യാത്രാവാഹനങ്ങളുടെ വില ഉയര്‍ത്താന്‍ ടാറ്റ മോട്ടോഴ്‌സ്; ബുക്ക് ചെയ്ത വാഹനങ്ങള്‍ക്ക് പഴയ വില


മെയ് ഏഴാം തിയതി വരെ വാഹനം ബുക്കുചെയ്തിട്ടുള്ള ഉപയോക്താക്കള്‍ക്ക് പഴയ വിലയില്‍ വാഹനം ലഭ്യമാക്കുമെന്നാണ് ടാറ്റ മോട്ടോഴ്‌സ് അറിയിച്ചിട്ടുള്ളത്.

ടാറ്റ സഫാരി | Photo: Tata Motors

ന്ത്യയുടെ സ്വന്തം വാഹന നിര്‍മാതാക്കളായ ടാറ്റ മോട്ടോഴ്‌സ് പാസഞ്ചര്‍ വാഹനങ്ങളുടെ വില വര്‍ധിപ്പിക്കാനൊരുങ്ങുന്നു. പുതിയ വില മെയ് എട്ടാം തിയതി മുതല്‍ പ്രാബല്യത്തില്‍ വരുമെന്നാണ് ടാറ്റ മോട്ടോഴ്‌സ് അറിയിച്ചിട്ടുള്ളത്. മോഡലിനും വേരിയന്റിനും അനുസരിച്ച് 1.8 ശതമാനം വരെയായിരിക്കും വര്‍ധിപ്പിക്കുകയെന്നാണ് പ്രാഥമിക വിവരം. വാണിജ്യ വാഹനങ്ങളുടെ വില വര്‍ധിപ്പിക്കുന്ന കാര്യം അറിയിച്ചിട്ടില്ല.

അതേസമയം, മെയ് ഏഴാം തിയതി വരെ വാഹനം ബുക്കുചെയ്തിട്ടുള്ള ഉപയോക്താക്കള്‍ക്ക് പഴയ വിലയില്‍ വാഹനം ലഭ്യമാക്കുമെന്നാണ് ടാറ്റ മോട്ടോഴ്‌സ് അധികൃതര്‍ അറിയിച്ചിട്ടുള്ളത്. ഡീലര്‍മാരുടെയും വിതരണക്കാരുടെയും താത്പര്യം സംരക്ഷിക്കുന്നതിന് ടാറ്റയുടെ പുതിയ ബിസിനസ് പ്ലാനായ എജിലിറ്റി പ്ലാനിന്റെ ഭാഗമായാണ് വില വര്‍ധനവ് വരുത്തിയിട്ടുള്ളതെന്നാണ് നിര്‍മാതാക്കല്‍ അറിയിച്ചിരിക്കുന്നത്.

വാഹന നിര്‍മാണത്തിന് ഉപയോഗിക്കുന്ന സ്റ്റീലിന്റെയും മറ്റ് അസംസ്‌കൃത വസ്തുകളുടെയും വില ഉയര്‍ന്നത് വില വര്‍ധിപ്പിക്കാന്‍ കമ്പനിയെ നിര്‍ബന്ധിതരാക്കിയിട്ടുണ്ട്. ടാറ്റയുടെ വാഹനങ്ങളോട് കാണിക്കുന്ന സ്വീകാര്യത കമ്പനിക്ക് വലിയ ആത്മവിശ്വാസം നല്‍കുന്നുണ്ടെന്നും ടാറ്റ മോട്ടോഴ്‌സ് പാസഞ്ചര്‍ വെഹിക്കിള്‍ ബിസിനസ് വിഭാഗം മേധാവി ശൈലേഷ് ചന്ദ്ര അറിയിച്ചു.

ഈ വര്‍ഷം രണ്ടാം തവണയാണ് ടാറ്റ മോട്ടോഴ്‌സ് വാഹനങ്ങളുടെ വില ഉയര്‍ത്തുന്നത്. ജനുവരി മാസത്തില്‍ വിവിധ വാഹനങ്ങള്‍ക്ക് 26,000 രൂപ വരെ വില വര്‍ധിപ്പിച്ചിരുന്നു. ടാറ്റ മോട്ടോഴ്‌സിന് പുറമെ, ഇന്ത്യയിലെ മറ്റ് വാഹന നിര്‍മാതാക്കളും വില വര്‍ധനവ് പ്രഖ്യാപിച്ചിരുന്നു. മാരുതി സുസുക്കി, ഫോര്‍ഡ്, ടൊയോട്ട തുടങ്ങിയ വാഹനങ്ങളും വില വര്‍ധിപ്പിച്ചിരുന്നു.

അതേസമയം, കോവിഡ് രണ്ടാം തരംഗം രൂക്ഷമായ സാഹചര്യത്തില്‍ പില സ്ഥലങ്ങളിലേയും വാഹന നിര്‍മാണ യൂണിറ്റിലെ പ്രവര്‍ത്തനങ്ങള്‍ നിലച്ചിട്ടുണ്ട്. ഇതിനുപുറമെ, രാജ്യത്തെ പല ഭാഗങ്ങളിലും ലോക്ക്ഡൗണ്‍ ഉള്‍പ്പെടെയുള്ള നിയന്ത്രണങ്ങള്‍ പ്രാബല്യത്തില്‍ വരുത്തിയിട്ടുള്ളതിനാല്‍ കഴിഞ്ഞ മാസം വാഹന വില്‍പ്പനയില്‍ നേരിയ കുറവുണ്ടായിട്ടുണ്ടെന്നും നിര്‍മാതാക്കള്‍ റിപ്പോര്‍ട്ട് ചെയ്തു.

Content Highlights: Tata Motors Announce Price Hike Of Its Passenger Vehicles

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
supreme court

1 min

ഗുജറാത്ത് കലാപം: എ.സി. മുറിയിലിരിക്കുന്നവര്‍ക്ക് യാഥാര്‍ഥ്യമറിയില്ല - സുപ്രീംകോടതി

Jun 25, 2022


vijay babu

3 min

സമ്മതപ്രകാരമുള്ള ബന്ധത്തെ ബലാത്സംഗമായി മാറ്റുന്നതിനെതിരേ ജാഗ്രത വേണം -ഹൈക്കോടതി

Jun 23, 2022


Droupadi Murmu

5 min

ദ്രൗപദി മുർമുവിനെ സര്‍വ്വസമ്മതയായ സ്ഥാനാര്‍ഥിയായി നിര്‍ത്തണം; സിന്‍ഹയെ പിന്‍വലിക്കണം | പ്രതിഭാഷണം

Jun 23, 2022

Most Commented