ന്ത്യയില്‍ മികച്ച വില്‍പ്പന നടക്കുന്ന സ്‌പോര്‍ട്‌സ് യൂട്ടിലിറ്റി ശ്രേണിയിലേക്ക് മെഴ്‌സിഡിസ് ബെന്‍സ് പുതിയ രണ്ട് അംഗങ്ങളെ വിരുന്നിനെത്തിച്ചു. കമ്പനിയുടെ പെര്‍ഫോമെന്‍സ് സബ്-ബ്രാന്‍സ് AMG-ക്ക് കീഴിലാണ് രണ്ടു മോഡലുകളും നിരത്തിലെത്തിയത്. മെഴ്‌സിഡീസ്-AMG G 63 എഡിഷന്‍ 463, മെഴ്‌സിഡിസ്-AMG GLS 63 എന്നീ രണ്ട് കരുത്തുറ്റ മോഡലുകളാണ് ജര്‍മന്‍ നിര്‍മാതാക്കള്‍ പുതുതായി ഇങ്ങോട്ടെത്തിച്ചത്. ഇതോടെ ഇന്ത്യയില്‍ ബെന്‍സിന്റെ എസ്.യു.വി അംഗബലം എട്ടായി ഉയര്‍ന്നു. 

Benz AMG

AMG G 633 എഡിഷന്‍ 463 പതിപ്പിന് 2.17 കോടി രൂപയും AMG GLS 63 പതിപ്പിന് 1.58 കോടി രൂപയുമാണ് പൂണെ എക്‌സ്‌ഷോറൂം വില. മെഴ്‌സിഡീസിന്റെ ഐക്കണിക് മോഡല്‍ AMG G 63 എസ്.യു.വിയുടെ ലിമിറ്റഡ് എഡിഷന്‍ പതിപ്പാണ് AMG 633 എഡിഷന്‍ 463. കമ്പനിയുടെ ഡെസിക്‌നോ പ്ലാറ്റ്‌ഫോമിലാണ് ഇരുമോഡലിന്റെയും നിര്‍മാണം. ഈ ശ്രേണിയിലെ ഏറ്റവും വേഗതയേറിയ പെര്‍ഫോമെന്‍സ് എസ്.യു.വിയാണ് AMG GLS 63. വെറും 4.6 സെക്കന്‍ഡിനുള്ളില്‍ പൂജ്യത്തില്‍ നിന്ന് നൂറ് കിലോമീറ്റര്‍ സഞ്ചരിക്കാന്‍ ഇവനാകും.  

രണ്ട് മോഡലുകളുടെയും രൂപത്തിനൊത്ത മാസീവ് പവര്‍ എഞ്ചിന്‍ നല്‍കുന്നുണ്ട്. AMG G 63-യില്‍ 5.5 ലിറ്റര്‍ V8 സൂപ്പര്‍ചാര്‍ജ്ഡ് പെട്രോള്‍ എഞ്ചിന്‍ 5500 ആര്‍പിഎമ്മില്‍ 563 ബിഎച്ച്പി കരുത്തും 5000 ആര്‍പിഎമ്മില്‍ 760 എന്‍എം ടോര്‍ക്കുമേകും. 5.4 സെക്കന്‍ഡില്‍ പൂജ്യത്തില്‍നിന്ന് നൂറ് കിലോമീറ്റര്‍ വേഗം കൈവിരിക്കാം. AMG സ്പീഡ്ഷിഫ്റ്റ് പ്ലസ് 7G-ട്രോണിക് ഓട്ടോമാറ്റിക്കാണ് ട്രാന്‍സ്മിഷന്‍. 5.5 ലിറ്റര്‍ V8 ബൈ-ടര്‍ബോ എഞ്ചിനാണ് AMG GLS 63-യില്‍ ഉള്‍പ്പെടുത്തിയത്. 577 ബിഎച്ച്പി കരുത്തും 760 എന്‍എം ടോര്‍ക്കുമേകും ഈ എഞ്ചിന്‍. 

Benz
AMG GLS 63