ബെന്‍സ് സി ക്ലാസിലെ വമ്പനായി മെഴ്‌സിഡീസ് എഎംജി സി 63 കൂപ്പെ അവതരിപ്പിച്ചു


എഎംജിയുടെ ജിടിആര്‍ പതിപ്പും മെഴ്‌സിഡീസ് അവതരിപ്പിച്ചിട്ടുണ്ട്.

-

മെഴ്‌സിഡീസിന്റെ ബെന്‍സ് സി-ക്ലാസ് നിരയിലെ വമ്പനായി എഎംജി സി63 കൂപ്പെ മോഡല്‍ ഇന്ത്യയില്‍ അവതരിപ്പിച്ചു. സി- ക്ലാസിലെ ടോപ്പ് വേരിയന്റായ ഈ കൂപ്പെ മോഡലിന് 1.33 കോടി രൂപയാണ് ഇന്ത്യയിലെ എക്‌സ്‌ഷോറൂം വില. ഈ വാഹനത്തിനൊപ്പം തന്നെ എഎംജിയുടെ ജിടിആര്‍ പതിപ്പും മെഴ്‌സിഡീസ് അവതരിപ്പിച്ചിട്ടുണ്ട്.

കൊറോണ വൈറസ് ഭീഷണി നിലനില്‍ക്കുന്നത് പരിഗണിച്ച് ഡിജിറ്റല്‍ പ്ലാറ്റ്‌ഫോമിലൂടെയുടെ ഈവന്റിലാണ് മെഴ്‌സിഡീസ് ഈ രണ്ട് വാഹനങ്ങളും ഇന്ത്യയില്‍ അവതരിപ്പിച്ചത്. കൊറോണ ലോക്ക്ഡൗണ്‍ കാലത്ത് മെഴ്‌സിഡീസ് ഇന്ത്യയില്‍ അവതരിപ്പിച്ച ആദ്യ മോഡലുകളാണ് എഎംജി സി63 കൂപ്പെയും എഎംജിയുടെ ജിടിആറും.

ബെല്‍സ് സി-ക്ലാസിലെ ഫഌഗ്ഷിപ്പ് മോഡലായ എഎംജി സി63 കൂപ്പെയില്‍ പുതിയ ഫീച്ചറുകള്‍ക്ക് പുറമെ നവീന ഡിസൈന്‍ ശൈലികളും സ്ഥാനം പിടിച്ചിട്ടുണ്ട്. എഎംജി ജിടിയില്‍ നിന്ന് കടമെടുത്ത പാനമേരിക്കാന ഗ്രില്ല്, ബഗ്-ഐ ഹെഡ്‌ലാമ്പ്, എല്‍ഇഡി ഡിആര്‍എല്‍, മസ്‌കുലര്‍ ബോണറ്റ്, പുതിയ ബംമ്പര്‍, 18 ഇഞ്ച് അലോയി വീല്‍, ഡിഫ്യൂസര്‍ തുടങ്ങിയവ ഈ വാഹനത്തിന് സ്‌പോട്ടി ഭാവമൊരുക്കും.

അകത്തളത്തിലെ ഡിജിറ്റല്‍ ഇന്‍സ്ട്രുമെന്റ് ക്ലെസ്റ്റര്‍, ഇന്‍ഫോടെയ്ന്‍മെന്റ് സിസ്റ്റം എന്നിവ മുന്‍ മോഡലില്‍നിന്ന് മാറ്റമില്ലാതെ ഈ പതിപ്പിലും നല്‍കി. ബ്ലാക്ക്-റെഡ് ഫിനീഷിങ്ങ് ലെതറില്‍ ഒരുങ്ങിയ ബക്കറ്റ് സീറ്റുകള്‍, ഫഌറ്റ് ബോട്ടം എഎംജി സ്റ്റിയറിങ്ങ് വീല്‍, ആറ് ഡ്രൈവ് മോഡ് എന്നിവ ഇന്റീരിയറിനെ കൂടുതല്‍ കരുത്തുള്ളതാക്കുന്നു.

ന്‌ല് ലിറ്റര്‍ ബൈ-ടര്‍ബോ വി8 എന്‍ജിനാണ് ഈ വാഹനത്തിന് കുതിപ്പേകുന്നത്. ഇത് 469 ബിഎച്ച്പി പവറും 650 എന്‍എം ടോര്‍ക്കുമേകും. എഎംജി സ്പീഡ് ഷിഫ്റ്റ് 9ജി ട്രോണിക്കാണ് ട്രാന്‍സ്മിഷന്‍. മണിക്കൂറില്‍ 250 കിലോമീറ്ററാണ് ഈ വാഹനത്തിന്റെ പരമാവധി വേഗം. സെക്കന്റുകള്‍ക്കുള്ളില്‍ തന്നെ പൂജ്യത്തില്‍ നിന്ന് 100 കിലോമീറ്റര്‍ വേഗത കൈവരിക്കും.

Content Highlights; Mercedes Benz AMG C63 Coupe Launched In India


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
rahul Gandhi

3 min

നടന്നു പോകുന്ന മനുഷ്യാ... നിങ്ങൾക്കൊപ്പമെത്താൻ ഇന്ത്യയ്ക്കാവുമെന്നു തോന്നുന്നില്ല

Sep 26, 2022


sreenath bhasi

1 min

അവതാരകയെ അപമാനിച്ച കേസ്; ശ്രീനാഥ് ഭാസിയെ ജാമ്യത്തില്‍വിട്ടു, കേസുമായി മുന്നോട്ടെന്ന് പരാതിക്കാരി

Sep 26, 2022


wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022

Most Commented