ദീപാവലി ആഘോഷം കളറാക്കാനിറങ്ങിയത് 700 XUV700; ബുക്കിങ്ങ് 70,000 കടന്ന് കുതിക്കുന്നു


XUV700 പെട്രോള്‍ മോഡലിന് 12.49 ലക്ഷം മുതല്‍21.29 ലക്ഷം രൂപ വരെയും ഡീസലിന് 12.99 ലക്ഷം മുതല്‍ 22.89 ലക്ഷം രൂപ വരെയുമാണ് എക്‌സ്‌ഷോറൂം വില.

മഹീന്ദ്ര XUV700 | Photo: Mahindra.com

ന്ത്യയിലെ വാഹന വിപണിയുടെ കൊയ്ത്ത് കാലമായാണ് ഉത്സവ സീസണിനെ വിശേഷിപ്പിക്കുന്നത്. ധന്‍തെരാസ് മുതല്‍ വാഹനങ്ങളുടെ കൂട്ടമായുള്ള ഡെലിവറി ഉള്‍പ്പെടെ സംഘടിപ്പിച്ച് നിര്‍മാതാക്കള്‍ ഉത്സവം ആഘോഷമാക്കാറുണ്ട്. എന്നാല്‍, ഇത്തവണ ഈ ആഘോഷം അക്ഷരാര്‍ഥത്തില്‍ കളറാക്കിയത് മഹീന്ദ്രയാണ്. കമ്പനിയില്‍ നിന്ന് ഏറ്റവുമൊടുവില്‍ നിരത്തുകളിലെത്തിയ എക്‌സ്.യു.വി.700-ന്റെ വിതരണത്തിലൂടെയാണ് മഹീന്ദ്ര ദീപാവലി ആഘോഷമാക്കിയത്.

ദീപാവലി ആഘോഷത്തിന്റെ ഭാഗമായി എക്‌സ്.യു.വി.700-ന്റെ 700 യൂണിറ്റാണ് ഉപയോക്താക്കള്‍ക്ക് കൈമാറിയത്. ഒക്ടോബര്‍ 30-ാണ് ഈ വാഹനത്തിന്റെ വിതരണം ആരംഭിച്ചത്. ചുരുങ്ങിയ ദിവസത്തിനുള്ളില്‍ 700 വാഹനങ്ങളുടെ വിതരണം നടത്താനായത് വലിയ നേട്ടമായാണ് നിര്‍മാതാക്കള്‍ കരുതുന്നത്. വാഹനങ്ങളില്‍ ഉപയോഗിക്കുന്ന സെമി കണ്ടക്ടര്‍ ചിപ്പുകളുടെ ക്ഷാമം ആഗോള തലത്തില്‍ തന്നെ വാഹന നിര്‍മാണത്തെ ബാധിച്ചിരിക്കെയാണ് മഹീന്ദ്രയുടെ ഈ നേട്ടം.

Mahindra XUV700
മഹീന്ദ്ര XUV700 | Photo: Mahindra.com

അതേസമയം, ഈ വാഹനം സ്വന്തമാക്കാനെത്തുന്നവരുടെ എണ്ണം ദിനംപ്രതി ഉയരുന്നതായാണ് വിവരം. ഏറ്റവും ഒടുവിലെ റിപ്പോര്‍ട്ട് അനുസരിച്ച് ഇതിനോടകം 70,000 ബുക്കിങ്ങുകള്‍ ഈ വാഹനത്തിന് ലഭിച്ചിട്ടുണ്ട്. ബുക്കിങ്ങ് തുറന്ന് ആദ്യ രണ്ട് ദിനങ്ങളിലെ മൂന്ന് മണിക്കൂറിനുള്ളില്‍ 50,000 ബുക്കിങ്ങുകളാണ് ഈ വാഹനത്തിന് ലഭിച്ചിരുന്നത്. ഒരു മാസത്തോട് അടുക്കുമ്പോഴും വാഹനത്തിന് മികച്ച എന്‍ക്വയറിയും ബുക്കിങ്ങ് വരുന്നുണ്ടെന്നാണ് മഹീന്ദ്ര അവകാശപ്പെടുന്നത്.

എക്‌സ്.യു.വി.700 പെട്രോള്‍ എന്‍ജിന്‍ മോഡലുകളുടെ വിതരണമാണ് ഇപ്പോള്‍ ആരംഭിച്ചിരിക്കുന്നത്. ഡീസല്‍ മോഡലുകളുടെ വിതരണം ഈ മാസം ഒടുവിലോടെ ആരംഭിക്കാന്‍ സാധിക്കുമെന്നാണ് വിവരം. ജനുവരി 14-ന് മുമ്പായി 14,000 വാഹനങ്ങളുടെ വിതരണം പൂര്‍ത്തിയാക്കുകയാണ് കമ്പനിയുടെ ലക്ഷ്യമെന്ന് മഹീന്ദ്ര അറിയിച്ചിരുന്നു. XUV700 പെട്രോള്‍ മോഡലിന് 12.49 ലക്ഷം മുതല്‍21.29 ലക്ഷം രൂപ വരെയും ഡീസലിന് 12.99 ലക്ഷം മുതല്‍ 22.89 ലക്ഷം രൂപ വരെയുമാണ് എക്‌സ്‌ഷോറൂം വില.

Mahindra XUV700
മഹീന്ദ്ര XUV700 | Photo: Mahindra.com

MX, AX3, AX5, AX7 എന്നീ നാല് വേരിയന്റുകളില്‍ ഓട്ടോമാറ്റിക്-മാനുവല്‍ ട്രാന്‍സ്മിഷനുകളില്‍ 20 മോഡലുകളായാണ് XUV700 വില്‍പ്പനയ്ക്ക് എത്തുന്നത്. 2.0 ലിറ്റര്‍ പെട്രോള്‍, 2.2 ലിറ്റര്‍ ഡീസല്‍ എന്നീ എന്‍ജിനുകളാണ് ഈ വാഹനത്തിന് കരുത്തേകുന്നത്. പെട്രോള്‍ എന്‍ജിന്‍ 197 ബി.എച്ച്.പി. പവറും 380 എന്‍.എം.ടോര്‍ക്കുമാണ് നല്‍കുന്നത്. ഡീസല്‍ എന്‍ജിന്‍ 153, 182 ബി.എച്ച്.പി. പവറും 360, 420 എന്‍.എം. ടോര്‍ക്കുമാണ് ഇത് ഉത്പാദിപ്പിക്കുന്നത്. ഓട്ടോമാറ്റിക്-മാനുവല്‍ ട്രാന്‍സ്മിഷനുകളും ഇതില്‍ നല്‍കുന്നുണ്ട്.

Content Highlights: Mahindra Complete Delivery Of 700 XUV700 Before Diwali, Booking Cross 70,000


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


xi jinping

2 min

ചൈനയില്‍ അട്ടിമറിയോ? 9000-ലേറെ വിമാനങ്ങള്‍ റദ്ദാക്കിയെന്ന് അഭ്യൂഹം; ഹൈസ്പീഡ് ട്രെയിനുകള്‍ നിര്‍ത്തി?

Sep 25, 2022

Most Commented