ഡിഫന്‍ഡറിന്റെ കുഞ്ഞന്‍ പതിപ്പുമായി ലാന്‍ഡ്‌റോവര്‍; ഇത് ഓഫ്‌റോഡുകള്‍ക്കായുള്ള കേമന്‍


ഓഫ്റോഡ് ഡ്രൈവില്‍ വ്യത്യസ്ഥ പാതകള്‍ക്കായി വാഹനത്തെ ക്രമീകരിക്കാനാവുന്ന ടെറൈന്‍ റെസ്പോണ്‍സാണിതിലെ കേമന്‍.

ലാൻഡ് റോവർ ഡിഫൻഡർ 90 | Photo: Jaguar Land Rover

ഴിഞ്ഞ വര്‍ഷമായിരുന്നു 'ഡിഫന്‍ഡറി'ന്റെ പുതുക്കിയ പതിപ്പ് ഇന്ത്യയിലെത്തിയത്. അഞ്ചു ഡോറുള്ള 'ഡിഫന്‍ഡര്‍ 110' ആയിരുന്നു അത്. പുതിയ രൂപവും ഭാവവുമെല്ലാം വന്നപ്പോള്‍ 'ഡിഫന്‍ഡര്‍ 110' ഹിറ്റായി. ഈ വിജയത്തിനുശേഷം ഇപ്പോഴിതാ 'ഡിഫന്‍ഡറി'ന്റെ കുഞ്ഞന്‍ പതിപ്പുമായി വീണ്ടുമെത്തുകയാണ് 'ലാന്‍ഡ്‌റോവര്‍'.

'ഡിഫന്‍ഡര്‍-90' ആണ് കഴിഞ്ഞ ദിവസം ഇന്ത്യന്‍ നിരത്തിലേക്കെത്തിയത്. 'ഡിഫന്‍ഡര്‍-90' ഇന്ത്യയ്ക്കായി കഴിഞ്ഞ വര്‍ഷം പ്രഖ്യാപിച്ചെങ്കിലും വില്‍പ്പന ഇപ്പോഴാണ് ആരംഭിക്കുന്നതെന്നു മാത്രം. 76.57 ലക്ഷം രൂപ മുതല്‍ 1.12 കോടി രൂപ വരെയാണ് വില.

പ്രധാന ആകര്‍ഷണം

കാഴ്ചയില്‍, മോഡല്‍ 110-ന് സമാനമായി തോന്നുന്നുവെങ്കിലും രണ്ടാമത്തെ വരി നഷ്ടപ്പെടുമ്പോള്‍ സ്വാഭാവികമായും വീല്‍ബേസ് കുറയും. എന്നാല്‍, അത്‌ ഉള്ളിലറിയാത്ത വിധത്തിലാണ് രൂപകല്‍പ്പന. മുന്നിലെ രണ്ട് സീറ്റുകള്‍ക്ക് പുറമെ സെന്‍ട്രല്‍ കണ്‍സോള്‍ ജമ്പ് സീറ്റാക്കി മാറ്റി. പിന്നിലാകട്ടെ മുഖത്തോടുമുഖം നാലുപേര്‍ക്ക് കൈയും കെട്ടിയിരിക്കാം. എന്നാല്‍, സാഹസിക യാത്രക്കള്‍ക്കായി പോകുമ്പോള്‍ സാധനങ്ങള്‍ കൂട്ടിയിടാനുള്ള സ്ഥലമായേ കമ്പനി ഇതിനെ കാണുന്നുള്ളു. രണ്ടുപേര്‍ക്കുള്ള യാത്രാവാഹനം എന്നതാണ് 'ഡിഫന്‍ഡര്‍-90' കൊണ്ട് ഉദ്ദേശിക്കുന്നത്.

കരുത്താണ് ഗാരന്റി

എവിടേയും ധൈര്യത്തില്‍ കൂടെക്കൂട്ടാനാകുന്ന കരുത്താണ് ഗാരന്റി. കാരണം, മൂന്നു പവര്‍ ട്രെയിന്‍ ഓപ്ഷനുകളാണ് ലാന്‍ഡ്‌റോവര്‍ നല്‍കുന്നത്, രണ്ട് പെട്രോള്‍ എന്‍ജിനുകളും ഒരു ഡീസല്‍ എന്‍ജിനും. മൂന്നും കരുത്തിന്റെ കാര്യത്തില്‍ മത്സരിക്കും. 296 ബി.എച്ച്.പി. പവറും 400 എന്‍.എം. ടോര്‍ക്കുമേകുന്ന 2.0 പെട്രോള്‍, 394 ബി.എച്ച്.പി. പവറും 550 എന്‍.എം. ടോര്‍ക്കുമേകുന്ന 3.0 ലിറ്റര്‍ പെട്രോള്‍, 296 ബി.എച്ച്.പി. പവറും 650 എന്‍.എം. ടോര്‍ക്കുമേകുന്ന 3.0 ലിറ്റര്‍ ഡീസല്‍ എന്നിവയാണിവ.

ഓഫ്റോഡ് ഡ്രൈവില്‍ വ്യത്യസ്ഥ പാതകള്‍ക്കായി വാഹനത്തെ ക്രമീകരിക്കാനാവുന്ന ടെറൈന്‍ റെസ്പോണ്‍സാണിതിലെ കേമന്‍. വെള്ളക്കെട്ടുകളിലൂടെയും മറ്റുമുള്ള യാത്രയ്ക്കായി വെയ്ഡ് പ്രോഗ്രാമും ടെറൈന്‍ റെസ്പോണ്‍സില്‍ ഉള്‍പ്പെടുത്തിയിട്ടുണ്ട്. പുറംമോടിയില്‍ ആദ്യമെത്തിയ ഡിഫന്‍ഡറിന് സമാനമാണ് ഡിഫന്‍ഡര്‍-90. ഇന്‍ഫോടെയ്ന്‍മെന്റ്, ക്ലൈമറ്റ് കണ്‍ട്രോള്‍ തുടങ്ങി ഇന്റീരിയറിലെ മറ്റ് ഫീച്ചറുകളെല്ലാം തന്നെ ഡിഫന്‍ഡര്‍ 110-ന് സമാനമായാണ് ഒരുങ്ങിയിട്ടുള്ളത്.

Content Highlights: Land Rover Defender 90 SUV; A Complete Off Road Vehicle

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

04:45

റുഷ്ദിയിലേയ്ക്കു മാത്രമല്ല, പരിഭാഷകരിലേയ്ക്കും നീണ്ട പതിറ്റാണ്ടിന്റെ പക

Aug 16, 2022


Dalit Boy

1 min

അധ്യാപകന്റെ പാത്രത്തില്‍നിന്ന് വെള്ളംകുടിച്ചതിന് ക്രൂരമര്‍ദനം; 9 വയസ്സുള്ള ദളിത് ബാലന്‍ മരിച്ചു

Aug 14, 2022


09:55

പവർ പാക്ക്ഡ് 'പാലാപ്പള്ളി'; കടുവയിലെത്തിയ കഥ പറഞ്ഞ് സോൾ ഓഫ് ഫോക്ക് ബാൻഡ് | Soul of Folk

Aug 14, 2022

Most Commented