫീസര്‍ ഇലോണ്‍ മസ്‌ക് ഈ വര്‍ഷം ആദ്യം സൂചന നല്‍കിയിരുന്നു. ഇന്ത്യക്ക് ടെസ്ലയെ ആവശ്യമാണെന്ന ഒരു ട്വിറ്റര്‍ സന്ദേശത്തിനു മറുപടിയായി അടുത്ത വര്‍ഷം ഉറപ്പെന്ന് ഇലോണ്‍ മസ്‌ക് കുറിച്ചിരുന്നു.

ഇന്ത്യന്‍ വിപണിയില്‍ പ്രവേശിക്കാനായി കഴിഞ്ഞ ഏതാനും വര്‍ഷങ്ങളായി ടെസ്ലയും ഇലോണ്‍ മസ്‌കും ശ്രമിച്ചുവരികയായിരുന്നു. ഇന്ത്യയിലെ ഉപഭോക്താക്കളില്‍നിന്ന് ഇതിന്റെ ഭാഗമായി 1,000 ഡോളര്‍ വീതം സമാഹരിച്ചിരുന്നു. എന്നാല്‍, അവര്‍ക്ക് ഇനിയും കാര്‍ ലഭിച്ചിട്ടില്ല. അടുത്ത വര്‍ഷം ഇന്ത്യന്‍ വിപണിയില്‍ എത്തുമ്പോള്‍ ഇവര്‍ക്കായിരിക്കും ആദ്യ പരിഗണന.

ആദ്യ ഘട്ടത്തില്‍ ഇറക്കുമതി ചെയ്താണ് വില്പനയെങ്കിലും പിന്നീട് ഇന്ത്യയില്‍ നിര്‍മാണം തുടങ്ങിയേക്കും. അടുത്ത അഞ്ചു വര്‍ഷത്തിനുള്ളില്‍ ലോകത്തിലെ നമ്പര്‍ വണ്‍ വാഹന നിര്‍മാണ ഹബ്ബായി ഇന്ത്യ മാറുമെന്ന് കേന്ദ്രമന്ത്രി നിതിന്‍ ഗഡ്കരി അവകാശപ്പെട്ടിട്ടുണ്ട്.

Content Highlights: Tesla Enter To India In Early 2021 Says Nitin Gadkari

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
poornima indrajith

'ഓക്കേ അല്ലേ..ഇതു പെര്‍ഫെക്റ്റ് ആണ്'; വീട് നിര്‍മാണത്തിനിടെ ഭിത്തി തേച്ച് പൂര്‍ണിമ

May 16, 2022


Dileep, sharath

1 min

ദിലീപിന്റെ സുഹൃത്ത് ശരതിനെ അറസ്റ്റ് ചെയ്ത് ജാമ്യത്തിൽ വിട്ടു; നടിയെ ആക്രമിച്ച കേസിലെ 'വിഐപി'

May 16, 2022


ira khan

1 min

'വെറുപ്പും ട്രോളും കഴിഞ്ഞെങ്കില്‍ ഇതുംകൂടി ഇരിക്കട്ടെ'; കൂടുതല്‍ ബിക്കിനി ചിത്രങ്ങളുമായി ഇറാ ഖാന്‍

May 16, 2022

More from this section




Most Commented