സുരക്ഷയില്‍ വലുപ്പ ചെറുപ്പമില്ല, എല്ലാ വാഹനങ്ങളിലും ആറ് എയര്‍ബാഗ് നല്‍കണമെന്ന് മന്ത്രി


ആറ് എയര്‍ബാഗുമായി എത്തുന്ന വാഹനങ്ങള്‍ വിപണിയിലുണ്ട്. എന്നാല്‍, ഏറ്റവും ഉയര്‍ന്ന വേരിയന്റില്‍ മാത്രമാണ് ഈ സംവിധാനം നല്‍കാറുള്ളത്.

പ്രതീകാത്മക ചിത്രം | Photo: Tatamotors.co.tz

വാഹനങ്ങളില്‍ സുരക്ഷ ഉറപ്പാക്കുന്നതിനായി കാറുകളുടെ അടിസ്ഥാന വേരിയന്റുകളില്‍ ഉള്‍പ്പെടെ ആറ് എയര്‍ബാഗ് നല്‍കണമെന്ന നിര്‍ദേശവുമായി കേന്ദ്ര ഉപരിതല ഗതാഗത വകുപ്പ് മന്ത്രി നിതിന്‍ ഗഡ്കരി. സിയാം പ്രതിനിധികളുമായി നടത്തിയ കൂടുക്കാഴ്ചയിലാണ് അദ്ദേഹം ഇക്കാര്യം അവശ്യപ്പെട്ടത്. നിതിന്‍ ഗഡ്കരിയുടെ ട്വിറ്റര്‍ പോസ്റ്റിലൂടെയാണ് ഇക്കാര്യം വെളിപ്പെടുത്തിയിരിക്കുന്നത്.

വാഹനങ്ങളിലെ യാത്രക്കാരുടെ സുരക്ഷ കണക്കിലെടുത്താണ് വാഹനങ്ങളുടെ എല്ലാ വേരിയന്റുകളിലും ആറ് എയര്‍ബാഗ് നിര്‍ബന്ധമായും നല്‍കണമെന്ന് വാഹന നിര്‍മാതാക്കളോട് അഭ്യര്‍ഥിച്ചിരിക്കുന്നത്. നിലവില്‍ ഇന്ത്യയില്‍ വില്‍പ്പനയ്ക്ക് എത്തുന്ന കാറുകളില്‍ രണ്ട് എയര്‍ബാഗ് നിര്‍ബന്ധമായി നല്‍കണമെന്നാണ് നിയമം. ഇത് നടപ്പാക്കാന്‍ എതാനും മാസം സമയം അനുവദിച്ചിട്ടുണ്ട്.

വാഹനാപകടം ഉണ്ടായാല്‍ യാത്രക്കാരുടെ സുരക്ഷ ഉറപ്പാക്കാന്‍ സഹായിക്കുന്ന പ്രധാന ഘടകമാണ് എയര്‍ബാഗ്. പല വിദേശ രാജ്യങ്ങളിലും സൈഡ് എയര്‍ബാഗ് വാഹനങ്ങളില്‍ നല്‍കുന്നില്ല. എന്നാല്‍, ഈ രാജ്യങ്ങളില്‍ സുരക്ഷ ഉറപ്പാക്കുന്നതിന്റെ ഭാഗമായി വാഹനങ്ങള്‍ ക്രാഷ് ടെസ്റ്റിന് വിധേയമാക്കുന്നുണ്ട്. ഇന്ത്യയിലെ വാഹനങ്ങള്‍ക്ക് ക്രാഷ് ടെസ്റ്റ് സംവിധാനം ആരംഭിച്ചിട്ടില്ല.

നിലവില്‍ ആറ് എയര്‍ബാഗുമായി എത്തുന്ന വാഹനങ്ങള്‍ വിപണിയിലുണ്ട്. എന്നാല്‍, ഏറ്റവും ഉയര്‍ന്ന വേരിയന്റില്‍ മാത്രമാണ് ഈ സംവിധാനം നല്‍കാറുള്ളത്. പുതിയ നിര്‍ദേശം പ്രാബല്യത്തില്‍ വരുത്തിയാല്‍ വാഹനങ്ങളുടെ നിര്‍മാണ ചെലവില്‍ ഗണ്യമായ വര്‍ധനവുണ്ടാകുമെന്നാണ് പ്രതീക്ഷിക്കുന്നത്. ഇക്കാര്യം സംബന്ധിച്ച തീരുമാനം വൈകാതെ അറിയാന്‍ സാധിക്കും.

ഇതിനുപുറമെ, ഗ്രീന്‍ മൊബിലിറ്റി ഉറപ്പാക്കുന്നതിന്റെ ഭാഗമായി ഒരു വര്‍ഷത്തിനുള്ളില്‍ 100 ശതമാനം എഥനോള്‍, ഗ്യാസോലിന്‍ ഇന്ധനങ്ങളില്‍ പ്രവര്‍ത്തിക്കാന്‍ കഴിയുന്ന ഫ്‌ളെക്‌സ്-ഫ്യുവല്‍ വാഹനങ്ങള്‍ നിരത്തുകളില്‍ എത്തിക്കണമെന്നും ഗതാഗത മന്ത്രി നിതിന്‍ ഗഡ്കരി വാഹന നിര്‍മാതാക്കള്‍ക്ക് നിര്‍ദേശം നല്‍കിയിട്ടുണ്ട്. ഇക്കാര്യവും അദ്ദേഹം ട്വിറ്ററില്‍ അറിയിച്ചിട്ടുണ്ട്.

Content Highlights: Minister Nitin Gadkari Appeal To Vehicle Manufacturers To Make 6 Airbags In Cars


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

'ഷർട്ട് വാങ്ങാൻ 1500 രൂപ കൊടുത്തു, ലോണടയ്ക്കാൻ 1000 തിരികെ തന്നു'

Oct 6, 2022


anas

2 min

പോയത് നാലുകോടി രൂപ; ജീവിതം അവസാനിപ്പിക്കുമെന്ന് പറഞ്ഞ് മുഖ്യമന്ത്രിക്ക് കത്തയച്ച് സംരംഭകന്‍

Oct 7, 2022


06:50

വിമാനലോകത്തിലെ ഭീമന്‍, എയര്‍ബസ് A 380 സീരീസിന്  മരണമണി മുഴങ്ങുന്നു

Oct 6, 2022

Most Commented