മുഖംമിനുക്കി ഇന്ത്യന്‍ നിരത്തിലിറങ്ങി സ്‌കോഡ കോഡിയാക്ക്; വില 34.99 ലക്ഷം മുതല്‍


രണ്ട് വര്‍ഷങ്ങള്‍ക്ക് ശേഷമാണ് സ്‌കോഡയുടെ ഈ ഏഴ് സീറ്റര്‍ എസ്.യു.വി. ഇന്ത്യയില്‍ മടങ്ങിയെത്തുന്നത്.

സ്‌കോഡ കോഡിയാക്ക് | Photo: Skoda Auto

ചെക്ക് വാഹന നിര്‍മാതാക്കളായ സ്‌കോഡയുടെ എസ്.യു.വി. മോഡലായ കോഡിയാക്കിന്റെ മുഖംമിനുക്കിയ പതിപ്പ് ഇന്ത്യന്‍ വിപണിയില്‍ അവതരിപ്പിച്ചു. സ്റ്റൈല്‍, സ്‌പോര്‍ട്ട്‌ലൈന്‍, ലോറിന്‍ ആന്‍ഡ് ക്ലെമന്റ് എന്നീ മൂന്ന് വേരിയന്റുകളില്‍ എത്തിയിട്ടുള്ള ഈ വാഹനത്തിന് 34.99 ലക്ഷം രൂപ മുതലാണ് ഇന്ത്യയിലെ എക്‌സ്‌ഷോറും വില. ടൊയോട്ട ഫോര്‍ച്യൂണര്‍, എം.ജി. ഗ്ലോസ്റ്റര്‍, മഹീന്ദ്ര അള്‍ട്ടുറാസ് ജി4 എന്നീ വാഹനങ്ങളുമായാണ് കോഡിയാക്ക് മത്സരിക്കുന്നത്.

വിദേശത്ത് നിന്ന് ഇറക്കുമതി ചെയ്ത് ഔറംഗാബാദിലെ സ്‌കോഡ ഓട്ടോ ഫോക്‌സ്‌വാഗണ്‍ ഇന്ത്യയുടെ പ്ലാന്റില്‍ അസംബിള്‍ ചെയ്താണ് ഈ വാഹനം ഇന്ത്യന്‍ വിപണിയില്‍ എത്തിച്ചിരിക്കുന്നത്. രണ്ട് വര്‍ഷങ്ങള്‍ക്ക് ശേഷമാണ് സ്‌കോഡയുടെ ഈ ഏഴ് സീറ്റര്‍ എസ്.യു.വി. ഇന്ത്യയില്‍ മടങ്ങിയെത്തുന്നത്. 2020-ല്‍ ബി.എസ്.6 നിലവാരത്തിലുള്ള എന്‍ജിനുകള്‍ ഇന്ത്യയില്‍ നിര്‍ബന്ധമാക്കിയതോടെയാണ് സ്‌കോഡ കോഡിയാക്ക് എസ്.യു.വി. വിപണിയില്‍ നിന്ന് പിന്‍വലിച്ചത്.



Skoda Kodiaq



നിരത്തൊഴിഞ്ഞ മോഡലിന് സമാനമായ ഡിസൈനിലാണ് പുതിയ പതിപ്പ് ഒരുങ്ങിയിട്ടുള്ളത്. സ്‌കോഡയുടെ സിഗ്നേച്ചര്‍ സ്‌റ്റൈല്‍ ബട്ടര്‍ഫ്‌ളൈ ഗ്രില്ല്, ക്രിസ്റ്റല്‍ലൈന്‍ എല്‍.ഇ.ഡി. ഹെഡ്‌ലാമ്പ്, എല്‍.ഇ.ഡി. ഡി.ആര്‍.എല്‍, പുതിയ ഫോഗ്‌ലാമ്പ്, 18 ഇഞ്ച് ഡ്യുവല്‍ ടോണ്‍ അലോയി വീല്‍ എന്നിവ മുന്‍ഭാഗത്തെ അലങ്കരിക്കുമ്പോള്‍ റാപ്പ് എറൗഡ് എല്‍.ഇ.ഡി. ടെയ്ല്‍ലാമ്പും പുതിയ ബമ്പറുമാണ് പുതിയ കോഡിയാക്കിന്റെ പിന്‍ഭാഗത്തെ മനോഹരമാക്കുന്നത്.

അകത്തളത്തില്‍ വലിയ മാറ്റങ്ങളാണ് പ്രകടമാകുന്നത്. ഇന്‍ബില്‍റ്റ് നാവിഗേഷനും വയര്‍ലെസ് സ്മാര്‍ട്ട്‌ലിങ്ക് സംവിധാനങ്ങളുള്ള എട്ട് ഇഞ്ച് വലിപ്പമുള്ള ഇന്‍ഫോടെയ്ന്‍മെന്റ് സിസ്റ്റം, 10.25 ഇഞ്ച് വലിപ്പമുള്ള വെര്‍ച്വല്‍ കോക്ക്പിറ്റ്, ത്രീ സോണ്‍ ക്ലൈമറ്റ് കണ്‍ട്രോള്‍ യൂണിറ്റ്, 12 സ്പീക്കറുകളുള്ള മ്യൂസിക് സിസ്റ്റം, പനോരമിക് സണ്‍റൂഫ് എന്നിവയാണ് അകത്തളകത്തില്‍ ഒരുങ്ങിയിട്ടുള്ള ഫീച്ചറുകള്‍. ബ്ലാക്ക്-ബേജ് നിറങ്ങളിലാണ് ഇന്റീരിയറിനെ അലങ്കരിച്ചിരിക്കുന്നത്.

Skoda Kodiaq

മെക്കാനിക്കലായി വരുത്തിയിട്ടുള്ള മാറ്റമാണ് ഈ വാഹനത്തിലെ മറ്റൊരു പുതുമ. ബി.എസ്.4 മോഡലില്‍ 2.0 ലിറ്റര്‍ ഡീസല്‍ എന്‍ജിനായിരുന്നെങ്കില്‍ പുതിയ പതിപ്പില്‍ ഇതില്‍ 2.0 ലിറ്റര്‍ നാല് സിലിണ്ടര്‍ ടി.എസ്.ഐ. പെട്രോള്‍ എന്‍ജിനാണ് കരുത്തേകുന്നത്. ഇത് 187 ബി.എച്ച്.പി. പവറും 320 എന്‍.എം. ടോര്‍ക്കുമാണ് ഉത്പാദിപ്പിക്കുന്നത്. ഏഴ് സ്പീഡ് ഡയറക്ട് ഷിഫ്റ്റ് ഗിയര്‍ബോക്‌സാണ് (ഡി.എസ്.ജി) ഇതില്‍ ട്രാന്‍സ്മിഷന്‍ ഒരുക്കുന്നത്.

Content Highlights: Skoda Kodiaq Facelift Launched In India, Skoda Kodiaq SUV, Skoda Cars, Skoda SUV


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
FIFA World Cup 2022 Argentina vs Mexico group c match

2 min

മെക്‌സിക്കന്‍ പ്രതിരോധക്കോട്ട തകര്‍ത്തു; ജീവന്‍ തിരികെപിടിച്ച് മെസ്സിയും സംഘവും

Nov 27, 2022


nazer faizy koodathayi

2 min

'പോര്‍ച്ചുഗല്‍ അധിനിവേശം നടത്തിയ രാജ്യം, എതിര്‍പ്പ് വഴിവിട്ട ആരാധനയോട്'; വിശദീകരണവുമായി സമസ്ത

Nov 25, 2022


03:49

ശ്രീഹള്ളി പോകുന്ന വഴിയിലെ ചായക്കടയും ഹിറ്റായ ​ചായക്കടക്കാരനും; വീണ്ടുമെത്തുന്നു പൊള്ളാച്ചി രാജ

Nov 27, 2022

Most Commented