പ്രതീകാത്മക ചിത്രം | Photo: PTI
ഇന്ത്യയിലെ ഏറ്റവും വലിയ വാഹന നിര്‍മാതാക്കളായ മാരുതി സുസുക്കി ഉത്പാദനക്ഷമത വര്‍ധിപ്പിക്കാനൊരുങ്ങുന്നു. ഇതിന്റെ ഭാഗമായി പ്രതിവര്‍ഷം 2.5 ലക്ഷം വാഹനങ്ങള്‍ നിര്‍മിക്കാന്‍ ശേഷിയുള്ള പ്ലാന്റ് നിര്‍മിക്കുമെന്നാണ് കമ്പനി അറിയിച്ചിരിക്കുന്നത്. ഹരിയാണയിലെ സോനീപതിലാണ് മാരുതിയുടെ ഉയര്‍ന്ന നിര്‍മാണ ശേഷിയുള്ള പ്ലാന്റ് നിര്‍മിക്കാന്‍ പദ്ധതി ഒരുക്കിയിട്ടുള്ളതെന്നാണ് മാരുതി അറിയിച്ചിരിക്കുന്നത്.
പുതുതായി നിര്‍മിക്കുന്ന പ്ലാന്റിന്റെ നിര്‍മാണം 2025-ഓടെ പൂര്‍ത്തിയാക്കുമെന്നാണ് മാരുതി അറിയിച്ചിരിക്കുന്നത്. സോനീപത്തില്‍ നിര്‍മിക്കുന്ന പുതിയ ഫാക്ടറിക്കായി വരുന്ന മൂന്നുവര്‍ഷംകൊണ്ട് 11,000 കോടി രൂപയുടെ നിക്ഷേപം നടത്തുമെന്നും മാരുതി സുസുക്കി ഉറപ്പുനല്‍കി. നിക്ഷേപത്തിന്റെ ആദ്യ ചുവടുവയ്പ്പായി നടപ്പ് സാമ്പത്തികവര്‍ഷം 5,000 കോടി രൂപയുടെ നിക്ഷേപം നടത്താനാണ് കമ്പനി പദ്ധതി ഒരുക്കിയിട്ടുള്ളതെന്നുമാണ് റിപ്പോര്‍ട്ട്.
സോനീപതിലെ ഐ.എം.ടി. ഖര്‍ഖോഡയില്‍ 800 ഏക്കര്‍ സ്ഥലത്താണ് പ്ലാന്റ് സ്ഥാപിക്കുന്നത്. ഫാക്ടറിക്കായി ഹരിയാണ വ്യവസായ അടിസ്ഥാനസൗകര്യ വികസന കോര്‍പ്പറേഷന്‍ ഭൂമി വെള്ളിയാഴ്ച കൈമാറി. രണ്ടരലക്ഷം കാറുകളുടെ വാര്‍ഷികനിര്‍മാണ ശേഷിയുള്ള നാലുയൂണിറ്റുകളാണ് പുതിയ പ്ലാന്റ് ഒരുങ്ങുന്നത്. ഇതിലെ ആദ്യ യൂണിറ്റിന്റെ നിര്‍മാണമാണ് 2025-ല്‍ പൂര്‍ത്തിയാകുമെന്നാണ് പ്രതീക്ഷിക്കുന്നത്.
പ്ലാന്റിന്റെ നിര്‍മാണം പൂര്‍ത്തിയായി പൂര്‍ണമായും പ്രവര്‍ത്തനസജ്ജമാകുന്നതോടെ പ്രതിവര്‍ഷം പത്തുലക്ഷം കാറുകള്‍ ഇവിടെനിന്ന് പുറത്തിറക്കാന്‍ കഴിയുമെന്നാണ് മാരുതി സുസുക്കി അവകാശപ്പെടുന്നത്. ഇത് സാധ്യമാകുന്നതോടെ ഇത് കമ്പനിയുടെ ഏറ്റവും വലിയ നിര്‍മാണശാലയായി മാറുമെന്ന് മാരുതി അഭിപ്രായപ്പെട്ടു. അതേസമയം, ഭാവിയില്‍ രാജ്യത്തെ വാഹനവില്‍പ്പനയുടെ അടിസ്ഥാനത്തിലായിരിക്കും ശേഷി വര്‍ധിപ്പിക്കുക.
ഹരിയാണയിലെ ഗുരുഗ്രാം, മനേസര്‍ എന്നിവിടങ്ങളിലായി രണ്ട് വാഹന നിര്‍മാണ പ്ലാന്റുകളും ഗുജറാത്തില്‍ ഒരു മാനുഫാക്ചറിങ്ങ് കോംപ്ലക്‌സുമാണ് മാരുതിക്കുള്ളത്. ഗുജറാത്തിലെ നിര്‍മാണ കോംപ്ലക്‌സ് സുസുക്കിയുടെ ഉടമസ്ഥതയിലുള്ളതാണെന്നാണ് റിപ്പോര്‍ട്ട്. ആര്‍ട്ടോ, വാഗണ്‍ആര്‍, എസ്-പ്രെസോ, സെലേറിയോ, സ്വിഫ്റ്റ്, ഇഗ്നീസ്, ബലേനോ, ഡിസയര്‍, സിയാസ്, വിത്താര ബ്രെസ, എസ്-ക്രോസ്, എര്‍ട്ടിഗ, എക്‌സ്.എല്‍.6, ഇക്കോ തുടങ്ങിയ മോഡലുകളാണ് മാരുതിയുടെ വാഹന നിരയിലുള്ളത്.
Content Highlights: Maruti Suzuki finalises land site for new manufacturing plant in Haryana, Maruti suzuki
Also Watch
RELATED STORIES
.jpg?$p=9c95f3b&f=1x1&w=100&q=0.8)
IN CASE YOU MISSED IT
.jpg?$p=aa62323&f=1x1&w=100&q=0.8)
.jpg?$p=03702f3&q=0.8&f=16x11&w=104)
.jpg?$p=be68e5b&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..