ടാറ്റ എച്ച്.ബി.എക്‌സ് | Photo: MotorBeam
ഇന്ത്യന്‍ നിരത്തുകള്‍ക്കായി ടാറ്റ മോട്ടോഴ്‌സ് പുതിയ മിനി എസ്.യു.വി. ഒരുക്കുന്നത് രഹസ്യമല്ല. എന്നാല്‍, ഈ വാഹനത്തിന്റെ രൂപവും ഡിസൈനും സംബന്ധിച്ച് കൂടുതല്‍ വിവരങ്ങളൊന്നും ടാറ്റ മോട്ടോഴ്‌സ് പുറത്തുവിട്ടിരുന്നില്ല. ഓട്ടോ എക്‌സ്‌പോയില്‍ പ്രദര്‍ശിപ്പിച്ച കണ്‍സെപ്റ്റിനോട് നീതി പുലര്‍ത്തിയായിരിക്കും ഈ വാഹനമെത്തുക എന്ന ഉറപ്പും പരീക്ഷണയോട്ടത്തിലെ ചിത്രങ്ങളുമാണ് ഈ വാഹനത്തെ കുറിച്ചുള്ള അറിവ്.
ടാറ്റ HBX എന്ന കോഡ്‌നെയിം നല്‍കി നിര്‍മിക്കുന്ന ഈ കുഞ്ഞന്‍ എസ്.യു.വി. സൗന്ദര്യത്തില്‍ ഹാരിയറിനോടും നെക്‌സോണിനോടും ഒപ്പത്തിനൊപ്പമാണെന്നാണ് ഇപ്പോള്‍ പുറത്തുവരുന്ന പരീക്ഷണയോട്ട ചിത്രങ്ങള്‍ നല്‍കുന്ന സൂചന. അല്‍പ്പം മൂടിക്കെട്ടലുകളുമായി പരീക്ഷണയോട്ടത്തിന് നിരത്തുകളില്‍ എത്തിയ പ്രൊഡക്ഷന്‍ റെഡി ചിത്രങ്ങളാണ് വാഹനപ്രേമികളുടെ കൈയടി നേടി ഇപ്പോള്‍ സമൂഹമാധ്യമങ്ങളില്‍ നിറയുന്നത്.
HBX-ന്റെ ഡിസൈന്‍ ശൈലിയിലേക്ക് വരികയാണെങ്കില്‍ മുഖഭാവം ഹാരിയര്‍-നെക്‌സോണ്‍ തുടങ്ങിയ വാഹനങ്ങളുടെ മിശ്രണമാണെന്ന് വിശേഷിപ്പിക്കാം. ഹാരിയറില്‍ നല്‍കിയിട്ടുള്ളതിന് സമാനമായ ഡി.ആര്‍.എല്‍, ബമ്പറില്‍ നല്‍കിയിട്ടുള്ള ഹെഡ്‌ലാമ്പ് എന്നിവ HBX-ലും നല്‍കുന്നുണ്ട്. ബമ്പര്‍ നെക്‌സോണിലേതിന് സമാനമായി ഡ്യുവല്‍ ടോണ്‍ നിറങ്ങളിലാണ് ഒരുങ്ങിയിട്ടുള്ളതെന്നാണ് ചിത്രങ്ങള്‍ നല്‍കുന്ന സൂചന.
വശങ്ങളും നെക്‌സോണിന് സമാനമായാണ് ഒരുക്കിയിരിക്കുന്നത്. പുതുതലമുറ നെക്‌സോണില്‍ നല്‍കിയ ഡ്യുവല്‍ ടോണ്‍ നിറങ്ങളുള്ള അലോയി വീലാണ് HBX-ലുമുള്ളത്. സമാനതകള്‍ അവകാശപ്പെടാനില്ലാത്തത് പിന്‍ഭാഗത്തിനാണ്. തീര്‍ത്തും പുതിയ ഡിസൈനില്‍ ഒരുങ്ങിയിട്ടുള്ള ടെയ്ല്‍ലാമ്പ്, ബ്ലാക്ക് ഫിനീഷിങ്ങിലുള്ള ബമ്പര്‍, പുറത്തേക്ക് തള്ളി നല്‍കുന്ന ടെയ്ല്‍ഗേറ്റ് എന്നിവയാണ് ഈ വാഹനത്തില്‍ പിന്‍വശത്തുള്ളത്.
അകത്തളം സംബന്ധിച്ച സൂചനകള്‍ നിര്‍മാതാക്കള്‍ നല്‍കിയിട്ടില്ല. എന്നാല്‍, മുമ്പ് ലഭിച്ച ചിത്രങ്ങളില്‍ നിന്ന് ഫ്‌ളാറ്റ് ബോട്ടം സ്റ്റിയറിങ്ങ് വീല്‍, എം.ഐ.ഡി. യൂണിറ്റ് നല്‍കിയിട്ടുള്ള വലിയ ഇന്‍സ്ട്രുമെന്റ് ക്ലെസ്റ്റര്‍, നെക്‌സോണില്‍ നല്‍കിയിട്ടുള്ളതിന് സമാനമായ ഇന്‍ഫോടെയ്ന്‍മെന്റ് സിസ്റ്റം എന്നിവ ഈ വാഹനത്തില്‍ പ്രതീക്ഷിക്കാം. കണക്ടഡ് കാര്‍ സാങ്കേതികവിദ്യയുടെ ഇതില്‍ നല്‍കുമെന്നാണ് അഭ്യാഹങ്ങള്‍.
പെട്രോള്‍ എന്‍ജിനായിരിക്കും ഈ വാഹനത്തിന്റെ ഹൃദയമെന്ന് ആദ്യ മുതല്‍ ഉയര്‍ന്ന് കേള്‍ക്കുന്നതാണ്. ടാറ്റയുടെ മറ്റ് മോഡലുകളില്‍ നല്‍കിയിട്ടുള്ള 1.2 ലിറ്റര്‍ റെവോട്രോള്‍ പെട്രോള്‍ എന്‍ജിനായിരിക്കും HBX-ല്‍ നല്‍കുക. ഇത് 85 ബി.എച്ച്.പി. പവറും 113 എന്‍.എം. ടോര്‍ക്കുമേകും. അഞ്ച് സ്പീഡ് മാനുവല്‍ ഗിയര്‍ബോക്‌സിനൊപ്പം ഓപ്ഷണലായി എ.എം.ടിയും എത്തിയേക്കുമെന്നും സൂചനയുണ്ട്.
Content Highlights: Tata Small SUV HBX Production Model Spied In Test Run
അപ്ഡേറ്റായിരിക്കാം, വാട്സാപ്പ്
ചാനൽ ഫോളോ ചെയ്യൂ
അപ്ഡേറ്റുകൾ വേഗത്തിലറിയാൻ ഫോളോ ചെയ്തശേഷം നോട്ടിഫിക്കേഷൻ ഓൺ ചെയ്യൂ
Also Watch
RELATED STORIES
IN CASE YOU MISSED IT
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..