പ്രീമിയം ഹാച്ച്ബാക്ക് ശ്രേണിയില്‍ ടാറ്റയുടെ വജ്രായുധമാകാനൊരുങ്ങുന്ന അല്‍ട്രോസിന്റെ യാഥാര്‍ഥ രൂപം പുറത്തുവന്നു. ജനീവ ഓട്ടോഷോയില്‍ പ്രദര്‍ശിപ്പിക്കാനെത്തിയ ഇലക്ട്രിക് അല്‍ട്രോസിന്റെ ചിത്രങ്ങളാണ് ഇന്റര്‍നെറ്റില്‍ പ്രചരിക്കുന്നത്.
ഡല്‍ഹി ഓട്ടോ എക്‌സ്‌പോയില്‍ അവതരിപ്പിച്ച അല്‍ട്രോസ് കണ്‍സെപ്റ്റ് മോഡലില്‍ നിന്ന് വലിയ മാറ്റങ്ങളില്ലാതെയാണ് ഈ വാഹനത്തെ ഒരുക്കിയിട്ടുള്ളത്. ഇത് ആദ്യമായാണ് അല്‍ട്രോസിന്റെ യഥാര്‍ഥ ചിത്രം മാധ്യമങ്ങളില്‍ പ്രചരിക്കുന്നത്.
ടാറ്റയുടെ മറ്റ് മോഡലുകളുമായി താരതമ്യം ചെയ്യാന്‍ കഴിയാത്ത ഡിസൈനിങ്ങാണ് ഈ വാഹനത്തിലുള്ളത്. വലിയ ഗ്രില്ല്, സ്‌റ്റൈലിഷായിട്ടുള്ള ബമ്പര്‍, വലിയ എല്‍ഇഡി ഹെഡ്‌ലൈറ്റുകള്‍ എന്നിവയാണ് ഈ വാഹനത്തിന്റെ മുന്‍വശത്തെ അലങ്കരിക്കുന്നത്.
ഇംപാക്ട് ഡിസൈന്‍ 2.0 ശൈലിയില്‍ അഡ്വാന്‍സ്ഡ് മോഡുലാര്‍ പ്ലാറ്റ്‌ഫോമില്‍ നിര്‍മിച്ച ടാറ്റയുടെ ആദ്യ കാറാണിത്. വൈകാതെ തന്നെ നിരത്തിലെത്തുമെന്ന് കരുതുന്ന ഈ വാഹനത്തിന്റെ പരീക്ഷണയോട്ടം ഇപ്പോഴും പുരോഗമിക്കുന്നുണ്ട്.
പെട്രോള്‍, ഡീസല്‍ മോഡലുകള്‍ ഈ വര്‍ഷം തന്നെ നിരത്തിലെത്തുമെങ്കിലും ഇലക്ട്രിക് മോഡലിന് രണ്ട് വര്‍ഷം കൂടി കാത്തിരിക്കേണ്ടി വരുമെന്നാണ് സൂചനകള്‍. ടിയാഗോയിലും നെക്സോണിലുമുള്ള പെട്രോള്‍ എന്‍ജിന്‍ തന്നെ ആല്‍ട്രോസില്‍ ഉള്‍പ്പെടുത്തുമെന്നാണ് സൂചന.
കഴിഞ്ഞ ദിവസമാണ് ഈ വാഹനത്തിന്റെ പേര് ടാറ്റ വെളിപ്പെടുത്തിയത്. അല്‍ബട്രോസ് കടല്‍പക്ഷികളില്‍ നിന്ന് പ്രചോദനം ഉള്‍ക്കൊണ്ടാണ് അല്‍ട്രോസ് എന്ന പേര് തിരഞ്ഞെടുത്തത്. വലിയ ചിറകുകളാണിതിന്റെ പ്രത്യേകത.
Content Highlights: Tata Altroz EV Leaked Ahead Of Global Unveil
Also Watch
RELATED STORIES
.jpg?$p=ce3ab33&f=1x1&w=100&q=0.8)
.jpg?$p=0bfb433&f=1x1&w=100&q=0.8)
IN CASE YOU MISSED IT
.jpg?$p=db7a71f&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..