സ്‌കോഡ കുഷാക്ക് ഒണിക്‌സ് എഡിഷൻ | Photo: Skoda
ചെക്ക് വാഹന നിര്‍മാതാക്കളായ സ്‌കോഡ ഇന്ത്യയില്‍ എത്തിച്ച മിഡ്-സൈസ് എസ്.യു.വി. മോഡലായ കുഷാക്കിന്റെ ഒണിക്‌സ് എഡിഷന്‍ ഇന്ത്യയില്‍ അവതരിപ്പിച്ചു. കുഷാഖിന്റെ ആക്ടീവ്, അംബീഷന്‍ എന്നീ വേരിയന്റുകള്‍ക്ക് മധ്യത്തിലായിരിക്കും ഈ വാഹനത്തിന്റെ സ്ഥാനം. 12.39 ലക്ഷം രൂപയാണ് ഈ വാഹനത്തിന്റെ എക്‌സ്‌ഷോറൂം വില. അടിസ്ഥാന വേരിയന്റായ ആക്ടീവിനെക്കാള്‍ 80,000 രൂപയാണ് ഒണിക്‌സ് വേരിയന്റിന് അധികമായി വിലവരുന്നത്.
സുരക്ഷയില്‍ ഫൈവ് സ്റ്റാര്‍ റേറ്റിങ്ങ് സ്വന്തമാക്കിയ ഈ വാഹനം ലുക്കില്‍ വരുത്തിയിട്ടുള്ള ഏതാനും മാറ്റങ്ങളുടെയും കൂടുതല്‍ ഫീച്ചറുകളുടെയും അകമ്പടിയോടെയാണ് ഒണിക്‌സ് എഡിഷനായി മാറിയിരിക്കുന്നത്. ആക്ടീവ് വേരിയന്റില്‍ ഉയര്‍ന്ന വകഭേദത്തിലെ ഫീച്ചറുകള്‍ നല്‍കിയാണ് ഒണിക്‌സ് ഒരുക്കിയിട്ടുള്ളതെന്നും സൂചനയുണ്ട്. റെഗുലര്‍ കുഷാക്കിന്റെ രൂപത്തില്‍ കാര്യമായ മാറ്റം വരുത്താതെ ഏതാനും കൂട്ടിച്ചേര്‍ക്കലാണ് ഒണിക്‌സില്‍ ഉള്ളത്.
ഡോറുകളില്‍ നല്‍കിയിട്ടുള്ള ഗ്രേ ഫിനീഷ് ഗ്രാഫിക്‌സാണ് എക്സ്റ്റീരിയര്‍ വരുത്തിയിട്ടുള്ള ഏറ്റവും പ്രധാന പുതുമ. ഇതിനൊപ്പം ബി-പില്ലറില്‍ ഒണിക്‌സ് ബാഡ്ജിങ്ങും നല്‍കിയിട്ടുണ്ട്. മുന്നിലെ ബമ്പറില്‍ നല്‍കിയിട്ടുള്ള ഫോക്‌സ് ഡിഫ്യൂസറും ഗ്രില്ലിന് ചുറ്റിലും നല്‍കിയിട്ടുള്ള ക്രോമിയം ബോര്‍ഡറും 16 ഇഞ്ച് സ്റ്റീല്‍ വീലില്‍ നല്‍കിയിട്ടുള്ള പുതിയ കവറുമാണ് പ്രത്യേക എഡിഷനിലെ മാറ്റങ്ങള്‍. മറ്റ് ഫീച്ചറുകള്‍ മുന്‍ മോഡലിലേത് നിലനിര്‍ത്തിയാണ് എത്തുന്നത്.
അകത്തളത്തില്‍ കാര്യമായ പുതുമകള്‍ വരുത്തിയിട്ടില്ല. സ്‌കഫ് പ്ലേറ്റിലും സീറ്റുകളിലെ ഹെഡ്‌റെസ്റ്റിലുമാണ് ഒണിക്‌സ് ബാഡ്ജിങ്ങ് നല്‍കിയിട്ടുള്ളത്. ബ്ലാക്ക്-ഗ്രേ ഫിനീഷിങ്ങിലാണ് ഇന്റീരിയര്‍ അണിയിച്ചിരിക്കുന്നത്. രണ്ട് സ്‌പോക്ക് സ്റ്റിയറിങ്ങ് വീല്‍, ക്രോമിയം ആവരണമുള്ള എ.സി.വെന്റുകള്‍, ഓട്ടോമാറ്റിക് ക്ലൈമറ്റ് കണ്‍ട്രോള്‍ വിത്ത് എയര്‍ പ്യൂരിഫയര്‍, ഏഴ് ഇഞ്ച് വലിപ്പമുള്ള ടച്ച് സ്‌ക്രീന്‍ തുടങ്ങിയ ഫീച്ചറുകളും ഒണിക്‌സ് എഡിഷനില്‍ ഇന്റീരിയറില്‍ നല്‍കിയിട്ടുണ്ട്.
മെക്കാനിക്കല്‍ ഫീച്ചറുകളില്‍ ആക്ടീവ്, അംബീഷന്‍ വേരിയന്റുകളുടെ പിന്‍ഗാമിയായാണ് ഒണിക്‌സ് എഡിഷന്‍ എത്തിയിട്ടുള്ളത്. 115 ബി.എച്ച്.പി. പവറും 175 എന്‍.എം. ടോര്‍ക്കുമേകുന്ന 1.0 ലിറ്റര്‍ മൂന്ന് സിലിണ്ടര്‍ ടര്‍ബോ പെട്രോള്‍ എന്‍ജിനാണ് ഇതിലുള്ളത്. ഒണിക്‌സ് എഡിഷന്റെ മാനുവല്‍ ട്രാന്‍സ്മിഷന്‍ മോഡലാണ് ഇപ്പോള്‍ എത്തിയിരിക്കുന്നത്. ഓട്ടോമാറ്റിക് പിന്നാലെ എത്തിയേക്കുമെന്നാണ് പ്രതീക്ഷിക്കുന്നത്. മികച്ച സുരക്ഷ സംവിധാനങ്ങളും ഇതില്‍ ഒരുക്കിയിട്ടുണ്ട്.
Content Highlights: Skoda Kushaq Onxy edition launched in India, Skoda cars, Skoda Kushaq, Special Edition
Also Watch
RELATED STORIES
IN CASE YOU MISSED IT
.jpg?$p=9af6524&f=1x1&w=100&q=0.8)
.jpg?$p=db7a71f&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..