ഞെട്ടിപ്പിച്ച് മൈലേജ്, അമ്പരപ്പിച്ച് വില; കോംപാക്ട് എസ്.യു.വിയില്‍ ഇനി കിയ സോണറ്റ് തരംഗം


ടെക് ലൈന്‍, ജി.ടി ലൈന്‍ എന്നീ രണ്ട് വിഭാഗങ്ങളിലായി HTE, HTK, HTK+, HTX, HTX+, GTX+ എന്നീ വേരിയന്റുകളിലാണ് സോണറ്റ് എത്തുന്നത്.

കിയ സോണറ്റ് | Photo: Kia Motors India

നാളുകള്‍ നീണ്ട കാത്തിരിപ്പിനൊടുവില്‍ കിയയുടെ കോംപാക്ട് എസ്‌.യു.വി. മോഡലായ സോണറ്റ് നിരത്തുകളിലേക്ക്. എതിരാളികളെ പോലും അമ്പരപ്പിക്കുന്ന വിലയിലാണ് സോണറ്റ് വരുങ്ങുന്നത്. രണ്ട് വിഭാഗങ്ങളിലായി ആറ് വേരിയന്റുകളിലെത്തുന്ന ഈ കോംപാക്ട് എസ്‌.യു.വിക്ക് 6.71 ലക്ഷം രൂപ മുതല്‍ 11.99 ലക്ഷം രൂപ വരെയാണ് എക്‌സ്‌ഷോറും വില.

ടെക് ലൈന്‍, ജി.ടി ലൈന്‍ എന്നീ രണ്ട് വിഭാഗങ്ങളിലായി HTE, HTK, HTK+, HTX, HTX+, GTX+ എന്നീ വേരിയന്റുകളിലാണ് സോണറ്റ് എത്തുന്നത്. പെട്രോള്‍ എന്‍ജിന്‍ മോഡലുകള്‍ക്ക് 6.71 ലക്ഷം രൂപ മുതല്‍ 11.99 ലക്ഷം രൂപ വരെയും ഡീസല്‍ എന്‍ജിന്‍ പതിപ്പിന് 8.05 ലക്ഷം രൂപ മുതല്‍ 11.99 ലക്ഷം രൂപ വരെയുമാണ് എക്‌സ്-ഷോറും വില വരുന്നത്. ഒരു ലക്ഷം യൂണിറ്റാണ് പ്രതിവര്‍ഷ വില്‍പ്പന ലക്ഷ്യം.

വെന്യുവിന്റെ പ്ലാറ്റ്‌ഫോമാണ് സോണറ്റിന്റെയും അടിസ്ഥാനം. 1.2 ലിറ്റര്‍ പെട്രോള്‍, 1.0 ലിറ്റര്‍ ടര്‍ബോചാര്‍ജ്ഡ് പെട്രോള്‍, 1.5 ഡീസല്‍ എന്നീ മൂന്ന് എന്‍ജിന്‍ ഓപ്ഷനുകളിലും ഏഴ് സ്പീഡ് ഡ്യുവല്‍ ക്ലെച്ച്, ആറ് സ്പീഡ് ഇന്റലിജെന്റ് മാനുവല്‍, ആറ് സ്പീഡ് ഓട്ടോമാറ്റിക്, ആറ് സ്പീഡ് മാനുവല്‍, അഞ്ച് സ്പീഡ് മാനുവല്‍ എന്നീ അഞ്ച് ട്രാന്‍സ്മിഷന്‍ ഓപ്ഷനുകളിലുമാണ് കിയ സോണറ്റ് നിരത്തുകളിലെത്തുന്നത്.

Kia Sonet
കിയ സോണറ്റ് | Photo: Kia Motors India

1.0 ലിറ്റര്‍ ടര്‍ബോ പെട്രോള്‍ എന്‍ജിന്‍ 998 സിസിയില്‍ 118 ബിഎച്ച്പി പവറും 172 എന്‍എം ടോര്‍ക്കും, 1.2 ലിറ്റര്‍ പെട്രോള്‍ എന്‍ജിന്‍ 1197 സിസിയില്‍ 82 ബിഎച്ച്പി പവറും 115 എന്‍എം ടോര്‍ക്കും, 1.5 ലിറ്റര്‍ ഡീസല്‍ എന്‍ജിന്‍ 1493 സിസിയില്‍ 113 ബിഎച്ച്പി പവറും 250 എന്‍എം ടോര്‍ക്കുമാണ് ഉത്പാദിപ്പിക്കുന്നത്. ഡീസല്‍ മോഡലിന് 19 മുതല്‍ 24 കിലോമീറ്റര്‍ വരെയും പെട്രോള്‍ മോഡലിന് 18.2 മുതല്‍ 18.4 കിലോമീറ്റര്‍ വരെയുമാണ് കിയ ഉറപ്പ് നല്‍കുന്ന ഇന്ധനക്ഷമത.

സോണറ്റിന്റെ ഡിസൈന്‍ സംബന്ധിച്ചുള്ള വിവരങ്ങള്‍ കിയ മുമ്പ് പുറത്തുവിട്ടിരുന്നു ടൈഗര്‍ നോസ് ഗ്രില്ല്, ഹെഡ്ലൈറ്റ്, ഡിആര്‍എല്‍, ഫോഗ്ലാമ്പ് എന്നിവ എല്‍ഇഡിയാണ്, ഹണികോംമ്പ് ഡിസൈനിലുള്ള എയര്‍ഡാം, ബ്ലാക്ക് ക്ലാഡിങ്ങ്, ഡയമണ്ട് കട്ട് ഫിനീഷിങ്ങില്‍ ഒരുങ്ങിയിരിക്കുന്ന അലോയി വീല്‍, ചുവന്ന നിറത്തിലുള്ള കാലിപ്പേഴ്്സ് തുടങ്ങിയവയാണ് എക്സ്റ്റീരിയര്‍ ഡിസൈന്‍ ഹൈലൈറ്റ്.

Kia Sonet
കിയ സോണറ്റ് | Photo: Kia Motors India

ഇന്റീരിയര്‍ ഫീച്ചര്‍ സമ്പന്നമാണ്. 10.25 ഇഞ്ച് ഇന്‍ഫോടെയ്ന്‍മെന്റ് സിസ്റ്റം, ഡിജിറ്റല്‍ ഇന്‍സ്ട്രുമെന്റ് ക്ലെസ്റ്റര്‍, ചിട്ടയായി നല്‍കിയിട്ടുള്ള ക്ലൈമറ്റ് കണ്‍ട്രോള്‍ യൂണിറ്റ്, ഗ്ലോസി ബ്ലാക്ക് എസി വെന്റുകള്‍, കണ്‍ട്രോള്‍ യൂണിറ്റും ഡിജിറ്റല്‍ ഡിസ്പ്ലേയും നല്‍കിയിട്ടുള്ള പിന്‍നിര എസി വെന്റുകള്‍, വയര്‍ലെസ് ചാര്‍ജിങ്ങ് തുടങ്ങിയവ അകത്തളത്തിലെ ഫീച്ചറുകളാണ്.

ഇന്ത്യയില്‍ ശക്തരായ എതിരാളികളുമായാണ് സോണറ്റിന് ഏറ്റുമുട്ടേണ്ടത്. ഹ്യുണ്ടായി വെന്യു, മാരുതി സുസുക്കി ബ്രെസ, ടാറ്റ നെക്സോണ്‍, ഫോര്‍ഡ് ഇക്കോസ്പോട്ട്, മഹീന്ദ്ര എസ്യുവി 300 എന്നിവയാണ് പ്രധാന എതിരാളികള്‍. നിസാന്‍ മാഗ്നൈറ്റ്, ടൊയോട്ട അര്‍ബന്‍ ക്രൂയിസ്, ഹോണ്ട എച്ച്ആര്‍വി തുടങ്ങി വരാനിരിക്കുന്ന മോഡലുകളും സബ് കോംപാക്ട് എസ്യുവി ശ്രേണിയിലേക്കാണ് എത്തുക.

Content Highlights: Kia Sonet Launched In India; Price Starts From 6.71 Lakhs

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
നരേന്ദ്രമോദി, നിതീഷ് കുമാര്‍

2 min

ചിലത് കാണാനിരിക്കുന്നതേയുള്ളൂവെന്ന് നിതീഷ് കുമാര്‍; മോദിയെ തളര്‍ത്തുമോ 2024?

Aug 12, 2022


One of the Rajasthan Royals owners slapped me 3-4 times after I got a duck Ross Taylor reveals

1 min

ഡക്കായതിന് മൂന്ന് നാല് തവണ മുഖത്തടിച്ചു; ഐപിഎല്‍ ടീം ഉടമയ്‌ക്കെതിരായ വെളിപ്പെടുത്തലുമായി ടെയ്‌ലര്‍

Aug 13, 2022


priya varghees

1 min

റിസര്‍ച്ച് സ്‌കോര്‍ ഏറ്റവും കുറവ്; പ്രിയ വര്‍ഗീസിന്റെ വിവാദ നിയമനത്തില്‍ നിര്‍ണായക രേഖ പുറത്ത്

Aug 13, 2022

Most Commented