വാഹനം തേടി സര്‍വീസ് എത്തും; ഡോര്‍ സ്റ്റെപ്പ് സേവനം പുനരാരംഭിച്ച്‌ എം.ജി. മോട്ടോഴ്‌സ്


പ്രതീകാത്മക ചിത്രം | Photo: MG Motors

കോവിഡ് രണ്ടാം തരംഗം ഗുരുതര പ്രത്യാഘാതങ്ങള്‍ സൃഷ്ടിക്കുന്ന സാഹചര്യത്തില്‍ ഉപയോക്താക്കള്‍ക്ക് കോണ്ടാക്ട് ലെസ് സര്‍വീസ് ലഭ്യമാക്കുന്നതിനായി ഡോര്‍ സ്‌റ്റെപ്പ് സര്‍വീസ് സംവിധാനം പുനരാരംഭിച്ച് ചൈനീസ് വാഹന നിര്‍മാതാക്കളായ എം.ജി. മോട്ടോഴ്‌സ്. എം.ജി. കെയര്‍ അറ്റ് ഹോം എന്ന പേരില്‍ ആരംഭിച്ചിട്ടുള്ള ഈ പദ്ധതിയില്‍ എം.ജി. മോട്ടോഴ്‌സ് ജീവനക്കാര്‍ ഉപയോക്താക്കളുടെ വീട്ടിലെത്തി വാഹനത്തിന്റെ സര്‍വീസും സാനിറ്റൈസേഷനും നിര്‍വഹിക്കുമെന്നാണ് കമ്പനി അറിയിച്ചിരിക്കുന്നത്.

കോവിഡ്-19- ന്റെ പശ്ചാത്തലത്തില്‍ ഉപയോക്താക്കളുടെ ആവശ്യം പരിഗണിച്ചാണ് ഈ സേവനം വീണ്ടും ഒരുക്കുന്നതെന്നാണ് എം.ജി. മോട്ടോഴ്‌സ് അറിയിച്ചിരിക്കുന്നത്. കാര്‍ സാനിറ്റൈസേഷന്‍, ഫ്യൂമിഗേഷന്‍, ജനറല്‍ കാര്‍ ചെക്ക്-അപ്പ്, കാര്‍ ഡ്രൈ വാഷ്, മൈനര്‍ ഫിറ്റിങ്ങ്‌സ് ആന്‍ഡ് ഫിറ്റ്‌മെന്റ് സേവനങ്ങളാണ് എം.ജി. കെയര്‍ അറ്റ് ഹോം പ്രോഗ്രാമില്‍ ഉപയോക്താക്കള്‍ക്കായി ഒരുക്കിയിട്ടുള്ളത്. സര്‍വീസ് ബുക്ക് ചെയ്യുന്നതിന്റെ അടിസ്ഥാനത്തിലായിരിക്കും ഈ സേവനം ലഭ്യമാക്കുക എന്നാണ് വിവരം.



ഞങ്ങളുടെ ഉപയോക്താക്കള്‍ക്ക് സൗകര്യപ്രദമായ സേവനം ഉറപ്പാക്കുകയാണ് എം.ജി. മോട്ടോഴ്‌സിന്റെ ലക്ഷ്യം. ഉപയോക്താക്കളുടെ വീടുകളില്‍ സര്‍വീസിനായി എത്തുന്ന ജീവനക്കാരെ കൂടുതല്‍ പരിശോധനയ്ക്ക് വിധേയരാക്കാനും കമ്പനി ശ്രദ്ധിക്കുന്നുണ്ട്. എം.ജി. മോട്ടോഴ്‌സ് ഒരുക്കിയിട്ടുള്ള ഓണ്‍ലൈന്‍ സേവനങ്ങള്‍ക്ക് പുറമെയാണ് ഡോര്‍ സ്‌റ്റെപ്പ് സര്‍വീസ് സംവിധാനവും ഒരുക്കിയിട്ടുള്ളതെന്ന് എം.ജി. മോട്ടോഴ്‌സ് സീനിയര്‍ വൈസ് പ്രസിഡന്റ് ഗൗരവ് ഗുപ്ത അറിയിച്ചു.

MG Motors
പ്രതീകാത്മക ചിത്രം | Photo: MG Motors

പ്രത്യേകമായി ഒരുക്കിയിട്ടുള്ള പോര്‍ട്ടബിള്‍ ഉപകരണങ്ങളുടെ സഹായത്തോടെയായിരിക്കും എം.ജി. മോട്ടോഴ്‌സ് ജീവനക്കാര്‍ വാഹനങ്ങളുടെ അറ്റകുറ്റ പണികളും ഫ്യൂമിഗേഷന്‍ ഉള്‍പ്പെടെയുള്ള പ്രവര്‍ത്തികളും ചെയ്യുന്നത്. എം.ജി. കസ്റ്റമര്‍ കെയര്‍ ആപ്പ് വഴിയാണ് സര്‍വീസ് ബുക്കുചെയ്യാന്‍ സൗകര്യം ഒരുക്കിയിട്ടുള്ളത്. ലോക്ഡൗണില്‍ ഇളവുകള്‍ പ്രഖ്യാപിച്ചിട്ടുള്ള സാഹചര്യത്തില്‍ എം.ജിയുടെ 245 ടച്ച് പോയന്റുകളിലും സര്‍വീസുകളും മറ്റും ആരംഭിക്കുമെന്നും കമ്പനി ഉറപ്പുനല്‍കിയിട്ടുണ്ട്.

എം.ജി. മോട്ടോഴ്‌സിന് പുറമെ, മാരുതി സുസുക്കി, ടാറ്റ മോട്ടോഴ്‌സ്, ഫോര്‍ഡ് തുടങ്ങിയ കമ്പനികളും ഡോര്‍ സ്‌റ്റെപ്പ് സര്‍വീസ് ആരംഭിച്ചിരുന്നു. കോവിഡ് പ്രതിസന്ധിക്ക് മുമ്പ് തന്നെ മാരുതി ഈ സംവിധാനം ആരംഭിച്ചിട്ടുണ്ട്. എന്നാല്‍, കോവിഡ് വ്യാപകമായതോടെ ഈ സേവന സംവിധാനം കൂടുതല്‍ കാര്യക്ഷമമാകുകയായിരുന്നു. മൊബൈല്‍ വര്‍ക്ക്‌ഷോപ്പ് ഒരുക്കിയാണ് ടാറ്റയും മാരുതിയും ഈ സേവനം നല്‍കുന്നത്. ഡയല്‍ എ ഫോര്‍ഡ് പ്രോഗ്രാമിലൂടെയാണ് ഫോര്‍ഡ് ഈ സേവനം എത്തിക്കുന്നത്.

Content Highlights: MG Motor India provides doorstep contactless car services


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
FIFA World Cup 2022 Argentina vs Mexico group c match

2 min

മെക്‌സിക്കന്‍ പ്രതിരോധക്കോട്ട തകര്‍ത്തു; ജീവന്‍ തിരികെപിടിച്ച് മെസ്സിയും സംഘവും

Nov 27, 2022


03:49

ശ്രീഹള്ളി പോകുന്ന വഴിയിലെ ചായക്കടയും ഹിറ്റായ ​ചായക്കടക്കാരനും; വീണ്ടുമെത്തുന്നു പൊള്ളാച്ചി രാജ

Nov 27, 2022


nazer faizy koodathayi

2 min

'പോര്‍ച്ചുഗല്‍ അധിനിവേശം നടത്തിയ രാജ്യം, എതിര്‍പ്പ് വഴിവിട്ട ആരാധനയോട്'; വിശദീകരണവുമായി സമസ്ത

Nov 25, 2022

Most Commented