59 മാസം, എട്ട് ലക്ഷം യൂണിറ്റ്; നിരത്തില്‍ വമ്പന്‍ കുതിപ്പുമായി മാരുതി സുസുക്കി ബലേനൊ


2015 ഒക്ടോബറിലാണ് ബലേനൊ ഹാച്ച്ബാക്ക് ഇന്ത്യയില്‍ എത്തുന്നത്.

മാരുതി സുസുക്കി ബലേനൊ | Photo: Nexa Experience

ന്ത്യയിലെ പ്രീമിയം ഹാച്ച്ബാക്ക് വാഹനങ്ങളില്‍ കടുത്ത മത്സരം ഒരുക്കുന്ന വാഹനമാണ് മാരുതി ബലേനൊ. 2020 ഒക്ടോബറില്‍ നിരത്തിലെത്തിയതിന്റെ അഞ്ചാം വാര്‍ഷികം ആഘോഷിക്കുന്ന ഈ വാഹനത്തിന്റെ എട്ട് ലക്ഷം യൂണിറ്റാണ് ഇതിനോടകം മാരുതി വിപണിയില്‍ എത്തിച്ചിരിക്കുന്നത്. ഈ ശ്രേണിയില്‍ ചുരുങ്ങിയ കാലത്തിനുള്ളില്‍ ഏറ്റവുമധികം വിറ്റഴിക്കപ്പെട്ട വാഹനമെന്ന ഖ്യാതിയും ബലേനൊക്കാണ്.

2015 ഒക്ടോബറിലാണ് ബലേനൊ ഹാച്ച്ബാക്ക് ഇന്ത്യയില്‍ എത്തുന്നത്. മാരുതിയുടെ പ്രീമിയം ഡീലര്‍ഷിപ്പായ നെക്‌സയിലൂടെ വില്‍പ്പനയ്‌ക്കെത്തുന്ന രണ്ടാമത്തെ മോഡലാണ് ബലേനൊ. അവതരിപ്പിച്ച് 59 മാസം പിന്നിടുമ്പോഴും നെക്‌സയിലെ ടോപ്പ് സെല്ലിങ്ങ് മോഡല്‍ എന്ന ഖ്യാതിയും മാരുതിയുടെ ഈ പ്രീമിയം ഹാച്ച്ബാക്കിനാണ്. 2015-ല്‍ എത്തിയ ഈ വാഹനം ഒരു തവണ മുഖം മിനുക്കലിനും വിധേയമായിരുന്നു.

മാരുതിയുടെ കണക്ക് അനുസരിച്ച് പ്രതിമാസം ശരാശരി 15,000 യൂണിറ്റ് ബലേനൊ നിരത്തുകളില്‍ എത്തുന്നുണ്ട്. സെപ്റ്റംബറിലെ കണക്കനുസരിച്ച് 19,433 ബൊലേനൊയാണ് വിപണിയില്‍ എത്തിയത്. മാരുതി സുസുക്കി- ടൊയോട്ട കൂട്ടുകെട്ടിന്റെ ഫലമായി ആദ്യമായി ടൊയോട്ട ബാഡ്ജിങ്ങിലെത്തിയ ആദ്യ മാരുതി വാഹനവും ബലേനൊ ആയിരുന്നു.

2015 ഒക്ടോബറില്‍ അവതരിപ്പിച്ച ഈ വാഹനം ആദ്യ ഒരു വര്‍ഷത്തില്‍ തന്നെ ഒരു ലക്ഷം യൂണിറ്റ് വിറ്റഴിച്ചിരുന്നു. 2017-ല്‍ ബലേനൊയില്‍ സി.വി.ടി ഗിയര്‍ബോക്‌സ് സ്ഥാനം പിടിക്കുകയായിരുന്നു. 2018-ല്‍ വില്‍പ്പന അഞ്ച് ലക്ഷം എന്ന നാഴികക്കല്ല് താണ്ടുകയും ചെയ്തു. 2019-ല്‍ പ്രീമിയം ഹാച്ച്ബാക്ക് ശ്രേണിയില്‍ ആദ്യമായി സ്മാര്‍ട്ട് ഹൈബ്രിഡ് സാങ്കേതിക വിദ്യയുമായി ബലേനൊ വീണ്ടും നിരത്തുകളില്‍ എത്തുകയായിരുന്നു.

തുടക്കത്തില്‍ ഡീസല്‍ എന്‍ജിനിലെത്തിയിരുന്നെങ്കിലും പിന്നീട് പെട്രോള്‍ എന്‍ജിനില്‍ മാത്രമായി ചുരുങ്ങുകയായിരുന്നു. 1.2 ലിറ്റര്‍ വി.വി.ടി പെട്രോള്‍ എന്‍ജിനാണ് ബലേനൊയില്‍ കരുത്തേകുന്നത്. ഇത് 82 ബി.എച്ച്.പി പവറും 113 എന്‍.എം ടോര്‍ക്കുമേകും. ഹൈബ്രിഡ് മോഡല്‍ 89 ബി.എച്ച്.പി പവറാണ് ഉത്പാദിപ്പിക്കുന്നത്. അഞ്ച് സ്പീഡ് മാനുവല്‍, സി.വി.ടി ട്രാന്‍സ്മിഷനുകളിലാണ് ഇത് നിരത്തിലെത്തുന്നത്.

ഇന്ത്യയില്‍ കരുത്തരായ എതിരാളികളുടെ നിരയും ബലേനൊയോട് ഏറ്റുമുട്ടുന്നുണ്ട്. ടാറ്റ അല്‍ട്രോസ്, ഹ്യുണ്ടായി ഐ20, ഹോണ്ട ജാസ്, ഫോക്‌സ്‌വാഗണ്‍ പോളൊ, ബലേനൊയുടെ തന്നെ റീ ബാഡ്ജിങ്ങ് പതിപ്പായ ടൊയോട്ട ഗ്ലാന്‍സ തുടങ്ങിയ വാഹനങ്ങളാണ് എതിരാളികളുടെ പട്ടികയിലുള്ളത്. ഗ്ലാന്‍സയുടെ വില്‍പ്പനയും പ്രതിമാസം ശരാശരി 2000 യൂണിറ്റിന് മുകളിലാണെന്നാണ് റിപ്പോര്‍ട്ട്.

Content Highlights: Maruti Baleno Achieve 8 Lakhs Milestone In Five Years


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


v muraleedharan

1 min

കേരളം കത്തുമ്പോള്‍ പിണറായി ചെണ്ടകൊട്ടി രസിച്ചു, ഒരുമഹാന്‍ കണ്ടെയ്‌നറില്‍ കിടന്നുറങ്ങി- വി മുരളീധരന്‍

Sep 24, 2022

Most Commented