ഇലക്ട്രിക് കരുത്തില്‍ കുതിപ്പുമായി ടാറ്റ മോട്ടോഴ്‌സ്; നിരത്തിലെത്തിയത് 13,500 നെക്‌സോണ്‍ ഇ.വികള്‍


ടാറ്റ മോട്ടോഴ്‌സിന്റെ വെളിപ്പെടുത്തല്‍ അനുസരിച്ച് പ്രതിമാസം ശരാശരി 1000 ഇലക്ട്രിക് നെക്‌സോണ്‍ വില്‍ക്കുന്നുണ്ടെന്നാണ് വിവരം.

പ്രതീകാത്മക ചിത്രം | Photo: Tata Motors

രാജ്യത്തിന്റെ മലിനീകരണ മുക്തമായ ഗതാഗത സംവിധാനം എന്ന ഉദ്യമത്തിന് കരുത്ത് പകരുന്നതിനായി നിരവധി ഇലക്ട്രിക് വാഹനങ്ങളാണ് ഇന്ത്യന്‍ നിരത്തുകളില്‍ എത്തിയിട്ടുള്ളത്. എന്നാല്‍, ഇലക്ട്രിക് കാറുകളുടെ വിഭാഗത്തില്‍ വ്യക്തമായ മേല്‍ക്കൈ നേടാന്‍ രാജ്യത്തിന്റെ സ്വന്തം വാഹന നിര്‍മാതാക്കളായ ടാറ്റ മോട്ടോഴ്‌സിന് സാധിച്ചിട്ടുണ്ട്. ഇതിന്റെ ഏറ്റവും വലിയ തെളിവാണ് ടാറ്റയുടെ ഇലക്ട്രിക് എസ്.യു.വി. മോഡലായ നെക്‌സോണ്‍ ഇ.വി. കൈവരിച്ചിട്ടുള്ള വില്‍പ്പന നേട്ടം.

വിപണിയില്‍ എത്തി രണ്ട് വര്‍ഷത്തോം പിന്നിടുമ്പോള്‍ 13500 നെക്‌സോണ്‍ ഇ.വികള്‍ നിരത്തുകളില്‍ എത്തിക്കാന്‍ സാധിച്ചിട്ടുണ്ടെന്നാണ് ടാറ്റ മോട്ടോഴ്‌സ് അറിയിച്ചിരിക്കുന്നത്. ഈ സെഗ്മെന്റില്‍ ഏറ്റവും ഉയര്‍ന്ന വില്‍പ്പനയാണിതെന്നാണ് വിലയിരുത്തലുകള്‍. 2021 ഏപ്രില്‍ വരെയുള്ള കണക്ക് അനുസരിച്ച് വെറും 4000 നെക്‌സോണ്‍ ഇ.വിയാണ് ടാറ്റ മോട്ടോഴ്‌സ് നിരത്തുകളില്‍ എത്തിച്ചിരുന്നത്. എന്നാല്‍, പിന്നീടുള്ള ഒമ്പത് മാസത്തില്‍ ഇത് 13,500 എന്ന സംഖ്യയിലേക്ക് ഉയരുകയായിരുന്നു.

ടാറ്റ മോട്ടോഴ്‌സിന്റെ വെളിപ്പെടുത്തല്‍ അനുസരിച്ച് പ്രതിമാസം ശരാശരി 1000 ഇലക്ട്രിക് നെക്‌സോണ്‍ വില്‍ക്കുന്നുണ്ടെന്നാണ് വിവരം. ഏറ്റവും കുറഞ്ഞ വിലയില്‍ സ്വന്തമാക്കാന്‍ സാധിക്കുന്ന ഇലക്ട്രിക് എസ്.യു.വി. എന്ന നിലയില്‍ വലിയ സ്വീകാര്യത ഈ വാഹനത്തിന് കൈവന്നിട്ടുണ്ടെന്നും ടാറ്റ മോട്ടോഴ്‌സ് അവകാശപ്പെടുന്നു. 14.29 ലക്ഷം രൂപ മുതല്‍ 16.90 ലക്ഷം രൂപ വരെയാണ് നെക്‌സോണ്‍ ഇ.വിയുടെ ഇന്ത്യയിലെ എക്‌സ്‌ഷോറൂം വില. മറ്റ് മോഡലുകള്‍ക്ക് ഇത് 20 ലക്ഷത്തിനും മുകളിലാണ്.

Tata Tigor EV

ടാറ്റയുടെ ഇലക്ട്രിക് വാഹന ശ്രേണി കൂടുതല്‍ കരുത്തുറ്റതാക്കുന്നതായി സെഡാന്‍ മോഡലായ ടിഗോറിന്റെയും ഇലക്ട്രിക് പതിപ്പ് വിപണിയില്‍ എത്തിച്ചിട്ടുണ്ട്. നെക്‌സോണ്‍ ഇ.വിയില്‍ ഉപയോഗിച്ചിട്ടുള്ള സാങ്കേതികവിദ്യയില്‍ തന്നെയാണ് ടിഗോറും ഒരുങ്ങിയിട്ടുള്ളത്. ഒറ്റത്തവണ ചാര്‍ജ് ചെയ്താല്‍ 310 കിലോമീറ്റര്‍ സഞ്ചരിക്കാന്‍ സാധിക്കുമെന്നാണ് ടാറ്റ ഉറപ്പുനല്‍കുന്നത്. നാല് വേരിയന്റുകളില്‍ വിപണിയില്‍ എത്തിയിട്ടുള്ള ടിഗോര്‍ ഇ.വിക്ക് 11.99 ലക്ഷം രൂപ മുതല്‍ 12.99 ലക്ഷം രൂപ വരെയാണ് എക്‌സ്‌ഷോറൂം വില.

ടാറ്റ വികസിപ്പിച്ചെടുത്ത സിപ്ട്രോണ്‍ ഇലക്ട്രിക് സാങ്കേതികവിദ്യയെ അടിസ്ഥാനമാക്കിയാണ് നെക്സോണ്‍ ഇവി ഒരുങ്ങിയിരിക്കുന്നത്. ഐപി 67 സര്‍ട്ടിഫൈഡ് ലിഥിയം അയേണ്‍ ബാറ്ററിയാണ് ഈ വാഹനത്തിന് കരുത്തേകുന്നത്. 129 ബിഎച്ച്പി പവറും 254 എന്‍എം ടോര്‍ക്കും ഉത്പാദിപ്പിക്കുന്ന മോട്ടോറാണ് ഇതില്‍ നല്‍കിയിരിക്കുന്നത്. ഒറ്റത്തവണ ചാര്‍ജിലൂടെ നെക്സോണ്‍ ഇ.വി 312 കിലോമീറ്റര്‍ സഞ്ചരിക്കുമെന്നാണ് നിര്‍മാതാക്കളായ ടാറ്റ മോട്ടോഴ്‌സ് ഉറപ്പുനല്‍കുന്നത്.

Content Highlights: Tata Nexon EV Achieve 13,500 sales milestone in two years, Electric vehicle, Tata nexon ev


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Premium

06:55

കുത്ത് കിട്ടും, ന്നാലും എനിക്കിഷ്ടാ; തേനീച്ച വളർത്താൻ വയസ്സൊക്കെ നോക്കണോ? | The Youngest beekeeper@6

Feb 2, 2023


Pinarayi Vijayan

3 min

എയിംസ് ഇല്ല, റെയില്‍വേ വികസനമില്ല; ബജറ്റ് കേരളത്തിന് നിരാശാജനകമെന്ന് മുഖ്യമന്ത്രി

Feb 1, 2023


jenna gestetner

1 min

ആകെ കഴിയ്ക്കാവുന്നത് 9 ഭക്ഷണം; അത്യപൂര്‍വ രോഗത്തെക്കുറിച്ച് തുറന്നുപറഞ്ഞ് യുവതി

Feb 1, 2023

Most Commented