വീണ്ടും വില വര്‍ധിപ്പിച്ച് മാരുതി; ഇത്തവണ കൂട്ടിയത് സ്വിഫ്റ്റിനും സി.എന്‍.ജി. കാറുകള്‍ക്കും


മാരുതിയുടെ മറ്റ് മോഡലുകള്‍ക്കും വില വര്‍ധിപ്പിക്കാനുള്ള നീക്കം നടക്കുന്നുണ്ടെന്നാണ് സൂചന.

മാരുതി സ്വിഫ്റ്റ് | Photo: Maruti Suzuki

ന്ത്യയിലെ ഏറ്റവും വലിയ വാഹന നിര്‍മാതാക്കളായ മാരുതി സുസുക്കി ഏതാനും മോഡലുകളുടെ വില വര്‍ധിപ്പിച്ചു. മാരുതിയുടെ ജനപ്രിയ ഹാച്ച്ബാക്ക് മോഡലായ സ്വിഫ്റ്റിനും സി.എന്‍.ജി. ഫ്യുവല്‍ വാഹനങ്ങള്‍ക്കുമാണ് വില വര്‍ധിപ്പിച്ചിരിക്കുന്നത്. എക്‌സ്‌ഷോറൂം വിലയില്‍ 15,000 രൂപ വര്‍ധിപ്പിച്ചിട്ടുണ്ടെനന്നാണ് റിപ്പോര്‍ട്ട്. പുതുക്കിയ വില ഇന്ന് മുതല്‍ പ്രാബല്യത്തില്‍ വരുമെന്നും മാരുതി സുസുക്കി അറിയിച്ചു.

വാഹനങ്ങളുടെ നിര്‍മാണ ചെലവില്‍ കാര്യമായ വര്‍ധനവുണ്ടായിട്ടുണ്ടെന്ന് ചൂണ്ടിക്കാട്ടിയാണ് മാരുതി വില വര്‍ധനവ് പ്രഖ്യാപിച്ചിട്ടുള്ളത്. മാരുതിയുടെ മറ്റ് മോഡലുകള്‍ക്കും വില വര്‍ധിപ്പിക്കാനുള്ള നീക്കവും നടക്കുന്നുണ്ടെന്നാണ് സൂചന. ഇത് സംബന്ധിച്ച ഔദ്യോഗിക പ്രഖ്യാപനവും വൈകാതെ ഉണ്ടായേക്കും. അതേസമയം, മറ്റ് മോഡലുകള്‍ക്ക് എത്ര രൂപയാണ് വര്‍ധിപ്പിക്കുകയെന്ന കാര്യത്തില്‍ വ്യക്തതയില്ല.

സ്വിഫ്റ്റിന്റെയും മറ്റ് സി.എന്‍.ജി. മോഡലുകളുടെയും വില വര്‍ധിപ്പിക്കുമെന്ന് ജൂണ്‍ 21-ന് മാരുതി സുസുക്കി പ്രഖ്യാപിച്ചിരുന്നു. മോഡലുകള്‍ അനുസരിച്ച് പരമാവധി 15,000 രൂപ വരെയാണ് വില വര്‍ധിപ്പിച്ചിട്ടുള്ളതെന്നാണ് മാരുതി അറിയിച്ചിരിക്കുന്നത്. വാഹന നിര്‍മാണത്തിന് ഉപയോഗിക്കുന്ന സാമഗ്രികളുടെ വിലയിലുണ്ടായ വര്‍ധനവാണ് കമ്പനിയെ ഈ നീക്കത്തിന് പ്രേരിപ്പിച്ചിരിക്കുന്നതെന്നാണ് നിര്‍മാതാക്കള്‍ അറിയിച്ചിരിക്കുന്നത്.

വാഹനങ്ങളുടെ വില വര്‍ധിപ്പിക്കാന്‍ ഒരുങ്ങുന്നുവെന്ന് കഴിഞ്ഞ മാസം മാരുതി അറിയിച്ചിരുന്നു. എന്നാല്‍, ഏതെല്ലാം വാഹനങ്ങളെയാണ് വില വര്‍ധന ബാധിക്കുകയെന്നും എത്ര രൂപയാണ് ഉയര്‍ത്തുന്നതെന്നും വെളിപ്പെടുത്തിയിരുന്നില്ല. നിലവില്‍ ഏതാനും മോഡലുകളെ മാത്രമാണ് വില വര്‍ധനവ് ബാധിച്ചിട്ടുള്ളതെങ്കിലും മറ്റ് വാഹനങ്ങളുടെയും വില വര്‍ധിപ്പിക്കാന്‍ കമ്പനി നിര്‍ബന്ധിതമാകുന്നുണ്ടെന്നാണ് റിപ്പോര്‍ട്ടുകള്‍.

ഈ വര്‍ഷം ഇത് മൂന്നാം തവണയാണ് മാരുതി വില വര്‍ധിപ്പിക്കുന്നത്. ജനുവരിയിലും ഏപ്രിലിലുമായിരുന്നു ആദ്യ രണ്ട് വില വര്‍ധനവുകള്‍. 34,000 രൂപ വരെയാണ് ജനുവരില്‍ മാരുതി വില വര്‍ധിപ്പിച്ചത്. ഇത്തവണ സ്വിഫ്റ്റിന് പുറമെ, സി.എന്‍.ജി. എന്‍ജിനിലെത്തുന്ന ആള്‍ട്ടോ, എസ്-പ്രെസോ, സെലേറിയോ, വാഗണ്‍ആര്‍, ഈക്കോ, എര്‍ട്ടിഗ എന്നീ വാഹനങ്ങള്‍ക്കാണ് വില വര്‍ധിപ്പിക്കുന്നത്.

Content Highlights: Maruti Suzuki Price Increased For Swift and Other CNG Models

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Nambi, Sasikumar

9 min

നമ്പി നാരായണൻ അപമാനിക്കുന്നത് ഐ.എസ്.ആർ.ഒയെ- ശശികുമാർ

Aug 10, 2022


thomas isaac

2 min

'ആ അഞ്ചുവര്‍ഷം നഷ്ടപ്പെട്ടില്ലായിരുന്നെങ്കില്‍ വേറൊരു കേരളമായേനെ, ഇ.ഡിയുടെ നീക്കം പാര്‍ട്ടി നേരിടും'

Aug 11, 2022


14:00

'ഞാൻ ചെല്ലുമ്പോഴേക്കും അ‌ച്ഛന്റെ ദേഹത്തെ ചൂടുപോലും പോയിരുന്നു' | Suresh Gopi | Gokul | Talkies

Jul 26, 2022

Most Commented