നിര്‍മാണം പൂര്‍ത്തിയാക്കി ടാറ്റയുടെ കുഞ്ഞന്‍ എസ്‌യുവി; ഉത്സവ സീസണിലെത്തും


ടാറ്റയുടെ ആല്‍ഫ പ്ലാറ്റ്ഫോമില്‍ ഇംപാക്ട് 2.0 ഡിസൈന്‍ ലാങ്വേജില്‍ ഒരുങ്ങിയിട്ടുള്ള വാഹനമാണ് HBX.

-

ക്കഴിഞ്ഞ ഡല്‍ഹി ഓട്ടോ എക്‌സ്‌പോയില്‍ ടാറ്റയുടെ പവലിയനിലേക്ക് ആളുകള്‍ ഒഴുകിയെത്തിയത് രണ്ട് കണ്‍സെപ്റ്റുകളെ നേരിട്ട് കാണാനാണ്. അതിലൊന്ന് ടാറ്റയുടെ ഐതിഹാസിക മോഡലായിരുന്ന സിയറയും മറ്റൊന്ന് മിനി എസ്‌യുവി കണ്‍സെപ്റ്റായ HBX-മായിരിരുന്നു. സിയറയുടെ വരവ് സംബന്ധിച്ച് വ്യക്തതയില്ലെങ്കിലും HBX വരവിനുള്ള ഒരുക്കങ്ങള്‍ പൂര്‍ത്തിയാക്കിയതായാണ് സൂചന.

സെപ്റ്റംബര്‍ ഒക്ടോബര്‍ മാസങ്ങളിലെ ഉത്സവ സീസണിലെ അതിഥിയായി ഈ വാഹനം എത്തുമെന്നാണ് വിവരം. ടാറ്റയുടെ ആല്‍ഫ പ്ലാറ്റ്ഫോമില്‍ ഇംപാക്ട് 2.0 ഡിസൈന്‍ ലാങ്വേജില്‍ ഒരുങ്ങിയിട്ടുള്ള വാഹനമാണ് HBX. കണ്‍സെപ്റ്റ് മോഡലില്‍ കാര്യമായ ഡിസൈനില്‍ മാറ്റം വരുത്താതെയായിരിക്കും HBX പ്രൊഡക്ഷന്‍ പതിപ്പ് നിരത്തിലെത്തിക്കുകയെന്നാണ് ടാറ്റ ഉറപ്പുനല്‍കുന്നത്.

വലിയ എസ്യുവിയുടെ തലയെടുപ്പാണ് ഈ വാഹനത്തിനുള്ളത്. നെക്സോണില്‍ നിന്നും ഹാരിയറില്‍ നിന്നും കടമെടുത്തതാണ് മുന്‍വശം. നേര്‍ത്ത ഡിആര്‍എല്‍, സ്പ്ലിറ്റ് ഹെഡ്ലാമ്പ്, ഡ്യുവല്‍ ടോണ്‍ ബമ്പര്‍, വലിയ സ്‌കിഡ് പ്ലേറ്റ് എന്നിവയിലാണ് ഈ മിനി എസ്യുവിയുടെ മുന്‍വശം ഒരുങ്ങിയിട്ടുള്ളത്.

ബ്ലാക്ക് ഫിനീഷ് ക്ലാഡിങ്ങ്, അലോയി വീല്‍, ബ്ലാക്ക് ബി പില്ലര്‍, എന്നിവ വശങ്ങളെയും വശങ്ങളിലേക്ക് നീളുന്ന ടെയ്ല്‍ ലാമ്പും സ്‌കിഡ് പ്ലേറ്റ് നല്‍കിയുള്ള ഡ്യുല്‍ ടോണ്‍ ബമ്പറും, റൂഫ് റെയിലും പിന്‍വശത്തെയും കൂടുതല്‍ ആകര്‍ഷകമാക്കുന്നുണ്ട്. കണ്‍സെപ്റ്റ് മോഡലില്‍ ഡ്യുവല്‍ ടോണ്‍ റൂഫും ക്യാരിയറും നല്‍കിയിട്ടുണ്ട്.

സെഗ്മെന്റ് ഫസ്റ്റ് ഫീച്ചറുകളുള്ള ഇന്റീരിയറാണ് HBX-ല്‍ ഉള്ളത്. ഫ്ളോട്ടിങ്ങ് ഇന്‍ഫോടെയ്ന്‍മെന്റ് സിസ്റ്റം, ഡിജിറ്റല്‍ ഇന്‍സ്ട്രുമെന്റ് കണ്‍സോള്‍, മള്‍ട്ടി ഫങ്ഷന്‍ സ്റ്റിയറിങ്ങ് വീല്‍, ഓട്ടോമാറ്റിക് ക്ലൈമറ്റ് കണ്‍ട്രോള്‍, ഹൈറ്റ് അഡ്ജസ്റ്റ് ഡ്രൈവിങ്ങ് സീറ്റ്, ഇലക്ട്രിക് പവര്‍ സ്റ്റിയറിങ്ങ് എന്നിവ ഇന്റീരിയറിനെ സമ്പന്നമാക്കുന്നു.

1.2 ലിറ്റര്‍ പെട്രോള്‍ എന്‍ജിനിലായിരിക്കും ഈ വാഹനം ഒരുങ്ങുക. 85 പിഎസ് പവറും 114 എന്‍എം ടോര്‍ക്കുമാണ് എന്‍ജിന്‍ ഉത്പാദിപ്പിക്കുന്നത്. അഞ്ച് സ്പീഡ് മാനുവല്‍ എഎംടി ട്രാന്‍സ്മിഷനുകളില്‍ ഈ വാഹനം നിരത്തിലെത്തുമെന്നാണ് ടാറ്റ അറിയിച്ചിരിക്കുന്നത്.

Content Highlights: Tata Small SUV HBX To Be Launch In Festive Season

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
penis plant

1 min

ലിംഗത്തിന്റെ രൂപമുള്ള ചെടി നശിപ്പിച്ച് ടൂറിസ്റ്റുകള്‍; പ്രതിഷേധിച്ച് കംബോഡിയന്‍ സര്‍ക്കാര്‍

May 21, 2022


Sajjanar

5 min

നായകനില്‍നിന്ന് വില്ലനിലേക്ക്‌; പോലീസ് വാദങ്ങള്‍ ഒന്നൊന്നായി പൊളിഞ്ഞു, വ്യാജ ഏറ്റുമുട്ടല്‍ എന്തിന്?

May 21, 2022


modi

5 min

ലോകത്തെ മുഴുവൻ ഊട്ടുമെന്ന് പ്രഖ്യാപനം,തിരുത്തല്‍; ഗോതമ്പിൽ മോദി ട്രാക്ക് മാറ്റിയതെന്തിന്?

May 20, 2022

More from this section




Most Commented