ഡയാന രാജകുമാരിയുടെ ഫോർഡ് എസ്‌കോർട്ട് | Photo: Diana's facts
40 വര്‍ഷത്തിലധികം പഴക്കമുള്ള ഒരു ഫോര്‍ എസ്‌കോര്‍ട്ട് വാഹനം ലേലത്തില്‍ വയ്ക്കുക എന്നതില്‍ കൗതുകം തോന്നേണ്ടതില്ല. എന്നാല്‍, ഈ വാഹനത്തിന്റെ ഉടമ ആരെന്ന് അറിയുമ്പോഴാണ് അദ്ഭുതമാവുന്നത്. ഡയാന രാജകുമാരിക്ക് ചാള്‍സ് രാജകുമാരന്‍ വിവാഹവേളയില്‍ സമ്മാനിച്ച വാഹനമാണ് ലേലത്തിനെത്തുന്നത്.
1981-ല്‍ ഇവരുടെ വിവാഹനിശ്ചയ വേളയിലാണ് അക്കാലത്തെ ഏറ്റവും മികച്ച വാഹനങ്ങളിലൊന്നായ ഫോര്‍ഡ് എസ്‌കോര്‍ട്ട് ഡയാനയ്ക്ക് സമ്മാനിച്ചത്. ഡയാന രാജകുമാരി ഉപയോഗിച്ച ശേഷം ഈ വാഹനം മറ്റൊരാള്‍ക്ക് വിറ്റിരുന്നെങ്കിലും വര്‍ഷങ്ങള്‍ക്ക് ശേഷവും ഐതിഹാസിക രൂപവും ഫീച്ചറുകളും നിലനിര്‍ത്തിയാണ് വാഹനം സൂക്ഷിച്ചിരിക്കുന്നത്.
ഡയാന രാജകുമാരിയുടെ ആരാധകനായ വ്യക്തിയാണ് ഈ വാഹനം അവരില്‍നിന്ന് സ്വന്തമാക്കിയത്. അതുകൊണ്ട് തന്നെ ഈ വാഹനം ഏറ്റവും ശ്രദ്ധയോടെയാണ് ഉപയോഗിച്ചിട്ടുള്ളതെന്നും മികച്ച പരിചരണം ഉറപ്പാക്കിയിട്ടുമുണ്ടെന്നാണ് റിപ്പോര്‍ട്ടുകള്‍. വാഹനത്തിലെ ഫീച്ചറുകള്‍ പോലും മാറ്റം വരുത്താതെ സൂക്ഷിക്കാന്‍ നിലവില്‍ വാഹനം കൈവശമുള്ളവര്‍ ശ്രമിച്ചിട്ടുണ്ട്.
ബ്രിട്ടണിലെ പുരാവസ്തു വില്‍പ്പനക്കാരായ റീമാന്‍ ഡാന്‍സി റോയല്‍റ്റി എന്ന സ്ഥാപനമാണ് ഈ വാഹനം ലേലത്തിനെത്തിക്കുന്നത്. ഏകദേശം 30,000 (30.88 ലക്ഷം രൂപ) മുതല്‍ 40,000 (41.16 ലക്ഷം രൂപ) ബ്രിട്ടീഷ് പൗണ്ട് വരെയാണ് ഈ വാഹനത്തിന് പ്രതീക്ഷിക്കുന്ന വില. ജൂണ്‍ 29-ന് ഡയാനയുടെ ഫോര്‍ഡ് എസ്‌കോര്‍ട്ട് ലേലത്തിന് എത്തിക്കും.
അമേരിക്കന്‍ വാഹന നിര്‍മാതാക്കളായ ഫോര്‍ഡ് 1968 മുതല്‍ 2000 വരെയുള്ള കാലഘട്ടത്തില്‍ യൂറോപ്യന്‍ വിപണികളില്‍ എത്തിച്ചിട്ടുള്ള സെഡാന്‍ വാഹനമാണ് ഫോര്‍ഡ് എസ്‌കോര്‍ട്ട്. 1980-90 കാലഘട്ടത്തില്‍ യൂറോപ്യന്‍ നിരത്തുകളിലെ ബെസ്റ്റ് സെല്ലിങ്ങ് കാര്‍ പട്ടവും ഈ വാഹനത്തിനായിരുന്നു. 2000-ത്തില്‍ നിരത്തൊഴിഞ്ഞ ഈ വാഹനം 2014-ല്‍ ഫോക്കസ് എന്ന പേരില്‍ ചൈനീസ് നിരത്തിലെത്തിയിരുന്നു.
Source: BBC
Content Highlights: Prince Charles gave Princess Diana as an engagement gift will be auctioned off
RELATED STORIES
IN CASE YOU MISSED IT
.jpg?$p=c686dae&f=1x1&w=100&q=0.8)
.jpg?$p=f549ba0&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..