കിടിലന്‍ ലുക്കില്‍ മാരുതി സുസുക്കി എസ്-പ്രെസോ; ആദ്യ രേഖാചിത്രം പുറത്തുവിട്ടു


4.5 ലക്ഷം വരെ വില പ്രതീക്ഷിക്കാം.

മാരുതിയുടെ പുതിയ മിനി എസ്.യു.വി മോഡലായ എസ്-പ്രെസോയുടെ രൂപം വ്യക്തമാക്കുന്ന ആദ്യ രേഖാചിത്രം കമ്പനി പുറത്തുവിട്ടു. സെപ്റ്റംബര്‍ 30-നാണ് എസ്-പ്രെസോ മറനീക്കി അവതരിക്കുന്നത്. 2018 ഇന്ത്യ ഓട്ടോ എക്‌സ്‌പോയില്‍ വാഹനപ്രേമികളുടെ ശ്രദ്ധപിടിച്ചുപറ്റിയ ഫ്യൂച്ചര്‍ എസ് കണ്‍സെപ്റ്റിന്റെ പ്രൊഡക്ഷന്‍ മോഡലാണിത്‌. രേഖാചിത്രം പ്രകാരം കണ്‍സെപ്റ്റിനോട് നീതി പുലര്‍ത്തുന്ന രൂപം എസ്-പ്രെസോയ്ക്ക് അവകാശപ്പെടാനുണ്ട്.

'Espresso' കാപ്പിയില്‍ നിന്നാണ് S-Presso എന്ന പേര് മാരുതി തിരഞ്ഞെടുത്തത്. വലിയ എസ്.യു.വികളോട് കിടപിടിക്കുന്ന രൂപഘനടയിലാണ് എസ്-പ്രെസോ. ഹാര്‍ക്ടെക്റ്റ് പ്ലാറ്റ്‌ഫോമിലാണ് വാഹനത്തിന്റെ നിര്‍മാണം. ബോക്‌സി രൂപഘടന, ചെറുതാണെങ്കിലും ഉയര്‍ന്ന ബോണറ്റ്, മുന്നിലെയും പിന്നിലെയും വലുപ്പത്തിലുള്ള ബംമ്പര്‍, മസ്‌കുലാറായ വീല്‍ ആര്‍ച്ച്, ഗ്രില്ലിലെ ക്രോം ഫിനിഷിങ്, ബോഡി ക്ലാഡിങ് എന്നിവ എസ്-പ്രെസോയ്ക്ക് സ്‌പോര്‍ട്ടി പരിവേഷം നല്‍കും. ആള്‍ട്ടോയെക്കാള്‍ വലുതും ബ്രെസയേക്കാള്‍ കുഞ്ഞനുമാണ് എസ്-പ്രെസോ. 3665 എംഎം നീളവും 1520 എംഎം വീതിയും 1549 എംഎം/1564 എംഎം ഉയരവും 2380 എംഎം വീല്‍ബേസും വാഹനത്തിനുണ്ട്. 1170 കിലോഗ്രാമാണ് ഭാരം. 13, 14 ഇഞ്ച് വീലുകളില്‍ എസ്-പ്രെസോ ലഭ്യമാകും.

സ്മാര്‍ട്ട് കണക്ടിവിറ്റിയുള്ള ഇന്‍ഫോടെയ്ന്‍മെന്റ് സിസ്റ്റം, മള്‍ട്ടി ഫങ്ഷന്‍ സ്റ്റീയറിങ് വീല്‍ എന്നിവ ഇന്റീരിയറിനെയും സമ്പന്നമാക്കും. ബിഎസ് 6 നിലവാരത്തിലുള്ള 1.0 ലിറ്റര്‍ ത്രീ സിലിണ്ടര്‍ പെട്രോള്‍ എന്‍ജിനാണ് വാഹനത്തിന് കരുത്തേകുന്നത്. 68 ബിഎച്ച്പി പവറും 90 എന്‍എം ടോര്‍ക്കുമാണ് ഈ എന്‍ജിനില്‍ ലഭിക്കുക. 5 സ്പീഡ് മാനുവല്‍, ഓട്ടോമാറ്റിക്കാണ് ട്രാന്‍സ്മിഷന്‍. സ്റ്റാന്റേര്‍ഡ്, LXi, VXi, VXi+ എന്നീ വേരിയന്റുകളില്‍ ആറ് മാനുവല്‍, മൂന്ന് ഓട്ടോമാറ്റിക് വകഭേദങ്ങളുണ്ട്. 3.3 ലക്ഷം രൂപ മുതല്‍ 4.5 ലക്ഷം വരെ വില പ്രതീക്ഷിക്കാം. മാരുതി അരീന ഡീലര്‍ഷിപ്പുകള്‍ വഴിയാണ് എസ്-പ്രെസോയുടെ വിപണനം നടക്കുക.

Content Highlights; maruti suzuki s presso mini suv officially teased

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
hyderabad encounter

1 min

ഹൈദരാബാദ് കൂട്ടബലാത്സംഗ കേസിലെ പ്രതികള്‍ കൊല്ലപ്പെട്ടത് വ്യാജ ഏറ്റുമുട്ടലില്‍- സുപ്രീം കോടതി സമിതി

May 20, 2022


modi

1 min

ചൈനയെ നേരിടാന്‍ ബ്രഹ്മപുത്രയ്ക്ക്‌ അടിയിലൂടെ തുരങ്കം; റോഡ്, റെയില്‍ പാത: രാജ്യത്ത് ഇതാദ്യം

May 19, 2022


Sabu m Jacob

4 min

കെ.എസ്.ആര്‍.ടി.സി-യെ ഇനി കോഴിക്കൂട് ഉണ്ടാക്കാനും ഉപയോഗിക്കും;  ഇത് ലോകം മാതൃകയാക്കണം-സാബു എം ജേക്കബ്

May 20, 2022

More from this section




Most Commented