10 ലക്ഷം കാറുകള്‍ നിര്‍മിക്കാന്‍ ശേഷിയുള്ള പ്ലാന്റ് ഒരുക്കാന്‍ മാരുതി; നിക്ഷേപം 18,000 കോടി രൂപ


ഹരിയാണയിലെ ഗുരുഗ്രാമിലുള്ള കമ്പനിയുടെ ഏറ്റവും ആദ്യത്തേതും പഴയതുമായ ഫാക്ടറിക്കു പകരമായിട്ടാവും പുതിയ നിര്‍മാണശാല.

മാരുതി സ്വിഫ്റ്റ് | Photo: Maruti Suzuki

രാജ്യത്തെ ഏറ്റവും വലിയ കാര്‍ നിര്‍മാതാക്കളായ മാരുതി സുസുക്കി വര്‍ഷം 10 ലക്ഷം കാറുകള്‍വരെ നിര്‍മിക്കാന്‍ ശേഷിയുള്ള പുതിയ ഫാക്ടറിക്കായി 18,000 കോടി രൂപയുടെ നിക്ഷേപത്തിനൊരുങ്ങുന്നു.

700 മുതല്‍ 1000 ഏക്കര്‍വരെ വിസ്തൃതിയില്‍ വര്‍ഷം ഏഴരലക്ഷം മുതല്‍ 10 ലക്ഷംവരെ കാറുകള്‍ നിര്‍മിക്കാന്‍ കഴിയുന്നതായിരിക്കും പുതിയ നിര്‍മാണശാലയെന്ന് കമ്പനി ചെയര്‍മാന്‍ ആര്‍.സി. ഭാര്‍ഗവ വെളിപ്പെടുത്തി. ഹരിയാണയിലെ ഗുരുഗ്രാമിലുള്ള കമ്പനിയുടെ ഏറ്റവും ആദ്യത്തേതും പഴയതുമായ ഫാക്ടറിക്കു പകരമായിട്ടാവും പുതിയ നിര്‍മാണശാല.

300 ഏക്കര്‍ വിസ്തൃതിയിലുള്ളതാണ് ഗുരുഗ്രാമിലെ ഫാക്ടറി. ഇവിടെ സ്ഥലപരിമിതി രൂക്ഷമാണ്. മാത്രമല്ല, ജനവാസമേഖലയിലായതിനാല്‍ ട്രക്കുകളുടെ നീക്കം പല ബുദ്ധിമുട്ടുകളും ഉണ്ടാക്കുന്നുണ്ട്.

എത്രയും വേഗം പുതിയ സ്ഥലത്തേക്ക് ഉത്പാദനം മാറ്റുന്നതിനാണ് കമ്പനി ലക്ഷ്യമിടുന്നത്. കോവിഡ് വ്യാപനത്തെത്തുടര്‍ന്നാണ് പുതിയ പ്ലാന്റിനായുള്ള നടപടികള്‍ വൈകിയത്. ഹരിയാണയില്‍ത്തന്നെ നിക്ഷേപം നടത്തുന്നതിനാണ് മുന്‍ഗണന.

Content Highlights: Maruti Suzuki Invest 18000 Crore Rupees For New Car Plant


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
popular front

1 min

'ഇന്ത്യയില്‍ ഇസ്‌ലാമിക ഭരണത്തിന് ഗൂഢാലോചന നടത്തി'; PFI നേതാക്കളുടെ റിമാന്‍ഡ് റിപ്പോര്‍ട്ടില്‍ NIA

Sep 23, 2022


amazon

3 min

74,999 രൂപയുടെ സാംസങ് ഗാലക്‌സി എസ്20 എഫ്ഇ 29,999 രൂപയ്ക്ക്; സ്മാര്‍ട്ട്‌ഫോണുകള്‍ക്ക് ഗംഭീര ഓഫറുകള്‍

Sep 24, 2022


05:03

'ഇയാള്‍ പുറത്തിറങ്ങി നടക്കുന്നത് കണ്ട് ആളുകള്‍ ഇനിയും കുട്ടികളെയൊക്കെ ആക്രമിക്കും'

Sep 21, 2022

Most Commented