മലിനീകരണ നിയന്ത്രണ മാനദണ്ഡത്തില്‍ ബിഎസ് 6 (ഭാരത് സ്‌റ്റേജ് 6) നിലവാരത്തിലുള്ള 1.0 ലിറ്റര്‍ പെട്രോള്‍ എന്‍ജിനില്‍ പുതിയ വാഗണ്‍ ആര്‍ മാരുതി സുസുക്കി പുറത്തിറക്കി. അടുത്ത വര്‍ഷം ഏപ്രില്‍ ഒന്ന് മുതല്‍ രാജ്യത്തെ എല്ലാ വാഹനങ്ങള്‍ക്കും ബിഎസ് 6 എന്‍ജിന്‍ നിര്‍ബന്ധമാണ്, ഇതിന് മുന്നോടിയായാണ് 1.0 ലിറ്റര്‍ പെട്രോള്‍ എന്‍ജിന്‍ ബിഎസ് 6 നിലവാരത്തിലേക്ക് മാരുതി ഉയര്‍ത്തിയത്. മൂന്നാംതലമുറ വാഗണ്‍ ആറിന്റെ 1.2 ലിറ്റര്‍ പെട്രോള്‍ എന്‍ജിന്‍ നേരത്തെതന്നെ മാരുതി ബിഎസ് 6ലേക്ക് മാറ്റിയിരുന്നു.
4.42 ലക്ഷം രൂപ മുതല്‍ 5.41 ലക്ഷം വരെയാണ് പുതിയ ബിഎസ് 6 പെട്രോള്‍ എന്‍ജിന്റെ ഡല്‍ഹി എക്‌സ്‌ഷോറൂം വില. ബിഎസ് 4 മോഡലിനെക്കാള്‍ അല്‍പം വില കൂടുതലാണിത്. എന്‍ജിന്‍ നിലവാരം മാറിയതൊഴിച്ചാല്‍ എന്‍ജിന്‍ കരുത്തിലും വാഗണ്‍ ആറിന്റെ രൂപത്തിലും ഫീച്ചേഴ്‌സിലും മാറ്റമൊന്നുമില്ല. അതേസമയം മൈലേജ് അല്‍പം കുറഞ്ഞിട്ടുണ്ട് (0.71 കിലോമീറ്റര്‍). 21.79 കിലോമീറ്റര്‍ മൈലേജാണ് പുതിയ 1.0 ലിറ്റര്‍ ബിഎസ് 6 പെട്രോളില്‍ ലഭിക്കുക.
998 സിസി ത്രീ സിലിണ്ടര്‍ പെട്രോള്‍ എന്‍ജിന്‍ 68 എച്ച്പി പവറും 90 എന്‍എം ടോര്‍ക്കുമാണ് നല്‍കുക. 5 സ്പീഡ് മാനുവല്‍, 5 സ്പീഡ് എഎംടിയാണ് ട്രാന്‍സ്മിഷന്‍ ഓപ്ഷന്‍.
Content Highlights; new wagon r 1.0 litre bs 6 petrol launched in india
RELATED STORIES
.jpg?$p=fccddd3&f=1x1&w=100&q=0.8)
IN CASE YOU MISSED IT
.jpg?$p=1990e2a&f=1x1&w=100&q=0.8)
.jpg?$p=a3c1fa2&f=1x1&w=100&q=0.8)
.jpg?$p=71e446e&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..