ര്‍മന്‍ ആഡംബര വാഹന നിര്‍മാതാക്കളായ മെഴ്‌സിഡസ് ബെന്‍സിന്റെ ജി.എല്‍.ഇ. വിഭാഗത്തിലെ വമ്പനായി ജി.എല്‍.ഇ.63 എസ് എ.എം.ജി. 4മാറ്റിക് പ്ലസ് കൂപ്പെ മോഡല്‍ ഇന്ത്യന്‍ വിപണിയില്‍ അവതരിപ്പിച്ചു. ജി.എല്‍.ഇ. മോഡലിലെ ഏറ്റവും ഉയര്‍ന്ന വകഭേദമായ ഈ വാഹനത്തിന് 2.07 കോടി രൂപയാണ് ഇന്ത്യയിലെ എക്‌സ്‌ഷോറും വില. മെഴ്‌സിഡസ് ഇന്ത്യയില്‍ വില്‍പ്പനയ്ക്ക് എത്തിച്ചിട്ടുള്ള പന്ത്രണ്ടാമത്തെ എ.എം.ജി. മോഡലാണ് ജി.എല്‍.ഇ.63 എസ് എ.എം.ജി. 4മാറ്റിക് പ്ലസ് കൂപ്പെ.

ഇന്ത്യയിലെ ആഡംബര വാഹനങ്ങളിലെ മേധാവിത്വം ഒരിക്കല്‍കൂടി ഉറപ്പിക്കുന്നതിനായി ഡിസൈന്‍, ഡൈനാമിക്‌സ്, പ്രകടനം എന്നിവയില്‍ മികച്ച കാര്യക്ഷമത ഉറപ്പാക്കിയാണ് ജി.എല്‍.ഇ.63 എസ് എ.എം.ജി. 4മാറ്റിക് പ്ലസ് കൂപ്പെ എത്തിയിട്ടുള്ളതെന്ന് മെഴ്‌സിഡസ് ബെന്‍സ് മേധാവി മാര്‍ട്ടിന്‍ ഷ്വെങ്ക് പറയുന്നു. ഓള്‍ വീല്‍ ഡ്രൈവ് സംവിധാനം ഒരുക്കിയിട്ടുള്ളതിനാല്‍ ഒരേസമയം ഓഫ് റോഡറായും അത്യാഡംബര വാഹനമായും ഈ മോഡല്‍ പെര്‍ഫോം ചെയ്യുമെന്നും അദ്ദേഹം അവകാശപ്പെടുന്നു.

കണ്ണഞ്ചിപ്പിക്കുന്ന സൗന്ദര്യം കൂപ്പെ മോഡലിന്റെയും മുഖമുദ്രയാണ്. പാനമേരിക്കാന ഗ്രില്ല്, എല്‍.ഇ.ഡിയില്‍ ഒരുങ്ങിയിട്ടുള്ള ഡ്യുവല്‍ ഡി.ആര്‍.എല്‍, എല്‍.ഇ.ഡി. ഹെഡ്‌ലാംപ്, പവര്‍ ലൈനുകള്‍ നല്‍കിയുള്ള ബോണറ്റ്, ക്ലാഡിങ്ങുകളും സ്‌കിഡ് പ്ലേറ്റും നല്‍കിയുള്ള മസ്‌കുലര്‍ ബംപര്‍ എന്നിവയാണ് മുഖം അലങ്കരിക്കുന്നത്. ചരിഞ്ഞിറങ്ങുന്ന റൂഫാണ് പിന്‍ഭാഗത്തെ ആകര്‍ഷകമാക്കുന്നത്. ഇതിനൊപ്പം എല്‍.ഇ.ഡി.ലൈറ്റുകളും ഡ്യുവല്‍ എക്‌സ്‌ഹോസ്റ്റ് പൈപ്പും ഡ്യുവല്‍ ടോണ്‍ ബംപറും ചേരുമ്പോള്‍ വാഹനം കൂടുതല്‍ സ്‌റ്റൈലിഷാകുന്നു.

Mercedes-AMG GLE 63 S 4MATIC+ Coupe

സ്‌പോര്‍ട്ടി ലുക്കാണ് എക്‌സ്റ്റീരിയറിന്റെ സൗന്ദര്യമെങ്കില്‍ ആഡംബരമാണ് അകത്തളത്തിന്റെ ഭാവം. നാപ്പ ലെതറില്‍ പൊതിഞ്ഞിട്ടുള്ള സീറ്റുകള്‍, സ്റ്റൈലിഷായി രൂപകല്‍പ്പന ചെയ്തിട്ടുള്ള ഡാഷ്‌ബോര്‍ഡ്, എ.എം.ജി. സ്റ്റിയറിങ് വീല്‍, ഡ്യുവല്‍ സ്‌ക്രീന്‍ സംവിധാനമുള്ള എം.ബി.യു.എക്‌സ്. ഇന്‍ഫോടെയ്ന്‍മെന്റ് സിസ്റ്റം, ഡിജിറ്റല്‍ ഇന്‍സ്ട്രുമെന്റ് കണ്‍സോള്‍, ഓട്ടോമാറ്റിക് ക്ലൈമറ്റ് കണ്‍ട്രോള്‍, ഉയര്‍ന്ന് നില്‍ക്കുന്ന ആംറെസ്റ്റ് തുടങ്ങിയവയാണ് അകത്തളത്തിന് ആഡംബര ഭാവം നല്‍കുന്ന പ്രധാന ഘടകങ്ങള്‍.

4.0 ലിറ്റര്‍ ടര്‍ബോചാര്‍ജ്ഡ് വി8 എന്‍ജിനാണ് ഈ വാഹനത്തില്‍ പ്രവര്‍ത്തിക്കുന്നത്. ഇത് 603 ബി.എച്ച്.പി. പവറും 850 എന്‍.എം. ടോര്‍ക്കുമാണ് ഇത്പാദിപ്പിക്കുന്നത്. ഒമ്പത് സ്പീഡ് എ.എ.ജി. സ്പീഡ്ഷിഫ്റ്റ് ഗിയര്‍ബോക്‌സാണ് ഇതില്‍ ട്രാന്‍സ്മിഷന്‍ നിര്‍വഹിക്കുന്നത്. കേവലം 3.8 സെക്കന്റില്‍ പൂജ്യത്തില്‍ നിന്ന് 100 കിലോമീറ്റര്‍ വേഗത കൈവരിക്കുന്ന ഈ വാഹനത്തിന്റെ പരമാവധി വേഗത മണിക്കൂറില്‍ 280 കിലോമീറ്ററാണ്. 22 എച്ച്.പി. കരുത്തേകുന്ന 48-വോള്‍ട്ട് ഹൈബ്രിഡ് സിസ്റ്റവും ഇതിലുണ്ട്.

Content Highlights: Mercedes-Benz India launches the Mercedes-AMG GLE 63 S 4MATIC+ Coupé