സ്‌കോഡ കുടുംബത്തിലെ ഇളമുറക്കാരന്‍; സ്ലാവിയ സെഡാന്‍ പുതുവര്‍ഷത്തില്‍ നിരത്തുകളിലേക്ക്


ആക്ടീവ്, അംബീഷന്‍, സ്‌റ്റൈല്‍ എന്നീ മൂന്ന് വേരിയന്റുകളിലായിരിക്കും സ്ലാവിയ നിരത്തുകളില്‍ എത്തുക.

സ്‌കോഡ സ്ലാവിയ | Photo: Skoda

ക്ടാവിയയും സൂപ്പര്‍ബും പോലുള്ള വമ്പന്‍മാര്‍ അരങ്ങുവാഴുന്ന സ്‌കോഡയുടെ പ്രീമിയം നിരയിലെ ഇളമുറക്കാരനാണ് സ്ലാവിയ എന്ന സെഡാന്‍. ഇന്ത്യന്‍ വാഹന വിപണിയില്‍ സെഡാന്‍ പാരമ്പര്യം വീണ്ടെടുക്കുകയെന്ന ലക്ഷ്യവുമായി എത്തിയിട്ടുള്ള ഈ പുത്തന്‍ സെഡാന്‍ മോഡല്‍ 2022 മാര്‍ച്ച് മാസം മുതല്‍ നിരത്തുകളില്‍ നിറയും. ഇക്കഴിഞ്ഞ നവംബര്‍ മാസത്തിലാണ് ഈ വാഹനത്തിന്റെ ആഗോള അവതരണം സ്‌കോഡ ഇന്ത്യയില്‍ നടത്തിയത്. റാപ്പിഡിന്റെ പകരക്കാരനാണ് സ്ലാവിയ.

ആക്ടീവ്, അംബീഷന്‍, സ്‌റ്റൈല്‍ എന്നീ മൂന്ന് വേരിയന്റുകളിലായിരിക്കും സ്ലാവിയ നിരത്തുകളില്‍ എത്തുക. അതേസമയം, ഈ വാഹനത്തിന്റെ ഔദ്യോഗിക ബുക്കിങ്ങ് കഴിഞ്ഞ ദിവസം ആരംഭിച്ചിരുന്നു. 2022 മാര്‍ച്ച് മാസത്തോടെ വിതരണം തുടങ്ങാനാകുമെന്നാണ് സ്‌കോഡ ഉറപ്പ് നല്‍കിയിട്ടുള്ളത്. ഹ്യുണ്ടായ് വെര്‍ണ, ഹോണ്ട സിറ്റി, മാരുതി സുസുക്കി സിയാസ് എന്നിവരാകും സ്ലാവിയയുടെ എതിരാളികള്‍. 10 ലക്ഷം മുതല്‍ 17 ലക്ഷം രൂപ വരെയായിരിക്കും വാഹനത്തിന്റെ എക്‌സ് ഷോറൂം വില.



കൂപ്പെ ഡിസൈനില്‍ ഒരുങ്ങിയിട്ടുള്ളതാണ് ഈ വാഹനത്തിന്റെ എക്സ്റ്റീരിയറിനെ ആകര്‍ഷകമാക്കുന്നത്. സ്‌കോഡയുടെ സിഗ്‌നേച്ചര്‍ ബട്ടര്‍ഫ്ളൈ ഗ്രില്ല്, എല്‍ ഷേപ്പ് എല്‍.ഇ.ഡി. ഡി.ആര്‍.എല്‍ നല്‍കിയിട്ടുള്ള ഹെഡ്ലാമ്പ്, ക്ലാഡിങ്ങ് അകമ്പടിയില്‍ നല്‍കിയിട്ടുള്ള ഫോഗ്ലാമ്പ്. ഷാര്‍പ്പ് എഡിജുകള്‍ നല്‍കിയിട്ടുള്ള ബമ്പര്‍, ബോണറ്റില്‍ നല്‍കിയിട്ടുള്ള ലൈനുകളും സ്‌കോഡയുടെ ലോഗോയുമാണ് സ്ലാവിയയുടെ മുഖം അലങ്കരിച്ചിരിക്കുന്നത്. 16 ഇഞ്ച് അലോയി വീലും എല്‍.ഇ.ഡി. ടെയ്ല്‍ലാമ്പും ഇതിലെ ഹൈലൈറ്റാണ്.

ഫീച്ചറുകള്‍ കുത്തിനിറയ്ക്കാതെ ചിട്ടയായി ഡിസൈന്‍ ചെയ്തിട്ടുള്ള അകത്തളമാണ് സ്ലാവിയയില്‍ ഒരുങ്ങിയിട്ടുള്ളത്. കറുപ്പ് നിറത്തിനൊപ്പം ആക്‌സെന്റുകല്‍ നല്‍കി അലങ്കരിച്ചിട്ടുള്ള ഡാഷ്‌ബോര്‍ഡ്, വശങ്ങളില്‍ വൃത്താകൃതിയിലും മധ്യഭാഗത്ത് ചതുരാകൃതിയിലും ഒരുങ്ങിയിട്ടുള്ള എ.സി. വെന്റ്, 10 ഇഞ്ച് ഇന്‍ഫോടെയ്ന്‍മെന്റ് സിസ്റ്റം, ഫുള്‍ ഡിജിറ്റല്‍ ഇന്‍സ്ട്രുമെന്റ് ക്ലെസ്റ്റര്‍, സ്റ്റൈലിഷ് സീറ്റുകള്‍ എന്നിവയാണ് അകത്തളത്തിന് സൗന്ദര്യമേകുന്ന ഘടകങ്ങള്‍.

1.0 ലിറ്റര്‍ ടി.എസ്.ഐ, 1.5 ലിറ്റര്‍ ടി.എസ്.ഐ. പെട്രോള്‍ എന്‍ജിനുകളിലാണ് സ്ലാവിയ എത്തുന്നത്. 1.0 ലിറ്റര്‍ എന്‍ജിന് 113 ബി.എച്ച്.പി. കരുത്തും 175 എന്‍.എം. ടോര്‍ക്കും ഉത്പാദിപ്പിക്കാകും. ആറ് സ്പീഡ് ഓട്ടോമാറ്റിക് ഗിയര്‍ബോക്‌സ്, ആറ്‌സ്പീഡ് മാനുവല്‍ എന്നീ ഓപ്ഷനുകളില്‍ വാഹനം ലഭിക്കും. 1.5 ലിറ്റര്‍ ഫോര്‍ സിലിന്‍ഡര്‍ ടര്‍ബോ ചാര്‍ജ്ഡ് എന്‍ജിന്‍ 150 ബി.എച്ച്.പി. കരുത്തും 250 എന്‍.എം. ടോര്‍ക്കും ഉത്പാദിപ്പിക്കുന്നു. ആറ് സ്പീഡ് മാനുവല്‍, ഏഴ് സ്പീഡ് ഡി.എസ്.ജി. ഓട്ടോമാറ്റിക് ഗിയര്‍ബോക്‌സ് ഓപ്ഷനുകളില്‍ വാഹനം ലഭ്യമാണ്.

Content Highlights: Skoda Slavia Delivery Begins From March 2022, Skoda Slavia, Skoda Sedan, Skoda Cars


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

37:49

സ്വപ്നങ്ങൾ വേണ്ടെന്ന് വെച്ചാൽ എന്റെ കുട്ടി അതാണ് പഠിക്കുക, ഞാനത് ആ​ഗ്രഹിക്കുന്നില്ല - അഞ്ജലി മേനോൻ

Nov 29, 2022


Kashmir Files

2 min

കശ്മീര്‍ ഫയല്‍സ് അശ്ലീലസിനിമ, വിമര്‍ശനത്തില്‍ വിവാദം; ജൂറി പദവി ദുരുപയോഗം ചെയ്‌തെന്ന് ഇസ്രയേല്‍

Nov 29, 2022


death

1 min

രാത്രി കാമുകിയെ കാണാന്‍ എത്തിയതിന് നാട്ടുകാര്‍ മര്‍ദിച്ചു; കോളേജ് വിദ്യാര്‍ഥി ജീവനൊടുക്കി

Nov 29, 2022

Most Commented