ടാറ്റയുടെ 'ഡാര്‍ക്ക് സീന്‍' ; അല്‍ട്രോസ്, നെക്‌സോണ്‍, ഹാരിയര്‍ ഡാര്‍ക്ക് എഡിഷന്‍ മോഡലുകളെത്തി


ടാറ്റയുടെ പ്രീമിയം എസ്.യു.വി. മോഡലായ ഹാരിയറിന്റെ ഡാര്‍ക്ക് എഡിഷന്‍ പതിപ്പ് മുമ്പ് ഇന്ത്യയില്‍ അവതരിപ്പിച്ചിരുന്നു.

ഡാർക്ക് എഡിഷൻ മോഡലുകൾ | Photo: Tata Motors

ടാറ്റ മോട്ടോഴ്‌സിന്റെ ജനപ്രിയ മോഡലുകളായ ഹാരിയര്‍, നെക്‌സോണ്‍, നെക്‌സോണ്‍ ഇ.വി, അല്‍ട്രോസ് എന്നീ വാഹനങ്ങളുടെ ഡാര്‍ക്ക് എഡിഷന്‍ പതിപ്പ് ഇന്ത്യയില്‍ അവതരിപ്പിച്ചു. ഡാര്‍ക്ക് എഡിഷന്‍ ഹാരിയറിന് 18.04 ലക്ഷം, നെക്‌സോണ്‍ ഇ.വിക്ക് 15.99 ലക്ഷം, നെക്‌സോണിന് 10.40 ലക്ഷം, അല്‍ട്രോസിന് 8.71 ലക്ഷം രൂപ എന്നിങ്ങനെയാണ് ഇവയുടെ ഡല്‍ഹിയിലെ എക്‌സ്‌ഷോറും വില.

ടാറ്റയുടെ പ്രീമിയം എസ്.യു.വി. മോഡലായ ഹാരിയറിന്റെ ഡാര്‍ക്ക് എഡിഷന്‍ പതിപ്പ് മുമ്പ് ഇന്ത്യയില്‍ അവതരിപ്പിച്ചിരുന്നു. എന്നാല്‍, ഇത് ലിമിറ്റഡ് എഡിഷന്‍ പതിപ്പായാണ്‌ എത്തിയത്. ഇത്തവണ ഹാരിയര്‍ നിരയിലെ ഒരു പതിപ്പായാണ് ഇത് എത്തുന്നത്. അതേസമയം, അല്‍ട്രോസ്, നെക്‌സോണ്‍, നെക്‌സോണ്‍ ഇ.വി. എന്നിവയുടെ ഡാര്‍ക്ക് എഡിഷന്‍ പതിപ്പ് ഇതാദ്യമായാണ് എത്തുന്നത്.

അല്‍ട്രോസിന്റെ ZX+ വേരിയന്റിനെ അടിസ്ഥാനമാക്കിയാണ് ഡാര്‍ക്ക് എഡിഷന്‍ ഒരുങ്ങിയിട്ടുള്ളത്. 1.5 ലിറ്റര്‍ ഡീസല്‍, 1.2 ലിറ്റര്‍ എന്‍.എ. പെട്രോള്‍, 1.0 ലിറ്റര്‍ ടര്‍ബോ പെട്രോള്‍ എന്നീ മൂന്ന് എന്‍ജിന്‍ ഓപ്ഷനുകളില്‍ ഡാര്‍ക്ക് എഡിഷന്‍ എത്തുന്നുണ്ട്. കോസ്‌മോ ഡാര്‍ക്ക് കളറാണ് എക്‌സ്റ്റീരിയറിലുള്ളത്. മുന്നിലെ ഫെന്‍ഡറില്‍ ഡാര്‍ക്ക് ലോഗോയും നല്‍കിയിട്ടുണ്ട്. അകത്തളത്തിന്റെ ഭാവവും ബ്ലാക്കാണ്.

Tata Altroz

പെട്രോള്‍-ഡീസല്‍ എന്‍ജിനുകളിലായി XZ+, XZA+, XZ+(O). XZA+(O) എന്നീ നാല് വേരിയന്റിലാണ് നെക്‌സോണ്‍ ഡാര്‍ക്ക് എഡിഷന്‍ എത്തുന്നത്. അറ്റ്‌ലസ് ബ്ലാക്കാണ് നെക്‌സോണിന്റെ എക്‌സ്റ്റീരിയര്‍ കളര്‍. ഡാര്‍ക്ക് എഡിഷന്‍ ബാഡ്ജിങ്ങിനൊപ്പം സോണിക്ക് സില്‍വര്‍ ബെല്‍റ്റ് ലൈനും ഈ പതിപ്പിനെ അലങ്കരിക്കുന്നുണ്ട്. ട്രൈ-ആരോ പാനലുകളുള്ള ഡാഷ്‌ബോര്‍ ലെതര്‍ സീറ്റ് എന്നിവ അകത്തളത്തുമുണ്ട്.

Tata Nexon

നെക്‌സോണ്‍ ഇ.വിയുടെ XZ+. XZ+ LUX എന്നീ വേരിയന്റുകളാണ് ഡാര്‍ക്ക് എഡിഷനായി മാറിയിട്ടുള്ളത്. മിഡ്‌നൈറ്റ് ബ്ലാക്ക് നിറമാണ് ഈ മോഡലിന് നല്‍കിയിട്ടുള്ളത്. റെഗുവര്‍ ഇലക്ട്രിക് വാഹനത്തില്‍ നല്‍കിയിട്ടുള്ള ബ്ലൂ ആക്‌സെന്റുകള്‍ ഇതിലുമുണ്ട്. ലെതര്‍ സീറ്റില്‍ ബ്ലൂ സ്റ്റിച്ചിങ്ങുകള്‍ നല്‍കിയാണ് അകത്തളം അലങ്കരിച്ചിട്ടുള്ളത്. ട്രൈ-ആരോ തീമുകളും അകത്തളം അലങ്കരിക്കുന്നുണ്ട്.

Tata Harrier

ഹാരിയറിന്റെ ഉയര്‍ന്ന വകഭേദങ്ങളായ XT+, XZ+, XZA+ എന്നിവയാണ് ഡാര്‍ക്ക് എഡിഷനായിരിക്കുന്നത്. ഒബ്‌റോണ്‍ ബ്ലാക്കാണ് ബോഡിയുടെ നിറം. 18 ഇഞ്ച് ബ്ലാക്ക് സ്‌റ്റോണ്‍ അലോയി വീല്‍, പിയോനോ ബ്ലാക്ക് ഫിനീഷ് ഹാരിയര്‍ ബാഡ്ജ് എന്നിവയാണ് പുറം ഭാഗത്തിന് മോടിപിടിപ്പിക്കുന്നത്. ഡാര്‍ക്ക് ക്രോമാണ് ഇന്റീരിയറിന്റെ ഭാവം. ലെതര്‍ ആവരണത്തിനൊപ്പം ഡാര്‍ക്ക് എന്ന് ആലേഖനം ചെയ്ത സീറ്റാണ് ഇതിലുള്ളത്.

Content Highlights: Tata Launch Dark Edition Of Harrier, Nexon and Altroz

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


supreme court

1 min

ക്രിസ്ത്യന്‍ വേട്ടയാടല്‍ ഇല്ല; ആരോപണം വിദേശസഹായം നേടാനാകാമെന്ന് കേന്ദ്രം സുപ്രീംകോടതിയില്‍

Aug 16, 2022


Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022

Most Commented